रोमियों 1:10 - Sirmouri

¹⁰ अरह् हमेशा आप्णी प्रार्थना अरह् अरज करदा रंहू, के कोसी भी ढंग शा ऐबे तुँओं कैई आँणों की मेरी हाँड पंणमिश्वर की हिछ़्या शी आखरी दी सफल हों।

सिरमौरी नौवाँ नियम

¹⁰ औरौ हमैशा आपणी प्रार्थनाओं दै बिन्ती कौरु, कै पौरमेशवर कै इछा कै हिसाब शै हांव तुऔं भैटिंदा ओऊं।

रोमियों 1:10 ပူးပေါင်းရင်းမြစ်များ

प्रेरितो कै काम 18:21

अरह् ऐजो बुलियों तिनू् कैई शा बिदा हुवा, के “जे पंण्मिश्वर ऐ चहाँव तअ हाँव तुँओं कैई हजो पाछू आँऊबा।” तबे से इफिसुस शो जहाज खुलियों चाली पड़ा;

प्रेरितो कै काम 19:21

ईयों घट्णाँ हंणों पाछ़ी, संत्त-पौलुस ऐ आप्णे मंन दो सुचो, के हाँव मकीदुनिया अरह् अखाया बाटी यरूशलेम खे जाँऊ; तबे तेने ऐजा बिचार करा, अरह् “तेथै ज़ाऐयों मुँह रोम के भे देख-रेख कर्णी भे जरूरी असो।”

प्रेरितो कै काम 21:14

जबे संत्त-पौलुस अमाँरी बातो माँन्दा तैयार ने हंई, तअ आँमें ऐजो बुलियों चुप्पी हऐ गुऐ; के “प्रभू की हिछ़्या पुरी हों!”

रोमियों 15:29

अरह् हाँव जाँणूऐं, के जबे हाँव तुँओं कैई आँऊबा, तअ मसीया की बादे आशिर्बाद आरी आँऊबा।

1 कुरिन्थियों 1:1

हाँव पौलुस बुलू जुण्जा के पंणमिश्वर के हिछ़्या शा प्रभू यीशू मसीया का खास-चैला बण्णों खे बईदा गुवा, अरह् अमाँरे भाऐ सोस्थिनेस की ढबे शा,

1 कुरिन्थियों 4:19

जे प्रभू ऐ चहाँव, तअ हाँव तुँओं कैई शीघा ही आँदा, अरह् तिनू शियाँगीअंदे की बातो ने, परह् तिन्की शक्त्ति जाँणी पाऊँबा।

फिलिप्पियों 4:6

कोसी भे बात का फिकर ने करे, परह् बादी बातो दे तुवाँरे ढाल-अरज, प्रार्थना अरह् ढाल-अरज के जाँणें धन्यबाद आरी पंण्मिश्वर के संहाम्णें हाजिर हों।

1 थिस्सलुनीकियों 2:18

ईन्देंखे आँमें (मतल्व मुँऐ पौलुस ऐ) ऐकी बई ने परह् दू बई तुँओं कैई आँणों चहाँव, परह् शैतान आँमों रूकदा रूआ।

फिलेमोन 1:22

अरह् ऐक बात हजो, के मुँखे रंहणों खे जागा तियार थो। मुँह भूर्षा असो, के तुँवारी प्रार्थना के जाँणें मुँह सुवाँ करियों तुँओं कैई देऐ देईदा।

इब्रानियों 13:19

हाँव तुवों खे खास करियों ढाल-अरज करू, के तुँऐं प्रार्थना करिया करह्, के हाँव तुँओं कैई शी शीघी भेंट मील करी सकू।

याकूब 4:15

तुवाँरो ऐजो बुल्णो ठीक ने आथी: ईन्देखे के “जे प्रभू के हिछ़या हों, तअ आँमें जीऊँदी रंह्ऐयों सेजा काँम-काज़ करी सको।”