प्रकाशितवाक्य 9:1 - Sirmouri

¹ जबे पाँचवें स्वर्गदूत्ते रंणशिंगें-कनाँल़ी फूकरी, तअ तबे मुँऐ स्वर्गो शा धर्ती गाशी ऐक तारा च़ूटा अंदा देखा, अरह् तैस्खे अथाह् कुँड की ताल़ी-कुँन्जी देई गई।

सिरमौरी नौवाँ नियम

¹ जोबै पाँचवें स्‍वर्गदूतै तुरही फोकै, तौ मोऐं स्वर्ग शै धोरती पांदी ऐक तारा गिरदै बैई दैखा, औरौ तारै खै सैजी चाबै दैय गौए जू तैसी गौढै कै खोले सौकौ जिथकै गहराई का कौलोंई अन्त ना हौए सौकौ।

प्रकाशितवाक्य 9:1 ပူးပေါင်းရင်းမြစ်များ

लूका 10:18

प्रभू यीशू ऐ तिनखे बुलो, “मुँऐं दुष्टो का राजा शैतान बिजूल़ी जैऐ स्वर्गो शी ऊँदी पड़्दे दे:खी थऐ।

लूका 8:31

सैजी दुष्ट-आत्त्मा प्रभू यीशू शी ढाल-अरज कर्दी लागी, के तुऐं आँमों खे नींगुऐं गाड्डै दी ज़ाणों के अज्ञाँ ने दिऐं।

रोमियों 10:7

के “पताल़ो दा ऊँदा कुँण ज़ाँदा?” (मतल्व मसीया मरे अंदे मुँझ्षे ऊबे जीयाल़ियों पाछू आँण्णों खे!)

प्रकाशितवाक्य 1:18

हाँव जीऊँदी असो; हाँव मँरी गुवा थिया, परह् ऐबे देखो, हाँव ज़ूगौ-ज़ूगौ तोड़ी जीऊँदा असो; अरह् मंऊँत्ती अरह् अंधलोक की ताल़ी-कुँन्जी मेरे हंक-अधिकार दी असो।

प्रकाशितवाक्य 1:20

ईनू सात्ते तारे, जुण्जे तुँऐं मेरे सुँऐं हाथो दे देखी लुऐ, अरह् सुन्नें के सात्त दिय्ट का गऐरा मतल्व भेद्: सेजा असो, के ऐजे सात्ते तारे सात्त कलीसिया खे डेयाल़े अंदे दूत्त असो, अरह् सेजे सात्त सुन्नें के दिय्ट सात्त कलीसिया असो।

प्रकाशितवाक्य 11:7

जबे से आप्णी गुवाऐ-शाज़्त्त देऐ पाले, तअ सेजो जाँगल़ो को बुँणेंर जू अथाह् कुँड मुँझ्शो निक्ल़ी रूवो थियों, तिनशो से लड़ियों जींत्ती ज़ाँदो, अरह् से तिनू माँरी देन्दों।

प्रकाशितवाक्य 17:8

जुण्जों बुँणेंर तुँऐं देखो, से आगे तअ थियों, परह् ऐबे ने से आथी, अरह् अथाह् कुँड शो नीक्ल़ियों नाँष दो पड़्दो, अरह् धर्ती दे रंहणों वाल़े जिनके नाँव संईसारी की उत्पत्ति के बख्त्तो शे जीवन की कताबे दे लिखी ने थई, से ऐथू बुँणेंर की ऐजी दंषा देखियों, के आगे थियों अरह् ऐबे ने आथी, अरह् से हजो आँदों, तबे तिनके तोरबाँण च़ूट्दे।

प्रकाशितवाक्य 20:1

ईन्दें पाछ़ी मुँऐ ऐक स्वर्गदूत्त स्वर्गो शा ऊँदे आँदे देखा, जेस्के हाथों दी अथाह् कुँड की ताल़ी-कुँजीं अरह् ऐक बड़ी शाँगल़-जंजीर थी।

प्रकाशितवाक्य 20:10

तबे शैतान, जेने तिनकी गंईलो छ़ल करा थिया; तेसी आग अरह् गंन्धक की झ़ील दा फ़ेरकाऐ दिता, जेथै सेजो खराब बुणेंर अरह् झ़ुठै ऋषी भे फ़ेरकाऐ थुऐ थिऐ; तेथै तिनकी ज़ूगौ-ज़ूगौ खे चोरी करी ज़ाली, अरह् से तड़फंदे रंह्ले।

प्रकाशितवाक्य 6:13

अस्माँनों के तारे धर्ती गाशी तेशे झ़डे, जैष्णें बड़े ढोंढ बगरोऊँटो लई तेर्मोल़ो के डाल़ों शे काच्चे फल़ झड़ो।

प्रकाशितवाक्य 8:10

च़ीज़े स्वर्गदूत्ते रंणशिंगें-कनाँल़ी फूकरी, अरह् ऐक बड़ा तारा जू डाव जेष्णाँ बल़ों थिया, से स्वर्गो शा च़ूटा, अरह् नंदियों के ऐकी च़ीज़े हिस्से पाँणी के फट्वाँणी गाशी पड़ा,

प्रकाशितवाक्य 8:12

चौऊथे स्वर्गदूत्ते रंणशिंगें-कनाँल़ी फूकरी, अरह् सुर्जो का ऐक च़ीज़ा हिस्सा, अरह् चाँद के च़ीज़े हिस्से दो, अरह् तारे का भे ऐक च़ीज़ा हिस्से दी तैष्णी ही कठ्णाँई आई, ऐथै तोड़ी के तिनके ऐक च़ीज़े हिस्से दो ईनाँरो पड़ो, अरह् देसो के ऐक च़ीज़े हिस्से दो, पियाँषों ने रंही, अरह् तैष्णों ही रात्ती खे भे हुवो।

प्रकाशितवाक्य 8:2

तबे मुँऐ तिनू सात्ते स्वर्गदूत्त देखे, जू पंण्मिश्वर के सहाँम्णें खह्ड़े रंह्, अरह् तिनखे सेजी सात्त रंणशिंगें-कनाँल़ी देई गई।

प्रकाशितवाक्य 9:2

तेने अथाह् कुँड खुला, अरह् तेसी कुँड शा भाठो का जिया धुवाँ नींक्ल़ा, अरह् तेसी कुँड के धुऐं के जाँणें सुरूज अरह् बागुर ईनाँरखे हुऐ।