प्रकाशितवाक्य 8:8 - Sirmouri

⁸ दुज़े स्वर्गदूत्ते रंणशिंगें-कनाँल़ी फूकरी, तबे ऐशो जाँणों के आगी लई भभ्का अंदा टिम्बा संमुन्द्रो दा पाया; अरह् संमुन्द्रो का ऐक च़ीज़ा हिस्सा लह्ऊँ बंणों,

सिरमौरी नौवाँ नियम

⁸ दूजै स्‍वर्गदूतै तुरही फोकै, ऐशै किछै जू ऐक बौड़ै जोल़ेयौंदे पाहाड़ कै जैशणा दैखियौं थियु, समुन्द्र दौ रिड़ै गौ। इयौं बौजैह शै समुन्द्र बै ऐक तिहाई लोऊ हौए गौ,

प्रकाशितवाक्य 8:8 ပူးပေါင်းရင်းမြစ်များ

मरकुस 11:23

हाँव तुँओं खे खास बात बुलू, के जे कुँऐं ईयों टिम्बड़ी खे बुलो, के ऊँख्षियों संमुन्द्रो दी पंड़, अरह् से आप्णे सासो दा बिश्वाष थंह्; तअ जुण्जो तुऐं बुल़्ले सेजो तेष्णों ही हंदों।

प्रकाशितवाक्य 11:6

तिन कैई हंक-अधिकार असो, अस्माँन बंद कर्णो का, के तिनकी बरंम्बाँणीं के देसो दो पाँणीं ने आँव; अरह् तिनका बादे पाँणी गाशी हंक-अधिकार असो, के तिन्दें को लह्ऊँ बंणाव, अरह् जबे-जबे चहाँव तबे-तबे धर्ती गाशी साँत्त-भाँत्ती बिब्त्ति पाँणों के शँक्त्ति तिन कैई असो।

प्रकाशितवाक्य 12:4

तेने बड़े अजंगर ऐ अस्माँनों शे ऐक च़ीज़ा हिस्सा तारे आप्णी लेंघह् लई, मेंठियों धर्ती गाशी फेरकाऐ दिते, अरह् तबे सेजा पाखों वाल़ा अजंगर तियों तिरंई के सहाँम्णें, जियाँरें नहाँन्ड़िया हंणों वाल़ो थियों, खड़ा हुवा, के जेई ईयों तिरंई के नहाँन्ड़िया पय्दा हंलो, तेई हाँव ईयाँरों सेजो नहाँन्ड़िया साबुत ऊँदो घुटी पाँऊबा।

प्रकाशितवाक्य 8:7

आगले स्वर्गदूत्ते रंणशिंगें-कनाँल़ी फूकरी, अरह् लह्ऊँ वाल़े शोरू अरह् आग पय्दा हऐ, अरह् धर्ती गाशी पाऐ दिती, अरह् धर्ती का च़ीज़ा हिस्सा जल़ी गुवा, अरह् डाल़ भे च़ीज़ा हिस्सा जल़ी गुऐ, अरह् बादो होरो घास भे जल़ी गुवो।

प्रकाशितवाक्य 9:15

तिनू चारे स्वर्गदूत्त खुली दिते, जुण्जे तेसी बख्ते, अरह् तेसी देसे, अरह् भींन्नै, अरह् साल्ह खे आदमी का ऐक च़ीज़ा हिस्सा माँरी देणों खे तैयार करी थुऐं थिऐ।

प्रकाशितवाक्य 9:18

तिनके मुँह शी निकल़्दी रंई च़ीन मुँरी—आग, गंन्धक, अरह् धुऐं शी ऐक च़ीज़ा हिस्सा आदमी नाँष हऐ गुऐ।