प्रकाशितवाक्य 8:10 - Sirmouri

¹⁰ च़ीज़े स्वर्गदूत्ते रंणशिंगें-कनाँल़ी फूकरी, अरह् ऐक बड़ा तारा जू डाव जेष्णाँ बल़ों थिया, से स्वर्गो शा च़ूटा, अरह् नंदियों के ऐकी च़ीज़े हिस्से पाँणी के फट्वाँणी गाशी पड़ा,

सिरमौरी नौवाँ नियम

¹⁰ तिजै स्‍वर्गदूतै तुरही फोकै, औरौ ऐक बौड़ा तारा जू मशाल कै जैशणा जौल़ौ थिया, स्वर्ग शै छुटा, इयौं बौजैह शै नोंदी कै ऐक तिहाई पांदी, औरौ तिनु ताजै पाणी कै औगल़ौ पांदी पौड़ौ।

प्रकाशितवाक्य 8:10 ပူးပေါင်းရင်းမြစ်များ

मत्ती 25:1

प्रभू यीशू ऐ स्वर्गो के राज्य के बारे दी ऐक कथा शुणाँऐं; के “स्वर्गो को राज्य तिनू दष कुवाँरी-कंन्याँ को जेष्णों असो, जुण्जी आप्णें दुह्ले का स्वागत् कर्दी डाव-कत्रेन्डे बाल़ियों भेंट कर्दी निक्ल़ी।

लूका 10:18

प्रभू यीशू ऐ तिनखे बुलो, “मुँऐं दुष्टो का राजा शैतान बिजूल़ी जैऐ स्वर्गो शी ऊँदी पड़्दे दे:खी थऐ।

यहूदा 1:13

ऐ संमुन्द्रो के प्रचंन्ड फालो जैष्णी हों, जू आप्णी लाजो-शर्मी की शैफो बंणाऐयों छुड़ो: ऐ हिल्दे-झुल्दे तारे मंडल़ असो, जिन खे सदा-सदा तोड़ी घोर-घुप्प ईनाँरो पाक्को अट्ल़ असो।

प्रकाशितवाक्य 1:20

ईनू सात्ते तारे, जुण्जे तुँऐं मेरे सुँऐं हाथो दे देखी लुऐ, अरह् सुन्नें के सात्त दिय्ट का गऐरा मतल्व भेद्: सेजा असो, के ऐजे सात्ते तारे सात्त कलीसिया खे डेयाल़े अंदे दूत्त असो, अरह् सेजे सात्त सुन्नें के दिय्ट सात्त कलीसिया असो।

प्रकाशितवाक्य 12:4

तेने बड़े अजंगर ऐ अस्माँनों शे ऐक च़ीज़ा हिस्सा तारे आप्णी लेंघह् लई, मेंठियों धर्ती गाशी फेरकाऐ दिते, अरह् तबे सेजा पाखों वाल़ा अजंगर तियों तिरंई के सहाँम्णें, जियाँरें नहाँन्ड़िया हंणों वाल़ो थियों, खड़ा हुवा, के जेई ईयों तिरंई के नहाँन्ड़िया पय्दा हंलो, तेई हाँव ईयाँरों सेजो नहाँन्ड़िया साबुत ऊँदो घुटी पाँऊबा।

प्रकाशितवाक्य 14:7

तेने स्वर्गदूत्ते धाव देऐयों बुलो, “पंण्मिश्वर शे डरोह्, अरह् तिनकी बड़ियाऐ आरार्धना करह् किन्देंखे के तिनके नियाँव कर्णो का बख्त आऐ पईचा, अरह् तिनका भजन करह्, जिन्ऐं स्वर्ग अरह् धर्ती अरह् समुँन्द्र अरह् जल-पाँणी के फट्वाणी बंणाऐं थुऐ।”

प्रकाशितवाक्य 16:4

च़ीज़े स्वर्गदूत्ते आप्णा बैलुवा नंदी अरह् पाँणी के फट्वाँणी गाशी पेरा, अरह् से लह्ऊँ बंणी गुवो।

प्रकाशितवाक्य 6:13

अस्माँनों के तारे धर्ती गाशी तेशे झ़डे, जैष्णें बड़े ढोंढ बगरोऊँटो लई तेर्मोल़ो के डाल़ों शे काच्चे फल़ झड़ो।

प्रकाशितवाक्य 8:7

आगले स्वर्गदूत्ते रंणशिंगें-कनाँल़ी फूकरी, अरह् लह्ऊँ वाल़े शोरू अरह् आग पय्दा हऐ, अरह् धर्ती गाशी पाऐ दिती, अरह् धर्ती का च़ीज़ा हिस्सा जल़ी गुवा, अरह् डाल़ भे च़ीज़ा हिस्सा जल़ी गुऐ, अरह् बादो होरो घास भे जल़ी गुवो।

प्रकाशितवाक्य 9:1

जबे पाँचवें स्वर्गदूत्ते रंणशिंगें-कनाँल़ी फूकरी, तअ तबे मुँऐ स्वर्गो शा धर्ती गाशी ऐक तारा च़ूटा अंदा देखा, अरह् तैस्खे अथाह् कुँड की ताल़ी-कुँन्जी देई गई।

प्रकाशितवाक्य 9:15

तिनू चारे स्वर्गदूत्त खुली दिते, जुण्जे तेसी बख्ते, अरह् तेसी देसे, अरह् भींन्नै, अरह् साल्ह खे आदमी का ऐक च़ीज़ा हिस्सा माँरी देणों खे तैयार करी थुऐं थिऐ।

प्रकाशितवाक्य 9:18

तिनके मुँह शी निकल़्दी रंई च़ीन मुँरी—आग, गंन्धक, अरह् धुऐं शी ऐक च़ीज़ा हिस्सा आदमी नाँष हऐ गुऐ।