प्रकाशितवाक्य 7:4 - Sirmouri

⁴ अरह् जिनू गाशी छाप लाऐ गऐ, मुँऐं तिनकी गिनती शुँणी, मतल्व इस्राएल के नहाँन्ड़िया के बादे कुँल़-गड़ी के ऐक लाख चौवाल़ीष हजार लोग थिऐ:

सिरमौरी नौवाँ नियम

⁴ जोबै स्‍वर्गदूतै निशान लाणा पूरा कौरे दिया, तोबै कुणिए मुखै बौतौऊ कै सैजै लोग जिनकै माथै पांदी स्‍वर्गदूतै पौरमेशवर कै मुहर शै निशान लोऊवा, तिनकै गिनती 144,000 थी। ऐजै सौबै लोग इस्राएल देश कै बारौ गोत्रो मुंजीदै थिए।

प्रकाशितवाक्य 7:4 ပူးပေါင်းရင်းမြစ်များ

मत्ती 19:28

प्रभू यीशू ऐ तेस्खे बुलो, हाँव तुँओं खे खास बात बुलू, के नंई संईसारी दा जबे आदमी का बैटा आप्णी बड़ियाऐं की सिंगास्हणों गाशी बईठला, तअ तुँऐं भे जुण्जे मुँह पाछी चाली रूऐ, से बारंह् सिंगास्हणों गाशी बऐठियों इस्राएल के बारंह् गोत्रह् का नियाँव कर्ले।

लूका 14:22

तबे तिनू दासे ऐ हजो बुलो, के ‘हे माँलिक जेष्णों तुँऐं बुलो, आँमें तेष्णों ही कोरो, परह् ईथै तअ हजो भे जागा बंची रंऐ।’

लूका 22:30

के तुँऐं भे मेरी राज दो मेरी गईलो तैसी ही मैजो गाशी खाले-पीले; अरह् सिगाँस्णों गाशी बऐठियों इस्राएल के बाहरंह् गोत्र का नियाँव कर्ले।

प्रेरितो कै काम 26:7

तेसी ही बाय्दे के पुरे हंणों के भुर्षे दे, अमाँरे बारंह् गोत्र के लोग होंस्ले आरी; देसो-रात्ती पंण्मिश्वर के आरार्धना करह्: ‘हे राज! ऐसी ही भोर्षे के कारण यहूदी हाकम मुँदा दोष-ईल़्जाँम लाँओं।’

रोमियों 9:27

अरह् ऋषी-यशायाह ऐ इस्राएल के बारे दो धुवाऐयों बुलो, के “भाँव इस्राएल के अलादी की गिनती संमुन्द्रो के बाल़ू के कंण जेतोड़ी भे हों; तबे भे तिनू मुझ्शे ठीके ही बंचदे।

याकूब 1:1

पंणमिश्वर का अरह् प्रभू यीशू मसीया का दास संत्त-याकूब कि ढबे शी बहारी गोह्त्र खे जू खिदर-भिदर हऐयों रंह्, तिनखे नमंष्कार पऊँची चेंई।

प्रकाशितवाक्य 14:1

तबे मुँऐ झ़ेठ पाऐ, अरह् देखो, सेजा छ़ैल़्टा सिय्योन धारह् गाशी खड़ा असो, अरह् तिनकी गईलो ऐक लाख चौवाल़ीष हजार लोग असो, जिनके माँथें गाशी तिनका अरह् तिनके परमं-पिता को नाँव असो।

प्रकाशितवाक्य 14:3

तिन्ऐं सिंगाँस्हणों के सहाँम्णें अरह् चौऊँ जींव, अरह् अगुऐ के सहाँम्णें ऐक नुवों गीत्त गाऐ लों थियो। तिनू ऐक लाख चौवाल़ीष हजार लोगो के सुवाऐं, जू धर्ती गाछ़ै मोंले लुऐ थुऐ थिऐ, अरह् ओके कुँऐ ऐजो गीत्त शिखी ने सको थिऐ।

प्रकाशितवाक्य 7:5

यहूदा के कुँल़-गड़ी मुँझ शे बारह् हजार लोगो गाशी छाप लाऐ; रूबेन के कुँल़-गड़ी मुँझ शी बारह् हजार गाशी, गाद के कुँल़-गड़ी मुँझी बारह् हजार गाशी।

प्रकाशितवाक्य 9:16

मुँह कैई बुलो गुवो, के घोड़शवारों के फोऊँजी की गिनत्ती बीष करोड़ असो।