प्रकाशितवाक्य 7:2 - Sirmouri

² तबे मुँऐं ऐक ओका स्वर्गदूत्त जू जीऊँदे पंण्मिश्वर की छाप करियों पुर्बो शा ऊबे खे आँदे देखा; तेने तिनू चौऊ स्वर्गदूत्तों खे जिनू धर्ती, अरह् समुँन्द्र, का नुकसाँन-घाटा कर्णो का हंक-अधिकार दिया गुवा थिया, तेने जुराल़ो लेरा माँरियों बुलो।

प्रकाशितवाक्य 7:2 ပူးပေါင်းရင်းမြစ်များ

मत्ती 16:16

शमौन संत्त-पतरस ऐ जबाब दिता, “तुँऐं जीऊँदे पंणमिश्वर का बैटा मसीया असो!”

मत्ती 26:63

परह् प्रभू यीशू चुप्पी रूऐ। तबे महाँ-याजक ऐ तिनखे बुलो, “हाँव ताँव्खे जीऊँदे पंणमिश्वर के षौह् देऊँ, के जे तू पंणमिश्वर का बैटा मसीया असो, तअ आँमों कैई ऊडो बुली दे।”

यूहन्ना 6:27

नाँष बाँन भोजन खे ने, परह् तेसी भोजन खे मेंह्नत्त करह्, जुण्जा सदा खे अमर-जीवन तोड़ी रंह्; जुण्जा जीवन आदमी का बैटा तुओं खे देला, किन्देंखे के बाबा, मतल्व परंम-पिता पंण्मिश्वर ऐं आप्णी ही हिछ़या आरी, सिर्फ तेस्खे ही सेजा हंक-अधिकार देऐ थुवा।”

2 कुरिन्थियों 1:22

जिन्ऐं आँमों गाशी छाप-मुँहर लाऐ थऐ, अरह् जाँमनी खे पबित्र-आत्त्मा अमाँरे सासो दी देऐ थऐ।

इफिसियों 1:13

तुँऐं सच्चाई का बचन मतल्व आप्णी मुँक्त्ति की खुषख्बरी शुँणियों मसीया दा बिश्वाष किया अरह् तुँओं गाशी तियों पबित्र-आत्त्मा के मूँहर-छाप लागी गऐ, जिन्दे का बाय्दा तिन्ऐं करी थुवा थिया।

इफिसियों 4:30

पंण्मिश्वर की पबित्र-आत्त्मा दु:खी ने करे, जिन्दे लई तुँओं गाशी छुट्कारे के देसो खे छाप लाऐ थई।

1 थिस्सलुनीकियों 1:9

किन्देंखे के से आपु ही अमाँरे बारे दो बुलो, के तुँओं कैई अमाँरो आँणों केष्णों हुओ; अरह् तुँऐं केशे मुर्त्तियाँ छ़ुड़ियों पंण्मिश्वर के ढबे फिरे, जू जीऊँदे अरह् साच्चै पंण्मिश्वर की सेवा करह्।

2 तीमुथियुस 2:19

तबे भे पंण्मिश्वर कि पाक्की पह्-नींव अट्ल़ असो, जिन्दें गाशी ऐजी मुँहर-छ़ाप लागीं रंऐ; के “प्रभू तिनू जाँणों ऐं, जुण्जें प्रभू के असो,” अरह् जुण्जा कुँऐं प्रभू का नाँम लों, से अपराध के शा बंचा अंदा रंह्।

इब्रानियों 12:22

परह् तुँऐं सिय्योन टिम्बे गाशी जीऊँदे पंण्मिश्वर के नंगरो दे, स्वर्गिऐ यरूशलेम कैई, अरह् लाखो सवर्गदूतों आरी खुशी आँनन्द मंनाँव,

प्रकाशितवाक्य 1:3

भाग्ईंत असो! सेजा जुण्जा ईयों बरंम्बाँणी पढ़ो ऐं, अरह् सेजे बादे लोग जुण्जे ईयों बरंम्बाँणीं शुँणों ऐ; अरह् ईन्दी लिखी अंदी बातो का पाल़्ण करह्, किन्देंखे के सेजा बंख्त्त नंजीक आऐ रूवा।

प्रकाशितवाक्य 10:1

तबे मुँऐ ऐक ओका शक्त्तिशाली स्वर्गदूत्त बाद्ल़ो दा मेठिया अंदा, स्वर्गो शा ऊदे आँदे देखा। तेसके मुँढों गाशी पंण्यारी थी। तेस्को मुँह सुर्जो जेष्णों अरह् तेसके लात्त आगी के खाँम्बे जैष्णें थिऐ।

प्रकाशितवाक्य 10:4

जबे सात्ते गुड़ाको की धूम्मराल़ो शुँणाँई पड़ी, तअ मेरे सेजो लिख्णों थियों, परह् मुँऐं स्वर्गो शी ऐजी धाव शुँणी, के “जू तुऐं सात्त बातो ऐजी नाँद्ह की शुँणी, ऐजी चुप्पी थह्, अरह् ऐजी लिखे ने।”

प्रकाशितवाक्य 16:12

छठवें स्वर्गदूत्ते आप्णा बैलुवा बड़ी नंदी फरात्त गाशी पेरा, अरह् तिन्दे को पाँणी शुक्की गुवो, के पुर्बो दिशा के राजाओं खे बाट तैयार हंऐ ज़ाँव।

प्रकाशितवाक्य 5:2

तबे मुँऐ ऐक बलवान स्वर्गदूत्त भे देखा, जेने जूराल़ा ऐजा प्रचार करी लुवा थिया, के “ईयों कताबे खुल्णों वाल़ा; अरह् ईन्दें की सिलो च़ूड़्णों ज़ूगा कुँण असो?”

प्रकाशितवाक्य 8:3

तबे ऐक ओका स्वर्गदूत्त सुन्नें को धनीयारे लऐयों आया, अरह् बैदी पूजों कैई खह्ड़ा हुवा; अरह् बैदी पूजों कैई बैजाऐ धूप दिया गुवा, के सब पबित्र लोगो की प्रार्थनाओं आरी सुन्नें की तियों बैदी पूजों गाशी, जू सिंगाँस्ण के सहाँम्णें असो, तिन्खे चढ़ाव।

प्रकाशितवाक्य 9:14

जू छठे स्वर्गदूत्त खे जेने रंणशिंगों-कनाल़ फूकरी थी, तैस्खे ऐजी अज्ञाँ दिती, के “बड़ी नंदी फ़ूरात दे जुण्जे चार स्वर्गदूत्त, बाँनें अंदे असो, तिनू तैख्णी अजाद करी दिते।”

प्रकाशितवाक्य 9:4

तिनखे बुलो गुवो थियो, के ना धर्ती की घास, ना किऐ हरियाल़ी, ना कोसी डाल़ो का नुकसाँन करे, सिर्फ तिनू आदमी का नुकसाँन करे, जिनकी माँथे गाशी पंण्मिश्वर की छाप ने आथी।