प्रकाशितवाक्य 7:17 - Sirmouri

¹⁷ किन्देंखे के बीच, के सिंगाँस्हणों गाशी बंईठा अंदा छ़ैल़्टा तिनका चराईया हंदा; से तिनू जीवन के जल के फटवाँणीं तोड़ी नींदा पंण्मिश्वर तिनकी आखी शे बादे आशुओं आगू घुष्दा”।

सिरमौरी नौवाँ नियम

¹⁷ जिथुकै मेम्ना जू सिंहासन कै बीचौ दा औसौ, तिनकै दैखभाल कौरदा; तैशैखैई जैशै ऐक चौराणौवाल़ा आपणी भेड़ो कै दैखभाल कौरौ; औरौ सै तिनु ताजै पाणी पिणौ कारिए निया कौरदा जू लोगौ खै जीवन दैंव, औरौ पौरमेशवर तिनकै आखी पौरैशै सौब आशु घोशै दैंदा।”

प्रकाशितवाक्य 7:17 ပူးပေါင်းရင်းမြစ်များ

मत्ती 2:6

“हे, बैतलहम गाँव तू जू यहूदा प्रदेश दा असो, तू कैशा ही भी दाई यहूदा के हाक्मों मुझी सभी शा छोटा ने आथी, किन्देखे के तुँओं मुँझी ऐक हाक्म पय्दा हंदा, जुण्जा मेरी परजा इस्राएल का रंख्वाल़ा हंदा”

मत्ती 5:4

भागोईत असो! सेजे जू दु:ख-शोक करह्, किन्देखे के तिनही शाँण्त्ति भेट्दी।

यूहन्ना 10:11

“आछा भैंड़वाल़ा हाँव असो: आछा भैड़वाल़ा आप्णीं भैंड़ो की ताँईऐं आप्णी जीयाँन-प्राँण देऐ दियों।

यूहन्ना 10:14

“आछा भैड़वाल़ा हाँव असो: हाँव आप्णीं भैंड़ो पंह्छ़ियाँणू ऐ, अरह् मेरी भैंड़ो भे मुँह पंह्छ़ियाँणों ऐ।

यूहन्ना 4:10

प्रभू यीशू ऐ तियों खे जबाब दिता, “जे तू पंण्मिश्वर के बरदाँन पंह्छ़याँदी, अरह् ऐजो भे जाँण्दी के ऐजा कुँण असो; ‘जेने मुँह कैई शो पाँणी माँगी लो’, तअ तू तेसी कैई शो माँगदी अरह् से ताँव्खे अमर जीवन को जल देंदा।”

यूहन्ना 4:11

तबे तिऐं तिरंई ऐं प्रभू यीशू खे बुलो, “हे महाँराज! तुँओं कैई कुँऐ शो पाँणी ऊबो गाड़्णों खे किऐ भे ने आथी; अरह् ऐजा कुँवा तअ बैजाऐ नींगुवा असो; तअ तबे तुओं सेजो अमर जीवन को जल केथै शो भेंट्दो?

यूहन्ना 4:14

परह् जुण्जा कुँऐं मेरो दितो अंदो ऐजो जल पीला, तेसी हजो कोद्दी भे च़ीष ने लागदी; अरह् जुण्जों जल हाँव तेस्खे देऊँबा, सेजो जल तेस्दो फट्वाँणी जियों फाट्लो, जुण्जो हमेशा के अमर-जीवन खे बड़्दो रंह्लो।”

प्रेरितो कै काम 20:28

“तुऐं लोग आपु खे, अरह् आप्णीं बादी मंडल़ी खे संक्न्नै-च़ौक्ष रूऐ; ईन्देंखे के पबित्र-आत्त्मा ऐ तुओं खे ईयों मंडल़ी की रंख्वाल़ी का पंद्-भार देऐ थुवा, के तुऐं पंण्मिश्वर की कलीसिया के साच्चै भेंड़वाल़े बंणों; जिनू पंण्मिश्वर ऐं आप्णें बैटे के लंह्ऊँ देऐयों धारण करी थुऐ।

1 पतरस 5:2

के पंणमिश्वर की हिछ़या दे पंणमिश्वर की मंडल़ी के दे:ख-भाल़ करह्—कोसी दबाव दी आऐयों ने, परह् आप्णी हिछ़या के मुँताबिक कोसी लाल़च की नंजरी शी ने परह् शुद्ध सेवा-भाव शी।

प्रकाशितवाक्य 14:4

से सेजे लोग असो, जुण्जे तिरंई की गईलो हेबी तोड़ी अशुद्ध ने हऐ रंई थी, अरह् से कुँवाँरें असो; से सेजे ही असो, जुण्जे हमेशा छ़ैल़्टे पाछ़ी चालो भाँव छ़ैल़्टा कैथी भे ज़ाँव; तिनू पंण्मिश्वर अरह् छ़ैल़्टे खे बिश्वाष की आगली ही ऊपज का जिया फ़ल़ आदमी मुझ्शे चूणें-छ़ाँटे गुवे।

प्रकाशितवाक्य 21:22

तेसी नंगर दे मुँऐ किऐ भे देऊँठी ने देखी, किन्देंखे के सर्ब-शक्त्तिमाँन प्रभू पंण्मिश्वर अरह् छ़ैल़्टा तेसी नंगर की देऊँठी थी।

प्रकाशितवाक्य 21:23

तेसी नंगर दी पीयाषे खे सुरूज अरह् चाँद टीक्की की भे किऐ जरूरत ने आथी; किन्देंखे के पंण्मिश्वर का त्तेज-प्रकाष तिन्दा पीयाषे खे चंमम्कों थिया; अरह् छ़ैल़्टे का त्तेज-प्रकाष तेसी नंगर दा दिवें जेष्णाँ चंमम्कों।

प्रकाशितवाक्य 21:4

से तिनकी आँखी शे बादे आशुओं आगू घुष्दा; तिन्दे पाछी ना तअ मंऊँत्त रह्दीं, अरह् ना शोग, बिलाप, ना दु:ख, किन्देंखे के पुराँणीं बातो बीती गंई।”

प्रकाशितवाक्य 21:6

तबे तिन्ऐ मुँखे हजो बुलो, “सब काँम-काज़ खत्त्म हऐ गुवा; हाँव, अल्फ़ा अरह् ओमेगा असो, मतल्व शुरू अरह् अंन्त्त असो। हाँव च़ीषै खे जीवन-जल के फ़ट्वाँणीं शो, ऐई मुँझ़ी पाँणीं पीयाँऊबा।

प्रकाशितवाक्य 22:1

तबे ईन्दें पाछ़ी तेने स्वर्गदूत्तें मुँह कैई शी जीवन के जल की नंदी देखाऐ, जुण्जी बिल्लौर के जेष्णी छ़लक्दी, साफ सीसै हार्षी की जेऐ थी, जुण्जी पंण्मिश्वर अरह् छ़ैल़्टे के सिगाँस्ण शी बंह्दें नींक्ल़ों थी।

प्रकाशितवाक्य 4:11

“हे अमाँरें प्रभू अरह् पंण्मिश्वर: तू ही बड़ियाऐ अरह् आदर अरह् शक्त्ति ज़ूगा असो; किन्देंखे के तुँऐं ही बादी चींजो सिर्जी, अरह् बंणाँई, से तुँवारी ही हिछ़या शी थी, अरह् सिर्जी गई।”

प्रकाशितवाक्य 5:6

तबे मुँऐ तेसी सिंगाँस्ण अरह् चारों जींव अरह् तिनू अगुऐ के बीचो दा, जेष्णाँ ऐक काटा अंदा छ़ैल़्टा खड़ा देखा। तेस्के सात्त शिंगों अरह् सात्त आखी थी; ऐजी पंण्मिश्वर की सात्ते आत्त्मा असो, जुण्जी संईसारी की बादी धर्ती गाशी डियाल़ी गई थी।