प्रकाशितवाक्य 7:15 - Sirmouri

¹⁵ ईन्देंखे, ऐजे जुण्जें पंण्मिश्वर के सिंगाँस्हणों के सहाँम्णें असो, अरह् तेस्की देऊँठी दी देसो-रात्ती तेस्की सेवा करह्, अरह् जू सिंगाँस्हणों गाशी बऐठी रूवा, से तिनू गाशी आप्णें ताँम्बू की छ़या करला।

सिरमौरी नौवाँ नियम

¹⁵ “ऐसी बौजैह शै सै पौरमेशवर कै सिंहासन कै सामणै खौड़ै औसौ, औरौ सै हर सौमय दूसौ औरौ फिरै पौरमेशवर कै घोरे दै तैसकै सेवा कौरौ; औरौ सैजा जू सिंहासन पांदी बौठौए, तिनुमुंजी रौंदा औरौ तिनकै दैखभाल कौरदा।”

प्रकाशितवाक्य 7:15 ပူးပေါင်းရင်းမြစ်များ

यूहन्ना 1:14

बचन देह्-धारी हुवा, तेने अमाँरे बीच डेरा पाया; कृपा अरह् संच्चाई शा भर-पुर हंऐयों, आँमें तेस्की ऐशी बंड़ियाऐ देंखी; जेष्णीं पंण्मिश्वर के ऐक्लोत्ते बैटे की बड़ियाऐ हों।

1 कुरिन्थियों 3:16

कियों तुँऐं जाँण्दे ने के तुँऐं पंणमिश्वर के देऊँठी असो; अरह् पंणमिश्वर के आत्त्मा तुँओं दी बास करह्?

2 कुरिन्थियों 6:16

अरह् मुर्तियों आरी पंण्मिश्वर की देऊँठी का नाँता का असो? किन्देंखे के आँमें तअ जीऊँदें पंण्मिश्वर की देऊँठी असो; जैष्णों पंण्मिश्वर बुलो, “हाँव तिनू दा बास करूबा; अरह् तिनू मुझी चाला फिरा करूबा; अरह् हाँव तिनका पंण्मिश्वर हंऊँबा; अरह् से मेरे लोग हंदे।”

इब्रानियों 12:2

आँमें आप्णीं नंजर प्रभू यीशू दे थंह्, जुण्जे अमाँरे बिश्वाष के अगुवाल़ असो, अरह् सिद्ध कर्णो वाल़े असो; जिन्ऐं तेसी आँनन्द खे जुण्जा तिनखे आगे ही बंणाँऐ थुवा थिया; अरह् तिन्ऐं आप्णीं बैस्त्ति का किऐ भे फीकर ने करी, अरह् सेजी शुँल़ी-फ़ाँशी की मंऊँत्त संह्ऐन करी; अरह् पंण्मिश्वर के सिगाँस्णों के सुऐं ढंबै बंईठी गुऐ।

इब्रानियों 8:1

ऐबे जुण्जी बातो आँमें बुली लई, तिन मुँझ्शी ऐजी सोभी शी बड़ी बात असो; के अमाँरा ऐशा महाँ-याजक असो, जुण्जा स्वर्गो गाशी महाँ-प्रतापि के सिंगास्हणों के सुऐं ढबे बऐठी रूआ

प्रकाशितवाक्य 11:19

तबे पंण्मिश्वर की जुण्जी देऊँठी स्वर्गो दे असो, सेजी खुली गऐ, अरह् तेस्की देऊँठी दा तेस्के वाचा का संनदूक देखिया; जिन्दें शे बिज्ल़ाव गुड़ाको की धूमराल़ों अरह् भूईच्ल़ो हुऐ, अरह् बैजाऐ शोरू पड़े।

प्रकाशितवाक्य 13:6

तैथू ऐ पंण्मिश्वर कैई चूगली कर्णो खे आप्णों मुँह खुलो, के तिनका नाँव अरह् तिनके ताँम्बू मतल्व स्वर्गो दे रंहणों वाल़े की चूगली करह्।

प्रकाशितवाक्य 20:10

तबे शैतान, जेने तिनकी गंईलो छ़ल करा थिया; तेसी आग अरह् गंन्धक की झ़ील दा फ़ेरकाऐ दिता, जेथै सेजो खराब बुणेंर अरह् झ़ुठै ऋषी भे फ़ेरकाऐ थुऐ थिऐ; तेथै तिनकी ज़ूगौ-ज़ूगौ खे चोरी करी ज़ाली, अरह् से तड़फंदे रंह्ले।

प्रकाशितवाक्य 21:22

तेसी नंगर दे मुँऐ किऐ भे देऊँठी ने देखी, किन्देंखे के सर्ब-शक्त्तिमाँन प्रभू पंण्मिश्वर अरह् छ़ैल़्टा तेसी नंगर की देऊँठी थी।

प्रकाशितवाक्य 22:3

ऐबे शुभा तेथै कुछ भे श्राप-फिटकारा ने हंदी, किन्देंखे के पंण्मिश्वर अरह् छ़ैल़्टे को सिंगाँस्ण तेसी नंगर दो ही हंदो, अरह् तिनके दास-दासी तिनकी आरार्धना कर्दे।

प्रकाशितवाक्य 22:5

तेथै हजो कोद्दी भे रात्त ने पड़्दी; अरह् तिनके दीवे अरह् सुर्जो के भे कोद्दी जरूरत्त ने पड़्दी, किन्देंखे के प्रभू पंण्मिश्वर आपु तिनखे आप्णाँ त्तेज-प्रकाष देंदे, अरह् से तेथै ज़ूगौ-ज़ूगौ तोड़ी राज कर्दे।

प्रकाशितवाक्य 4:4

तेसी सिंगाँस्हणों के चौऊँ ढबे च़ौबीष सिंगाँस्ण असो; अरह् तिनू सिगाँस्हणों गाशी च़ौबीष अगुऐ लोग चींट्टे खोट्णों बाँम्बियों बईठे अंदे असो, अरह् तिन्के मुँढो गाशी सुन्नें के मुँकुट-ताज असो।

प्रकाशितवाक्य 4:8

चौऊँ जींव के छ: छ: पाखो असो, अरह् चौऊँ ढबे हजो आखी ही आखी असो; अरह् से रात्ती देसो बिना रूकी स्त्तुति-बड़ियाऐ ऐजी करह्: बिषाँव करे; ऐजो ही बुल़्दें रंह्, “पबित्र, पबित्र, पबित्र, प्रभू पंण्मिश्वर, सर्ब-शक्त्तिमाँन, जू थिया, अरह् जू असो ऐ, अरह् जू आँणों वाल़ा असो।”

प्रकाशितवाक्य 4:9

जबे-जबे सेजे जींव तेस्की जुण्जा सिंगाँस्हणों गाशी बईठा अंदा थिया, अरह् जू ज़ूगौ-ज़ूगौ जीऊँदा असो, बड़ियाऐं अरह् आदर अरह् धन्यबाद करूबे;

प्रकाशितवाक्य 7:9

ईन्दें पाछी मुँऐं झ़ेठ पाऐ, अरह् देखो, के मेरे सहाँम्णें ऐक बैशुमाँर बड़ी लोगो की भीड़ जल़सा खह्ड़ा हुआ, जिन्दें की गिनती कुँऐ ने करी पाँव थिया। ऐसी जल़्से भीड़ मुँझी हर ऐक जात्ती मुँझ शे अरह् हर कुँल़-गड़ी अरह् हर भाषा के लोग थिऐ। से तेसी सिंगाँस्ण के सहाँम्णें तेसी छ़ैल़्टे कैई खह्ड़े हुऐ, चिट्टे खोट्णों बाँम्बियों आप्णें हाथों दी खंजूर की डाल़ी लऐयों आऐ,