प्रकाशितवाक्य 7:11 - Sirmouri

¹¹ अरह् बादे स्वर्गदूत्त तेसी सिंगाँस्ण अरह् अगुऐ चौऊँँ जींव के चौऊँ ढबे खह्ड़े असो; तबे से सिंगाँस्ण के सहाँम्णें उट्मूल़े लातो गाशी पड़े अरह् पंण्मिश्वर के आरार्धना करियों बुलो,

सिरमौरी नौवाँ नियम

¹¹ सौबै स्‍वर्गदूत सिंहासन कै चोऊ ढौबौ औरौ पुराणिया कै औरौ चार जियुंदी प्राणीयों कै चोऊ ढौबौ खै खौड़ै थिए, तिनु सौबीए सिंहासन कै सामणै मुंडो झुकायो पौरमेशवर कै आराधना कौरे।

प्रकाशितवाक्य 7:11 ပူးပေါင်းရင်းမြစ်များ

मत्ती 4:10

तबे प्रभू यीशू ऐ जबाब दिता, “ओ शैतान, ईथै शा दुरका ज़ा! किन्देंखे के पबित्र-ग्रन्थों दो लिखी थो: ‘तू प्रभू आप्णें पंणमिश्वर खे नंमष्कार करह्, अरह् सिर्फ तिनकी ही सेवा करह्।’”

यूहन्ना 5:23

जिन्दें लई बादे लोग बैटे के भे तेष्णी ही आदर-ईज्जत करह्; जेष्णीं बाबा के आदर-ईज्जत करह्; किन्देंखे के जुण्जा कुँऐं बैटे की आदर-ईज्जत ने करदा, से बाबा के भे आदर-ईज्जत्त ने करदा; जिन्ऐं आप्णाँ बैटा डेयाल़ी थुवा थिया।

इब्रानियों 1:6

अरह् तबे से आप्णाँ जैठा बैटा संईसारी के सहाँम्णें हाजीर कर्दे बख्त्ते बुलो: “पंण्मिश्वर के बादे स्वर्गदूत्त तेस्खे लाँम्बे पसरियों प्रणाँम करह्।”

प्रकाशितवाक्य 11:16

तबे चौबीष अगुऐ जू पंण्मिश्वर के सहाँम्णें आप्णें-आप्णें सिंगाँस्हणों गाशी बईठे अंदे थिऐ, से उटमुँल़े खे लाँम्बे पसरियों पंण्मिश्वर के आरार्धना कर्दे लागे।

प्रकाशितवाक्य 15:4

“हे प्रभू, कुँण असो: जेस्दी तुँओं खे श्रदा ने हों, कुँण असो, तुँवाँरी बड़ियाऐ ने करह्? सिर्फ तुँऐं ही पबित्र असो, बादी संईसारी की जात्ती आऐयों तुवाँरे नाँव शे आप्णें घून्डु नाऐयों प्रणाँम कर्ले; किन्देंखे के तुवाँरे नियाँव के काँम-काज़ पर्गट हऐ रंई।”

प्रकाशितवाक्य 22:9

परह् तेने स्वर्गदूत्तें मुँखे बुलो, “देख, ऐष्णों ने करे! किन्देंखे के हाँव तेरा अरह् तेरे भाऐ ऋषियों, अरह् ईयों कताबी की बातो माँनणों वाल़े का संगी-साथी दास असो, तुँऐं सिर्फ पंण्मिश्वर के सहाँम्णें आगुमुँईऐ लाँम्बे पसरियों तिनकी ही आरार्धना करे।”

प्रकाशितवाक्य 4:10

सेजे च़ौबीष अगुऐ सिंगाँस्हणों गाशी बईठणों वाल़े के सहाँम्णें लाँम्बे पसरियों, आप्णें-आप्णें ताज-मुँकुट तिनखे स्मर्पित करियों तिनकी आरार्धना करह्।

प्रकाशितवाक्य 4:4

तेसी सिंगाँस्हणों के चौऊँ ढबे च़ौबीष सिंगाँस्ण असो; अरह् तिनू सिगाँस्हणों गाशी च़ौबीष अगुऐ लोग चींट्टे खोट्णों बाँम्बियों बईठे अंदे असो, अरह् तिन्के मुँढो गाशी सुन्नें के मुँकुट-ताज असो।

प्रकाशितवाक्य 4:6

अरह् तेसी सिंगाँस्हणों के सहाँम्णें बिल्लौर के जेष्णाँ काँच का समुँन्द्र असो। अरह् बिच्चों के सिंगाँस्हणों के बीच दे अरह् सिगाँस्णों के चौऊँ ढबे चार जींव असो, जिन्के आगू-पाछू आँखी ही आँखी असो।

प्रकाशितवाक्य 4:8

चौऊँ जींव के छ: छ: पाखो असो, अरह् चौऊँ ढबे हजो आखी ही आखी असो; अरह् से रात्ती देसो बिना रूकी स्त्तुति-बड़ियाऐ ऐजी करह्: बिषाँव करे; ऐजो ही बुल़्दें रंह्, “पबित्र, पबित्र, पबित्र, प्रभू पंण्मिश्वर, सर्ब-शक्त्तिमाँन, जू थिया, अरह् जू असो ऐ, अरह् जू आँणों वाल़ा असो।”