प्रकाशितवाक्य 7:10 - Sirmouri

¹⁰ अरह् जुराल़ी धाव देऐयों बुलो: “छूट्कारे खे अमाँरे पंण्मिश्वर का, जू सिगाँस्णों गाशी बऐठी रूवा, अरह् छ़ैल़्टे की जय-जयकार हों!”

सिरमौरी नौवाँ नियम

¹⁰ औरौ जौरौ कै धाव दैयौ बौल़ौए, “अमारै पौरमेशवर कै बौड़ाए हौंव जू सिंहासनों पांदी बौठैयोंदा औसौ, औरौ मेम्ने कै बौड़ाए कौरौ! सिरफ तू ही औसौ जू मोक्ति दैय।”

प्रकाशितवाक्य 7:10 ပူးပေါင်းရင်းမြစ်များ

लूका 3:6

अरह् बादे पराँणी पंण्मिश्वर के जाँणें छ़ुट्कारा दे:ख्ले।’”

यूहन्ना 1:29

दुज़ै देसे संत्त-यूहन्ना नहाँण-कराँणों वाल़े ऐ प्रभू यीशू आप्णे ढबे आँदे देखियों बुलो, “देखो, ऐजा पंण्मिश्वर का छैल़्टा असो; जुण्जा संईसारी के पाप टीपियों नींह्दा।

यूहन्ना 1:36

तअ तिन्ऐं प्रभू यीशू ज़ाँदी बई देखियों बुलो; “ऐजा देखो! पंण्मिश्वर का छ़ैल़्टा असो।”

यूहन्ना 4:22

किन्देंखे के तुँऐं जेस्की आरार्धना करह्, तेसी तुऐं जाँण्दे ही ने, अरह् आँमें जेस्की आरार्धना करह्, तेसी आँमें जाँणों ऐं; किन्देंखे के छुट्कारा तअ यहूदिया ही मुँझ्शा असो।

इफिसियों 2:8

पंण्मिश्वर की कृपा ऐ बिश्वाष के जाँणें, तुओं लोगों खे छ़ुट्कारा दिता; परह् ऐजा तुवाँरे कोसी आच्छ़े पुँन का फ़ल़ ने आथी; परह् ऐजा पंण्मिश्वर का बरदाँन असो;

प्रकाशितवाक्य 12:10

तबे मुँऐ कोसी स्वर्गो दा ऐजी घोष्णाँ जुराल़ी कर्दे शुणाँ: “ऐबे अमाँरे पंण्मिश्वर का छ़ुट्कारा मुँक्त्ति अरह् राज अरह् मसीया का हंक-अधिकार पर्गट हंऐ गुवा। किन्देखे के अमाँरे भाऐ-बंईणों गाशी दोष-कसूर लाणों वाल़ा, जुण्जा रात्ती-देसो अमाँरे पंण्मिश्वर के सहाँम्णें तिनू गाशी दोष-कसूर लाँव थिया तेसी ऐबे ऊदा फ़ेरकाऐ पाया।

प्रकाशितवाक्य 19:1

ईन्दें पाछी मेरे स्वर्गो दी ऐक बड़ी धाव शुँणाँई पड़ी, जेष्णी लोगों के ऐक बैशुमाँर भीड़ जल़्से का रूप धारियों रूल़ेपाड़ियों साथी बुल्दे लागे: “हाल्लेलूय्याह! मुँक्त्ति बड़ियाऐं अरह्, शक्त्ति अमाँरे पंण्मिश्वर के ही हों।

प्रकाशितवाक्य 21:5

तिन्ऐं जुण्जें तेसी सिंगाँस्हणों गाशी बंईठे अंदे थिऐ, तिन्ऐं बुलो, “देख! ऐबे हाँव सब-कुछ़ नुंओं करी देऊँबा!” तबे तिन्दे पाछ़ी तिन्ऐं मुँखे बुलो, “ऐजी बातो ऊँबी लिख, किन्देंखे के ऐजी बातो बिश्वाष ज़ूगी, अरह् साच्ची असो।”

प्रकाशितवाक्य 22:3

ऐबे शुभा तेथै कुछ भे श्राप-फिटकारा ने हंदी, किन्देंखे के पंण्मिश्वर अरह् छ़ैल़्टे को सिंगाँस्ण तेसी नंगर दो ही हंदो, अरह् तिनके दास-दासी तिनकी आरार्धना कर्दे।

प्रकाशितवाक्य 4:6

अरह् तेसी सिंगाँस्हणों के सहाँम्णें बिल्लौर के जेष्णाँ काँच का समुँन्द्र असो। अरह् बिच्चों के सिंगाँस्हणों के बीच दे अरह् सिगाँस्णों के चौऊँ ढबे चार जींव असो, जिन्के आगू-पाछू आँखी ही आँखी असो।

प्रकाशितवाक्य 5:7

तेने आऐयों तेस्के सुँऐं हाथो शी जू सिंगाँस्हणों गाशी बऐठी रूआ थिया, सेजी कताब ऊँडी करी।