प्रकाशितवाक्य 7:1 - Sirmouri

¹ ईन्दें पाछी मुँऐ धर्ती के चौऊँ कुँणे गाशी, चार स्वर्गदूत्त खड़े देखे। तिन्ऐं चौऊँ ढबे की बागुर थाँम्बड़ी थऐ थी, जू कैथी धर्ती दी, ना संमुन्द्रो दी, अरह् ना, कोसी डाल़ौ दी बागुर लागो।

सिरमौरी नौवाँ नियम

^1-2 इथकै बाद, मोऐं चार स्‍वर्गदूतौ कै दुनिया कै चोऊ कुणै दै खौड़ै हौएयौंदै दैखै। तिनु स्‍वर्गदूतौ खै दुनिया कै मुसीबतौ शै नुकसान पोऊंचाणौ का पौरमेशवर कै ढौबौशा औधिकार भैटी रौआ थिया, चाहै सै समुन्द्र दी हौं या माटी पांदी। तिनुऐ दुनिया कै चोऊ कुणै शै बागूर कै रौक दै, ताकि समुन्द्र दै, औरौ माटी पांदी औरौ जोंगलो दै बागूर ना बौं। मोऐं ऐक ओका स्‍वर्गदूत कै पूर्व दिशा दा प्रकट हौंदै बैई दैखा। तैसीकैईं जियुंदी पौरमेशवर कै मोहर थी। तैसी स्‍वर्गदूतै जोराल़े धाव मारैयौ तिनु चोऊ स्‍वर्गदूतौ खै बौइदै औरौ बौल़ौ:

प्रकाशितवाक्य 7:1 ပူးပေါင်းရင်းမြစ်များ

मत्ती 24:31

आदमी का बैटा आप्णें स्वर्गदूत्त कनाँल़ी की बड़ी गूँह्ज आरी डियाल़्ला, जुण्जे चोऊँ धुंरीं शे अस्माँनों के ऐकी कुँणें शे ओकी कुँणें दे ज़ाऐयों प्रभू के चूणें-छ़ाँटे अंदे लोग कठे कर्ले।

मरकुस 13:27

तेसी बख्तो से आप्णे स्वर्गदूत्त स्वर्गो भेज्यों धर्ती के ऐकी धुरी शे ओकी धुरी तोड़ी, चौऊँ धुरी शे आप्णे च़ूणें-छाँटे अंदे लोग कठै कर्लें।

प्रकाशितवाक्य 20:8

अरह् से तबे तिनू जात्ती-जात्ती के अरह् धर्ती गाश्ले चौऊ ढबे बंस्णों वाल़े लोग बंहकाँणों खे अरह् गोग अरह् मागोग की फ़ऊँज जिनकी गिनती समुँन्द्र के बाल़ू के बराबर हंदी, तिनू ज़ूद्ध कर्णों खे कंट्ठै करदा नींक्ल़ा।

प्रकाशितवाक्य 6:6

तबे मुँऐ जाँणों चारे जींव के बीच दे ऐजी नाँद्ह शुँणीं, “ऐकी देसो की धियाड़ी ऐक दीनार सैर भरी गिऊँ, अरह् ऐक देसो की धियाड़ी का च़ीन किलो ज़ौ, परह् तेल अरह् अंगूरोह् के रंस का नुकसाँन-घाटा ने हंणों दिऐ।”

प्रकाशितवाक्य 7:3

“जाँव तोड़ी आँमें आप्णें पंण्मिश्वर के दास के माँथै गाशी छाप ने लाऐ दियों, ताँव-तोड़ी धर्ती अरह् सँमुन्द्रों अरह् डाल़ो का नुंकसाँन-घाटा ने करे।”

प्रकाशितवाक्य 8:7

आगले स्वर्गदूत्ते रंणशिंगें-कनाँल़ी फूकरी, अरह् लह्ऊँ वाल़े शोरू अरह् आग पय्दा हऐ, अरह् धर्ती गाशी पाऐ दिती, अरह् धर्ती का च़ीज़ा हिस्सा जल़ी गुवा, अरह् डाल़ भे च़ीज़ा हिस्सा जल़ी गुऐ, अरह् बादो होरो घास भे जल़ी गुवो।

प्रकाशितवाक्य 9:14

जू छठे स्वर्गदूत्त खे जेने रंणशिंगों-कनाल़ फूकरी थी, तैस्खे ऐजी अज्ञाँ दिती, के “बड़ी नंदी फ़ूरात दे जुण्जे चार स्वर्गदूत्त, बाँनें अंदे असो, तिनू तैख्णी अजाद करी दिते।”

प्रकाशितवाक्य 9:4

तिनखे बुलो गुवो थियो, के ना धर्ती की घास, ना किऐ हरियाल़ी, ना कोसी डाल़ो का नुकसाँन करे, सिर्फ तिनू आदमी का नुकसाँन करे, जिनकी माँथे गाशी पंण्मिश्वर की छाप ने आथी।