प्रकाशितवाक्य 6:8 - Sirmouri

⁸ तबे मुँऐं तेथै ऐक घोड़ा हजो देखा, जू पीऊँल़े रंग का थिया; जेस्की अशवारो को नाँव मंऊँत्त असो, अरह् अंधलोक तेसी पाछी-पाछी असो; अरह् तिनखे संईसारी धर्ती की ऐक चऊँथाई गाशी हंक-अधिकार दिया गुवा, के तरवार, अरह् काल़, अरह् मुँरी, अरह् धर्ती गाष्ले जाँगल़ी भूणेंरो के जाँणें लोग माँरी दियों।

सिरमौरी नौवाँ नियम

⁸ तोबै मोऐं ऐक पियौल़ा घोड़ा दैखा; घोड़े की शवारी कौरणौवाल़ै का नांव मौत औसौ। औरौ अधोलोक तैसकै पौछौड़ियौ-पौछौड़ियौ चालै रौआ थिया। औरौ तिनु धोरती पांदी रौणौवाल़ै हरेक चार लोगौ मुंजीदै ऐकी खै मारणौ का औधिकार भैटा। तिनुऐ तिनु तलवार शै मारै दियै, तिनुऐ तिनु भूख लैई मारै दियै, तिनुऐ तिनु बुरी-बुरी बीमारी शै मारै दियै, औरौ तिनुऐ तिनु जोंगली जानवरो शै बै मोरवाए दियै।

प्रकाशितवाक्य 6:8 ပူးပေါင်းရင်းမြစ်များ

मत्ती 11:23

हे कफरनहूम नंगर के लोग, कियो तू ऐशो जाँणें के ताँव स्वर्गो शा ऊँचा करा ज़ाईंदा? परह् ताँव तअ पताल़ो तोड़ी ऊँदा पाँईदा! जुण्जे शक्त्तिशाली काँम-काज़ तुँओं मुँझी करी गई, जे से सदोम नंगर दे करे ज़ाँदें, तअ से ऐतलो तोड़ी आप्णें ठाँव दो बंणों अंदो रंह्दों।

मत्ती 24:7

गऐर यहूदी के राज्य, राज्य, गाशी, अरह् गऐर यहूदी राजा, राजा, गाशी, धावा बुल्ले, बिरूध खे खड़े हले, अरह् जागे-जागे दे काल़ पड़ले, अरह् भूईच्ल़ों हले।

1 कुरिन्थियों 15:55

हे मऊँत्त, तेरी जींत्त केथै रंऐ? ओ मंऊँत्त तेरा डंक केथै रूआ?”

प्रकाशितवाक्य 1:18

हाँव जीऊँदी असो; हाँव मँरी गुवा थिया, परह् ऐबे देखो, हाँव ज़ूगौ-ज़ूगौ तोड़ी जीऊँदा असो; अरह् मंऊँत्ती अरह् अंधलोक की ताल़ी-कुँन्जी मेरे हंक-अधिकार दी असो।

प्रकाशितवाक्य 12:4

तेने बड़े अजंगर ऐ अस्माँनों शे ऐक च़ीज़ा हिस्सा तारे आप्णी लेंघह् लई, मेंठियों धर्ती गाशी फेरकाऐ दिते, अरह् तबे सेजा पाखों वाल़ा अजंगर तियों तिरंई के सहाँम्णें, जियाँरें नहाँन्ड़िया हंणों वाल़ो थियों, खड़ा हुवा, के जेई ईयों तिरंई के नहाँन्ड़िया पय्दा हंलो, तेई हाँव ईयाँरों सेजो नहाँन्ड़िया साबुत ऊँदो घुटी पाँऊबा।

प्रकाशितवाक्य 9:15

तिनू चारे स्वर्गदूत्त खुली दिते, जुण्जे तेसी बख्ते, अरह् तेसी देसे, अरह् भींन्नै, अरह् साल्ह खे आदमी का ऐक च़ीज़ा हिस्सा माँरी देणों खे तैयार करी थुऐं थिऐ।

प्रकाशितवाक्य 9:18

तिनके मुँह शी निकल़्दी रंई च़ीन मुँरी—आग, गंन्धक, अरह् धुऐं शी ऐक च़ीज़ा हिस्सा आदमी नाँष हऐ गुऐ।