प्रकाशितवाक्य 6:12 - Sirmouri

¹² मुँऐं छ़ैल़्टा छ़ठी सिल च़ूड़दे देखा, तबे ही ऐक डराऊँणों भूईं-चल़ हुवो, अरह् सुरूज काल़ा पड़ी गुवा, जेष्णों काल़ो काम्बल़ हों, अरह् बादा चाँद लंह्ऊँ का जिया बंणाँ।

सिरमौरी नौवाँ नियम

¹² औरौ जोबै मोऐं मेम्ने कै छौटे मोहर खौलदै बैई दैखी, तौ ऐक बैजाए बौड़ा भुईचोल़ ओऊवा; औरौ सुरज का रंग मोटे काल़े काम्बलो कै जैशणा काल़े रंग दा बौदलै गौआ औरौ पूरै चन्द्रमा का रंग लोऊ कै जैशणा लाल हौए गौआ।

प्रकाशितवाक्य 6:12 ပူးပေါင်းရင်းမြစ်များ

मत्ती 11:21

“फींटकारा असो, खुराजीन! नंगर के लोगो गाशी, अरह् फींटकारा असो, बैतसैदा! नंगर गाशी, जेथै ऐत्रे चींन-चंम्त्तकार करे गुऐ; अरह् जे सेजे ही चींन-चंम्त्तकार सूर अरह् सैदा दे करे ज़ाँदे, तअ से टाटो लई मेंठियों अरह् खेऊँड़ों गाशी बऐठियों आप्णा मंन बंद्ल़्दे।

मत्ती 24:29

“तिनू देसो के दुख-कल़ेष पाछ़ी तेख्णी ऐगड़िखे सुरूज ईनाँरा हंऐ ज़ाला, अरह् टिक्की का प्रकाष छाई-माँई हला, अरह् तारे अस्माँनों शे ऊदे झ़ंड़ले अरह् अस्माँनों की शँक्त्तिया तारा-मंडल़ झ़ींकाल़ो ज़ालो।

मत्ती 24:7

गऐर यहूदी के राज्य, राज्य, गाशी, अरह् गऐर यहूदी राजा, राजा, गाशी, धावा बुल्ले, बिरूध खे खड़े हले, अरह् जागे-जागे दे काल़ पड़ले, अरह् भूईच्ल़ों हले।

मत्ती 27:45

दोपारों शे पुंडे ऊछाँणों तोड़ी तेसी बादे देशो दो ईनाँरो पंड़ों अंदो रूओं।

मत्ती 27:54

तबे सुबेदांर अरह् जुण्जे तिनकी गईलो यीशू के पऐरे देंदे थिऐ, से भूईंच्ल़ो, अरह् जुण्जो किऐ तेथै हुओं थियों, तेथू दे:खियों बैजाऐ डरी गुऐ; अरह् बुलो, “सतिखे ऐ पंणमिश्वर का बैटा थिया!”

मत्ती 28:2

अरह् दे:खो, ऐक बड़ो भूईच़ल़ लागों, किन्देखे के प्रभू का ऐक दूत्त स्वर्गो शा ऊदा आया; अरह् तिन्के नंजीक आऐयों, तेने सेजा पाथर रड़काया अरह् तिन्दें गाशी बऐठी गुवा।

मरकुस 15:33

दुपार हणों गाशी भे बादे देशो दो ईनाँरों पड़ो, अरह् देसो ऊछाँणों तोड़ी रूओ।

प्रकाशितवाक्य 11:13

तबे तेख्णी तियों ही घड़ी ऐक बड़ो भूईच्ल़ लागो, अरह् नंगर का दषंवाँ हिस्सा ढल़ी गुवा; अरह् तेसी भूईच्ल़ों लई, सात्त हजार आदमी मँरी गुऐ, अरह् ऊके डरी गुऐ, अरह् स्वर्गो के पंण्मिश्वर की बड़ियाऐं करी।

प्रकाशितवाक्य 16:18

तेख्णी बिज्ल़ाव चंम्मके, अरह् गुड़ाको पड़ी, अरह् बाद्ल़ो के नाँद-गुँह्ज हई, अरह् ऐक बोड़ो भूईच्ल़ लागो जेष्णों आदमी के पय्दा उत्पत्ति शो आगे धर्ती दो आगे कद्दी ने हई थी।

प्रकाशितवाक्य 16:8

चौऊथे स्वर्गदूत्ते आप्णा बैलुवा सुर्जो गाशी पेरा, अरह् तिन्दें लई आदमी फुक्णों खे तेस कैई हंक-अधिकार दिता गुवा।

प्रकाशितवाक्य 8:12

चौऊथे स्वर्गदूत्ते रंणशिंगें-कनाँल़ी फूकरी, अरह् सुर्जो का ऐक च़ीज़ा हिस्सा, अरह् चाँद के च़ीज़े हिस्से दो, अरह् तारे का भे ऐक च़ीज़ा हिस्से दी तैष्णी ही कठ्णाँई आई, ऐथै तोड़ी के तिनके ऐक च़ीज़े हिस्से दो ईनाँरो पड़ो, अरह् देसो के ऐक च़ीज़े हिस्से दो, पियाँषों ने रंही, अरह् तैष्णों ही रात्ती खे भे हुवो।

प्रकाशितवाक्य 8:5

तबे स्वर्गदूत्त ऐ धनियाँरो लऐयों तिन्दी बैदी पूजों की आग भरी अरह् धर्ती गाशी पाऐ दिती; अरह् गर्जन-गूँह्ज अरह् बिजल़ाव अरह् भूईचल़ों हंदे लागे।