प्रकाशितवाक्य 6:1 - Sirmouri

¹ तबे मुँऐ छ़ैल़्टा सात्ती सिलो मुँझ्शी ऐक सिल च़ूड़दे देखी, अरह् तिनू चार जींव मुँझ्शी ऐकी के ऐजी गर्जन नाँद् लई बुल्दे शुँणों: “आओ!”

सिरमौरी नौवाँ नियम

¹ तोबै मोऐं दैखौ कै मेम्ने तिनु सात मुहरो पौरैशै ऐकी खै खोली; औरौ मोऐं चार जियुंदी प्राणी मुंजीदै ऐकी खै पुकारेयौ शुणु। तैसकै आवाज़ गुड़कौ कै जैशणै थै। तैणै बौल़ौ, “ऐबै जा, औगौड़ियौ बौढ़।”

प्रकाशितवाक्य 6:1 ပူးပေါင်းရင်းမြစ်များ

यूहन्ना 1:29

दुज़ै देसे संत्त-यूहन्ना नहाँण-कराँणों वाल़े ऐ प्रभू यीशू आप्णे ढबे आँदे देखियों बुलो, “देखो, ऐजा पंण्मिश्वर का छैल़्टा असो; जुण्जा संईसारी के पाप टीपियों नींह्दा।

प्रेरितो कै काम 4:20

किन्देंखे के आँमें जुण्जो देखी, अरह् शुँणीं थो; ईन्देका कियों आँमें बखाँण करह् ने, ऐष्णों ने हंदी।”

प्रकाशितवाक्य 11:19

तबे पंण्मिश्वर की जुण्जी देऊँठी स्वर्गो दे असो, सेजी खुली गऐ, अरह् तेस्की देऊँठी दा तेस्के वाचा का संनदूक देखिया; जिन्दें शे बिज्ल़ाव गुड़ाको की धूमराल़ों अरह् भूईच्ल़ो हुऐ, अरह् बैजाऐ शोरू पड़े।

प्रकाशितवाक्य 13:8

धर्ती के सेजे बादे रंहणों वाल़े, तैथू बूणेर के पुजा करह्, जिनके नाँव माँरे अंदे छ़ैल़्टे के जीवन की कताबे दे संईसारी की उत्पत्ति के बख्तो शे ऊँबे लिखे अंदे ने आथी।

प्रकाशितवाक्य 14:2

अरह् स्वर्गो शी मेरे ऐक धाव शुँणाँई पड़ी, जू पाँणी के बैजाऐ बड़े ओजाल़ों के गड़गड़ाट की गूँह्ज थी, अरह् जुण्जा गूँह्ज मुँऐं शुँणी, से तेष्णी थी, जैष्णें बैजाऐ भहिते लोग रंण्शिंगें-कनाँल़ी बजाणों वाल़े साथी ऐकी बई भहिते रंण्शिगें-कनाँल़ी बजाँदें लागो।

प्रकाशितवाक्य 19:6

तबे मेरे बैशुमाँर बड़ी भीड़ का जल़्सा बैजाऐ डराऊँणी फालो, अरह् बाद़्ल़ो की गुड़ाको के जिया बड़ा रूला-गुँह्ज शुणाँई दिता: “हाल्लेलूय्याह! अमाँरे प्रभू पंण्मिश्वर सर्ब-शक्त्तिमाँनें राज करह्।

प्रकाशितवाक्य 4:8

चौऊँ जींव के छ: छ: पाखो असो, अरह् चौऊँ ढबे हजो आखी ही आखी असो; अरह् से रात्ती देसो बिना रूकी स्त्तुति-बड़ियाऐ ऐजी करह्: बिषाँव करे; ऐजो ही बुल़्दें रंह्, “पबित्र, पबित्र, पबित्र, प्रभू पंण्मिश्वर, सर्ब-शक्त्तिमाँन, जू थिया, अरह् जू असो ऐ, अरह् जू आँणों वाल़ा असो।”

प्रकाशितवाक्य 5:1

जुण्जा सिंगाँस्हणों गाशी बऐठी रूवा थिया, मुँऐ तेस्के सुँऐं हाथो दी ऐक कताब देखी, जू भीत्री अरह् बाऐरी लिखी अंदी थी, अरह् सात्त सिलो लाऐयों तिनू बंद करी थई थी।

प्रकाशितवाक्य 5:12

सेजे स्वर्गदूत्त जुराल़ों ऐजो गीत्त गाँदें रूऐ: “सेजा छ़ैल़्टा, जेसी कुरबाँण करा गुवा, पराकर्म, बोलबाला, ज्ञान, शक्त्ति, आदर, बड़ियाऐ, स्त्तुति का हंक-अधिकार असो।”

प्रकाशितवाक्य 5:8

जबे तेने सेजी कताब ऊँडी करी पाऐ, तअ सेजे चारे जींव अरह् च़ौबीष के च़ौबीष अगुऐ तेसी छ़ैल़्टे के सहाँम्णें लाँम्बे पसरे। तिनके ऐकी नाँव के हाथों दी रंणशिंगे-कनाँल़ी थी, अरह् धूप, जू पबित्र लोगों की प्रार्थना ऐ असो; से भरे अंदे सुन्नें के बैलुऐ थिऐ।

प्रकाशितवाक्य 6:3

जबे तिन्ऐ दुज़ी सिल खुली, तअ मुँऐ दुज़ा जींव ऐजो बुल्दे शुँणा, “आओ!”

प्रकाशितवाक्य 6:5

जबे तिन्ऐ च़ीज़ी सिल च़ूड़ी, तअ मुँऐ च़ीज़ा जींव ऐजो बुल्दे शुँणा: “आओ!” तबे मेरे तेथै ऐक घोड़ा देखिया, जुण्जा काल़े रंग का थिया, तेस्की हाथों दा जू तेसी घोड़े गाशी बंईठा अंदा थिया, तेस कैई ऐक तुलणों की ताख्डी थी।

प्रकाशितवाक्य 6:7

जबे छ़ैल़्टे ऐ चौऊँथी सिल खुली, तअ मुँऐं चौऊँथा जींव को ऐजो बुल्दे शुँणों, “आओ!”

प्रकाशितवाक्य 8:1

जबे छ़ैल़्टे ऐ सात्तवीं सिल खुली, तअ स्वर्गो दो आधे घाण्टे तोड़ी शंणप्ट हुओं।