प्रकाशितवाक्य 3:7 - Sirmouri

⁷ “फिलदिलफ़िया नंगर की कलीसिया के दूत्त खे ऐजो लिख: “जू पबित्र अरह् साच्चा असो, अरह् जू दाऊद की ताल़ी-कुँन्जी थंह्, अरह् जेस्को खूलों अंदो कुँऐं डाकी ने सक्दा, अरह् तेसको डाको अंदो कुँऐं भे खुली ने सक्दा, से ऐजो बुलो

सिरमौरी नौवाँ नियम

⁷ फिलदिलफिया शहर कै कलीसिया कै स्‍वर्गदूत खै ऐजा सौंदेश लिख: ऐजा सौंदेश तैसकै ढौबौशा औसौ जू पवित्र औरौ साचा औसौ, सैजौ जैसी कैई दाऊद कै राज्य पांदी औधिकार औसौ। जै सै दरवाज़ा खोलो, तौ कुणिए बै तैसी बंद ना कौरे सौकौ। औरौ जै सै तैसी बंद कौरे दैंव, तौ कुणिए बै तैसी खोले ना सौकौ, हांव जू बुलूए सैजौ शुण,

प्रकाशितवाक्य 3:7 ပူးပေါင်းရင်းမြစ်များ

मत्ती 16:19

हाँव ताँव्खे स्वर्गो के राज्य की ताल़ी-कुँन्जी देऊँबा: अरह् जू किऐ तू धर्ती गाशी बाँन्ला, सेजो स्वर्गो दो बाँनों ज़ालो; अरह् जू किऐ तू धर्ती दो खुल्ला, सेजो स्वर्गो दो खुल्लों ज़ालो।”

मत्ती 24:35

अस्माँन अरह् धर्ती टल़ी ज़ाली, परह् मेरी बातो कद्दी ने टल़्दी।

मरकुस 1:24

तेने दुष्ट-आत्त्मा के भूंचे अंदे आदमी ऐ लेल्याऐयों बुलो, “हे प्रभू यीशू नाँसरीं, अमाँरे तुँओं शो का लोणों? कियो तुँऐं आँमों खत्त्म कर्दे आऐं रूऐ? हाँव तुँओं पछ़याँणूऐं के तुँऐं पंणमिश्वर के पबित्र जंण असो!”

लूका 1:32

से महाँन हंदा, अरह् तेस्खे परंम-पिता पंणमिश्वर का बैटा बुल्दा; अरह् प्रभू पंणमिश्वर तेस्के बाबा राजा दाऊद को सिंगास्हंण तेस्खे देंदा।

लूका 4:34

“हे यीशू नासरी अमाँरें तुँओं शो का लणों? कियों तुँऐं आँमों नाँष कर्दें आऐ रूऐ? हाँव तुँओं जाँणूऐं के तुँऐं कुँण असो? तुँऐं पंण्मिश्वर के पबित्र जंण असो!”

यूहन्ना 14:6

प्रभू यीशू ऐ तेस्खे जबाब दिता, “हाँव ही बाट्, सच्चाऐ अरह् जीवन असो; मेरे बीना कुँऐ भे बाबा कैई ने ज़ाँऐ सक्दा।

प्रेरितो कै काम 3:14

तुँऐं लोगे ऐं ऐक पबित्र अरह् धरमाँत्त्मा जंण माँनी ने; परह् ऐक हत्त्यारा छ़ुड़ोणों के माँग करी।

1 यूहन्ना 5:20

आँमें ऐजी सच्चाऐ जाँणों ऐ, के पंण्मिश्वर का बैटा आऐ, अरह् आँमों खे ऐजी संम्झ दिती जू सच्चाऐ असो, आँमें तियों जाँणों, अरह् तिन्दें अट्ल़ पाक्के मंन दे बंणें रंह्, जू सच्चाऐ असो, मतल्व तिनके बैटा मसीया प्रभू यीशू शे ही सोतिखे पंण्मिश्वर अरह् सदा-सदा का अमर-जीवन असो।

प्रकाशितवाक्य 1:11

“जू किऐ तुँऐं देखी लो, तैथू कताबे दो लिखियों ईनू सात्ती नंगरों की कलीसिया कैई डेयाल़ी दियों; मतल्व इफिसुस अरह् स्मुरना, अरह् पिरगमुन, अरह् थूआतीरा, अरह् सरदीस, अरह् फिलदिलफिया, अरह् लौदिकिया खे।”

प्रकाशितवाक्य 1:18

हाँव जीऊँदी असो; हाँव मँरी गुवा थिया, परह् ऐबे देखो, हाँव ज़ूगौ-ज़ूगौ तोड़ी जीऊँदा असो; अरह् मंऊँत्ती अरह् अंधलोक की ताल़ी-कुँन्जी मेरे हंक-अधिकार दी असो।

प्रकाशितवाक्य 1:5

अरह् यीशू मसीया की ढबे शी जू बिश्वाष ज़ूगे गुवाह्-शाज़्त्त अरह् मँरे अँदे मुँझ शे जीऊँदे हणों वाल़े मुँझ्शे जैठे अरह् धर्ती के राजाओं लोगो का हाकम असो, तुँओं खे कृपा, अरह् शाँण्त्ति, भेंट्दी रंह्। से आँमों आरी प्यार करह्, अरह् तिन्ऐं आप्णें लह्ऊँ के कारण आँमों पाप शे छुड़ाऐ थुऐ।

प्रकाशितवाक्य 15:3

से पंण्मिश्वर के दास ऋषी-मूसा को गीत्त, अरह् तेसी छ़ैल़्टे को गीत्त गाऐ गाऐयों बुलो थिऐ: “हे सर्ब-शक्त्तिमाँन प्रभू पंण्मिश्वर, तेरे काँम-काज़ बड़ी नंखै असो; हे ज़ूगौ-ज़ूगौ के राजा, तेरी चाल ठीक अरह् साच्ची असो।”

प्रकाशितवाक्य 16:7

तबे मुँऐं बैदी पूजों शी ऐजी गूँह्ज शुँणीं: “होर, हे सर्ब-शक्त्तिमाँन प्रभू पंण्मिश्वर, तेरे फऐंस्ले ठीक अरह् साच्चे असो।”

प्रकाशितवाक्य 19:11

तबे मुँऐ स्वर्ग खुलो अंदो देखो, अरह् का देखू के ऐक चीट्टा घोड़ा असो; अरह् तेसी गाशी ऐक अशवार असो, जू बिश्वाष ज़ूगा, अरह् साच्चो बुलो, अरह् से धर्म आरी नियाँव अरह् लड़ाऐ-ज़ूद्ध करह्।

प्रकाशितवाक्य 19:2

किन्देंखे के ठीक अरह् धर्मी असो। तिनके फंऐस्ले, किन्देंखे के सजा देऐ थंऐ, तिन्ऐं बड़ी बैष्या खे, जिऐं आप्णें कू-कर्म बिच़्के-काम शी बादी संईसारी धर्ती भ्रष्ट कर्दी रंऐ, अरह् तिन्ऐं तिनशो आप्णें दासों को लह्ऊँ का बद्ल़ा लुवा।”

प्रकाशितवाक्य 2:1

“इफिसुस नंगर की कलीसिया के दूत्त खे ऐजो लिख: “जुण्जा आप्णें सुऐ हाथों दे सात तारे लऐ अंदा असो; अरह् जुण्जा सात सुनें के दिय्ट के बीच दा चाली रूवा, ऐस्का बुल्णाँ ऐजा असो।

प्रकाशितवाक्य 21:5

तिन्ऐं जुण्जें तेसी सिंगाँस्हणों गाशी बंईठे अंदे थिऐ, तिन्ऐं बुलो, “देख! ऐबे हाँव सब-कुछ़ नुंओं करी देऊँबा!” तबे तिन्दे पाछ़ी तिन्ऐं मुँखे बुलो, “ऐजी बातो ऊँबी लिख, किन्देंखे के ऐजी बातो बिश्वाष ज़ूगी, अरह् साच्ची असो।”

प्रकाशितवाक्य 3:14

“लौदीकिया नंगर की कलीसिया के दूत्त खे ऐजो लिख: “जू आमीन अरह् बिश्वाष ज़ूगा अरह् साच्चा गुवाह्-शाज़्त्त असो, अरह् पंण्मिश्वर की सिर्ष्टी की उत्त्पत्ति का खास कारण असो, से ऐजो बुलो:

प्रकाशितवाक्य 4:8

चौऊँ जींव के छ: छ: पाखो असो, अरह् चौऊँ ढबे हजो आखी ही आखी असो; अरह् से रात्ती देसो बिना रूकी स्त्तुति-बड़ियाऐ ऐजी करह्: बिषाँव करे; ऐजो ही बुल़्दें रंह्, “पबित्र, पबित्र, पबित्र, प्रभू पंण्मिश्वर, सर्ब-शक्त्तिमाँन, जू थिया, अरह् जू असो ऐ, अरह् जू आँणों वाल़ा असो।”

प्रकाशितवाक्य 5:9

से ऐजो नुंवों गीत्त गाँदे लागे: “तू ईयों कताबे कर्णो खे, अरह् ईन्देकी सिलो खुल्णों ज़ूगा असो, किन्देंखे के तुँऐं कुरबाँण हऐयों आप्णें लह्ऊँ शी ऐक नाँम कुल़-बंष अरह् भाषा बुली अरह् लोग अरह् हर जात्ती मुँझ़्शे पंण्मिश्वर खे लोग मोले-खरीदियों लुऐ;

प्रकाशितवाक्य 6:10

तिनू ऋषी की आत्त्मा जुराल़ी लेरो मारियों बुल्दी लागी, “हे बड़े प्रभू! सच्चाई गाशी चाल्णों वाल़े, पबित्र! प्रभू तुँऐं कोबे तोड़ी अमाँरा नियाँव ने कर्दे? अरह् ईयों संईसारी धर्ती दे रंहणों वाल़े, लोगो कैई शा अमाँरे लह्ऊँ का बद्ल़ा कबे लोंदे?”