प्रकाशितवाक्य 3:18 - Sirmouri

¹⁸ ईन्देंखे हाँव ताँव्खे मंत्त-शीख देऊँ, के आगी दो भाड़ो अंदों सुन्नों मुँह कैई शो मोंले लो, के तू धनी-सैठ बंणी ज़ाऐ, अरह् चीट्टे खोट्णों करह् के बाँम्बियों ताँव आप्णें नाँगे-पंण की शर्मिंन्दगी ने हों, अरह् आप्णी आखी दा लाँणों वाल़ा शुरमा करह् के तेरे आगू देखिलो।

सिरमौरी नौवाँ नियम

¹⁸ इथकारिए हांव ताखै चैतावणी दियु कै ताखै मुं कैईंदु शुध्द सूनु खरीदणो चैंई ताकि तू सौथीखै सैठ बौणै सौकै। ताखै मुंकैई आपणै बाम्बणौ कारिए चिटै लुस्कै बै खौरीदणै चैंई ताकि तैरा शोरीर ढौकैयौंदा रौंव औरौ तू शर्मिंदा ना हौए। औरौ ताखै आपणी आखो का इलाज कौराणौ कारिए मुं कैईंदै दवाई बै खौरीदणी चैंई ताकि तू दैख सौकै।

प्रकाशितवाक्य 3:18 ပူးပေါင်းရင်းမြစ်များ

मत्ती 13:44

“स्वर्गो को राज्य खेच़ौ दो दाबे अंदें धंन के खजानें जेष्णों असो, जेथू कोसी आदमी भेंटो अरह् तेने तेथू खेच़ौ दो दाबी-चूरी दितो, अरह् आँनन्द-खुशी के मारे आप्णों सब-कुछ बिकी दितो सेजो खैच़ मोंले खर्दी पाव।”

मत्ती 25:9

परह् सम्झदार ऐ जबाब दिता, ‘बिलकुल भे ने, ऐ आँमों खे अरह् तुँओं दुई खे पुज़्दी नें; आछो तअ ऐजो असो, के तुँऐं ज़ाऐयों बिक्णों वाल़े कैई शो मोंले-खर्दियों आप्खे तेल आँणों।’

लूका 12:21

ऐष्णी ही दषा तिन लोगो के हों; जुण्जे आपु खे धंन-संम्पत्ति कट्ठी करह्; परह् से पंण्मिश्वर की नंजर दे सैठ धंन-वाँन ने हंदी।”

2 कुरिन्थियों 5:3

अमाँरी ऐजी पाक्की धावना असो; के आँमें स्वर्गिऐं घर दे ज़ाऐयों हजो बै-घर ने हंऊँबे।

2 कुरिन्थियों 8:9

तुँऐं अमाँरे प्रभू यीशू मसीया की कृपा जाँणों ऐ, के से धनी-सेठ हऐयों भे तुँवारी ताँईऐं कंगाल बणे, जू तिनके कंगाल हणों शे तुँऐं सैठ बंणी ज़ाँव।

1 तीमुथियुस 6:18

से भलाऐ करह्, अरह् भलाई की काँम-काज़ दे धंनवाँन बंणों, अरह् दयामाँन, अरह् ओकी की मंद्दत्त कर्णो खे तैयार रंह्।

याकूब 2:5

हे मेरे प्यारे भाऐ बंईणों शुणों। कियों पंणमिश्वरे ईयों संईसारी के गरीब कंगाल छाँटी ने थई, के बिश्वाष दे सैठ-सहऊँकार अरह् तेसी राज्य के हंक-अधिकारी बण्ल़े, जिन्देका बाय्दा पंणमिश्वर तिनू आरी करा जुण्जे लोग तेछ़ौ पियार करह्?

1 पतरस 1:7

अरह् ईन्देंखे हों के तुवाँरा पर्खा अंदा बिश्वाष जू आगी शे भाड़े अंदे नाँष हंणों वाल़े सुन्नें शा भे कैथी बैजाऐ किम्त्ति असो; प्रभू यीशू मसीया के पर्गट हंणों गाशी, तारीफ, अरह् बड़ियाऐं अरह् आदर का कारण बंणों।

प्रकाशितवाक्य 16:15

“चित्ते थुऐ: हाँव चोर जेष्णाँ आँदा! भागोईत असो, सेजा जू बीऊँजी रंह्, अरह् आप्णें खोट्णों के च़क्क्षी करह्, के हाँव लोगों के सहाँम्णें नाँग्गी हऐयों शर्मिन्दा ने हंऊँ।”

प्रकाशितवाक्य 19:8

तैस्खे आछ़ै मंल-मंल के ओज्ल़े खोट्णों; धारण कर्णों की अज्ञाँ देऐ थंऐ,” सेजो आछ़ो मंल-मंल पबित्र लोगों के धार्मिक्त्ता के काँम असो।

प्रकाशितवाक्य 2:9

हाँव तेरे कल़ेष अरह् दाल़्ज़ि-पंण जाँणू ऐ, (खास करियों तुँऐं धनी-सैठ असो)! अरह् जू लोग आपु-आप्खे यहूदी बुलो, अरह् से यहूदी ने आथी, परह् दुष्ट-शैतान की मंडल़ी असो, तिनकी तुवाँरे बारे दी चुगली भे जाँणू ऐ।

प्रकाशितवाक्य 3:17

तू बुले, के हाँव धनी-सैठ असो, अरह् अमीर बंणी रूवा, अरह् मेरे कोसी भी चींजो की कंम्मी ने आथी; अरह् तू ऐजो ने जाँण्दा, के तू नींरभाग, अरह् छुट्टा, अरह् कंगाल, अरह् शैड़ा, अरह् नाँगा असो।

प्रकाशितवाक्य 4:4

तेसी सिंगाँस्हणों के चौऊँ ढबे च़ौबीष सिंगाँस्ण असो; अरह् तिनू सिगाँस्हणों गाशी च़ौबीष अगुऐ लोग चींट्टे खोट्णों बाँम्बियों बईठे अंदे असो, अरह् तिन्के मुँढो गाशी सुन्नें के मुँकुट-ताज असो।

प्रकाशितवाक्य 7:13

ईन्दें गाशी अगुऐ मुँझ़्शो ऐकी ऐ मुँखे बुलो, “ऐजे चीट्टे खोट्णों बाँम्बियों कुँण असो? अरह् केथै शे ऐ आऐ रूऐ?”