प्रकाशितवाक्य 3:15 - Sirmouri

¹⁵ “हाँव तेरे काँम-काज़ जाँणू ऐ, के तू ना तअ शैल़ा अरह् ना ताता: भलो होंदो के तू ताता के शैल़ा हंईदा।

सिरमौरी नौवाँ नियम

¹⁵ हांव तैरै कामौ खै जाणुए, कै तू ना तौ मुं पांदी आपणै बिशवाश शै मुकरे औरौ ना ही मुखै पूरै मन शै प्यार कौरे। हांव चोऊं कै तू मैरा इन्कार कौरे दै या मुंआरी पूरै मन शै प्यार कौर।

प्रकाशितवाक्य 3:15 ပူးပေါင်းရင်းမြစ်များ

मत्ती 10:37

“सेजा जेस्के मुँह शा जादा आप्णें माँ-बाबा शा लगाव असो; सेजा मुँह ज़ूगा ने आथी; अरह् जेस्के मुँह शे जादा आप्णें नहाँन्ड़िया प्यारे असो, सेजा भे मेरा चैला बंण्णों ज़ूगा ने आथी।

मत्ती 24:12

अ-धर्म पाप बड़णों लई भहीते लोगो को पियार कंम हऐ ज़ाँदो।

मत्ती 6:24

“कुँऐं आदमी दू: मालिक-स्वामी की सेवा ने करी सक्दा, किन्देखे के से ऐकी आरी बईर अरह् ओकी आरी पियार करदा, ऐकी आरी मीलियों रंह्दा, अरह् ओकी से छुटा जाँण्ल़ा। तुँऐं पंणमिश्वर अरह् धंन दुई की सेवा ने करी सक्दे।

रोमियों 12:11

कोशिष कर्णो खे आल़स ने करे; आत्त्मिक तेज-प्रकाष शे भरे रूऐ; प्रभू की सेवा कर्दें रूऐ।

1 कुरिन्थियों 16:22

जे कुँऐं प्रभू शो पियार ने करह्, तअ से निर्भाग असो। हे अमाँरे प्रभू आव!

2 कुरिन्थियों 12:20

किन्देंखे के मुँह डरह् असो, कद्दी ऐशो ने हईयों के हाँव आऐयों जेष्णों चहाँऊ, तेष्णें तुँओं ने दे:खू; अरह् मुँह भी जेष्णाँ तुँऐं ने चहाँदें तेष्णा ही दे:खो; अरह् तुँओं मुंझी झगड़ा, डाह, कोरूध, बिरोध, रीष, चुगली, घमन्ड, अरह् बखैड़ा हों;

फिलिप्पियों 1:9

हाँव ऐजी प्रार्थना करू, के तुवाँरा प्यार ज्ञाँन अरह् बादी सम्झ आरी हजो भे बढ़दा ज़ाऊँ,

2 थिस्सलुनीकियों 1:3

हे भाऐ-बंईणों, तुवाँरे बारे दा आँमों हर बख्ते पंण्मिश्वर का धन्यबाद करणा पड़ो, अरह् ऐजो ठीक असो, ईन्देंखे के तुवाँरा बिश्वाष बैजाऐ बढ़दा ज़ाँव, अरह् तुँओं सोभी को प्यार आपु मुझी बैजाऐ बढ़दो लागो।

याकूब 1:8

सेजा आदमी दू-मंना-दू-चीत्ता, असो, अरह् आप्णी बादी बातो दा चंचल असो।

1 पतरस 1:22

तअ: जबे तुँऐं भाईचारे दो नींषकप्ट पियार के मुताबिक सच्चाई के माँन्णों शा आप्णे मंन के आत्त्मा तियार करी थऐ, तअ तंन-मंन लाऐयों ओका ओकी शो बैजाऐ पियार करह्।

प्रकाशितवाक्य 2:2

“हाँव तेरे काँम-काज़, अरह् तेरी मेंह्नत, अरह् तेरे धीरज जाँणू ऐ; अरह् ऐजो भे के तू बूरे लोग संह्ऐन ने करी सक्दा, अरह् जुण्जे आपु-आप्खे प्रभू यीशू के खास-चैला बुलो, सेजे प्रभू यीशू के खास-चैले ने आथी, तिनू तुँऐं जाँचि-पर्खियों देखे के से झुठे लोग असो।

प्रकाशितवाक्य 2:4

परह् मेरे तेरे बिरूध दो ऐजो बुल्णों, के तुँऐं आप्णा आगला जिया प्यार छुड़ी थुवा।

प्रकाशितवाक्य 3:1

“सरदीस नंगर की कलीसिया के दूत्त खे ऐजो लिख: “जेस कैई पंण्मिश्वर की सात्त आत्त्मा अरह् सात्त तारे असो, से ऐजो बुलो के हाँव तेरे काँम-काज़ जाँणू ऐ: ताँव्खे जीऊँदा तअ बुली ऐ, परह् तू असो ऐ मँरा अँदा।

प्रकाशितवाक्य 3:16

ईन्देंखे के तू गुंनगुंना असो, अरह् ना शैल़ा अरह् ना ताता हाँव ताँव आप्णी ज़ात्ती मुँह शा ऊदा ऊगलुबा।