प्रकाशितवाक्य 3:12 - Sirmouri

¹² जू जींत्ती ज़ाँव तेसी हाँव आप्णें पंण्मिश्वर की देऊँठी दा ऐक खँम्बा बंणाँऊबा, अरह् से कद्दी भे बाऐर ने नींकल़्ला; अरह् हाँव आप्णे पंण्मिश्वर को नाँव अरह् आप्णे पंण्मिश्वर के नंगर, मतल्व नुऐं यरूशलेम को नाँव, जू मेरे पंण्मिश्वर कैई शो स्वर्गो शो ऊँदो आऐ रूवों, अरह् आप्णों नुंवों नाँव तिन्दो लिखूबा।

सिरमौरी नौवाँ नियम

¹² सैजै जू जीत पालै सै पौरमेशवर कै मन्दिर दै खोम्बे कै जैशणै हौंदै, जैसकै हांव सेवा कौरु औरौ तिनु तैसी कौलोंई छोड़णा ना पौड़दा। हांव तैसकै शोरीर पांदी मैरै पौरमेशवर कै शहर कौ नांव लिखदा, ऐजौ सैजौई औसौ जैसी नौवाँ यरूशलेम शहर बौला जांव। ऐजा सैजाई औसौ जू स्वर्ग शै, यानी मैरै पौरमेशवर कै ढौबौशा धैनै आन्दा। हांव तैसकै शोरीर पांदी मैरा नौवाँ नांव बै लिखदा।

प्रकाशितवाक्य 3:12 ပူးပေါင်းရင်းမြစ်များ

मरकुस 12:16

तिन्ऐ ऐक सिक्का आणाँ, अरह् तेसी सिक्के दे: खियों प्रभू यीशू ऐ बुलो, “ऐजी छाप अरह् ऐजो नाँव कस्को असो?” तिन्ऐ बुलो “कैसर को।”

गलातियौं 2:9

अरह् जबे तिन्ऐ तियों कृपा दी जुण्जी मुँह भेंटी रंऐ थी, सेजी जाँणी पाँऐ; तअ याकूब, अरह् कैफा, अरह् यूहन्ना ऐ, जू कलीसिया के मुँख्या माँने ज़ाँव थिऐ, तिन्ऐं साथ देणों के रूप दी ऐजी सहम्ति जताऐयों, मुँह आरी, अरह् बरनबास आरी हाथ मिलाया, के तुँऐं गऐर यहूदी लोगो के बीचो दे ज़ाऐयों प्रचार कर्दें रूवे, अरह् आँमें मतल्व याकूब, कैफा, अरह् यूहन्ना ऐ यहूदी लोगो के बीचो दा प्रचार करणा माँना, अरह् आँमें सभिऐं आपु मुँझी ऊडी-पुडी संई बाँऐं छुईयों मानों।

इफिसियों 3:15

जिन्दे लई स्वर्ग अरह् धर्ती गाशी, ऐक नाँम घराने को नाँव थुओ ज़ाँव,

इब्रानियों 12:22

परह् तुँऐं सिय्योन टिम्बे गाशी जीऊँदे पंण्मिश्वर के नंगरो दे, स्वर्गिऐ यरूशलेम कैई, अरह् लाखो सवर्गदूतों आरी खुशी आँनन्द मंनाँव,

इब्रानियों 13:14

किन्देंखे के ईथै अमाँरा किऐ अट्ल़ नंगर ने आथी, परह् आँमें तअ तेसी नंगर की बाट जूई लऐ, जू आणों वाल़ा असो।

1 यूहन्ना 4:4

हे प्यारे नहाँन्ड़िया, तुँऐं पंण्मिश्वर के असो, झूठे ऋषी तुँऐं हराऐ पाऐ; किन्देंखे के जुण्जा तुओं दा बास करह्, से तैच़्छ़ा बड़ा असो; जुण्जा संईसारी दा असो।

प्रकाशितवाक्य 14:1

तबे मुँऐ झ़ेठ पाऐ, अरह् देखो, सेजा छ़ैल़्टा सिय्योन धारह् गाशी खड़ा असो, अरह् तिनकी गईलो ऐक लाख चौवाल़ीष हजार लोग असो, जिनके माँथें गाशी तिनका अरह् तिनके परमं-पिता को नाँव असो।

प्रकाशितवाक्य 17:14

से छैल़्टे आरी लड़्दे, परह् छैल़्टा तिन शा जींत्ती ज़ाँदा, किन्देंखे के से प्रभूओं का प्रभू, अरह् राजाओं का राजा असो, अरह् जू बईदे अंदे, अरह् चूणें-छाँटे अंदे अरह् बिश्वाषी असो, से तेस्की गईलो असो; से भे राज्य पाँदें।”

प्रकाशितवाक्य 2:11

जिनके काँन हों, से शुँणी पाँव, के पबित्र-आत्त्मा कलीसियों खे का बुलो। जू जींत्ती ज़ाला, तेस्के ओकी मंऊँती शा घाटा ने हंदी।

प्रकाशितवाक्य 2:17

जिनके काँन हों, से शुँणी पाँव, के पबित्र-आत्त्मा कलीसियाओं खे का बुलो। के जू जींत्ती ज़ाँव, तिन्खे हाँव चुप्पी के मंन्ना मुँझ्शो देऊँबा, अरह् तैस्खे ऐक चीटा पात्त्थर भे देऊँबा; अरह् तेसी पात्त्थर गाशी ऐक नुंवों नाँव लिखो अंदो हलो, तेसी पात्त्थर भेंट्णों वाल़े के सुवाऐ ओका कुँऐं ने जाँण्ला।

प्रकाशितवाक्य 2:7

जिनके काँन हों से शुँणी पाव, के पबित्र-आत्त्मा कलीसियों खे का बुलो। के जुण्जा जींत्ती ज़ाँव, हाँव तैस्खे तेसी जीवन के बड़े डाल़-पेड़ मुँझ्शो जू पंण्मिश्वर के स्वर्गो दा असो, तिन्दें के फल़ खाणों देऊँबा।”

प्रकाशितवाक्य 21:2

तबे मुँऐं पबित्र नंगरी नंऐं यरूशलेम पंण्मिश्वर कैई शी, मतल्व स्वर्गो शे ऊँदे आँदे जेष्णीं कुँऐ दुल्हन आप्णें दुल्हें खे सजी-धजियों बिना कल़क के आँव तेष्णीं देखी।

प्रकाशितवाक्य 22:4

से तिनू आप्णीं आखिऐ देख्ले, अरह् तिनको नाँव तिनू लोगों के माँथे गाशी लिखो अंदो हलो।

प्रकाशितवाक्य 3:5

जू जींत्ती ज़ाँव तेस कैई शे ऐष्णें ही चीट्टें खोट्णों बम्बाईले, अरह् हाँव तिनको नाँव जीवन की कताबे शो बिल्कुल ने काट्दी; परह् तिनको नाँव आप्णे परमं-पिता अरह् स्वर्गदूत्तों के सहाँम्णें माँनुबा।