प्रकाशितवाक्य 3:10 - Sirmouri

¹⁰ तुँऐं मेरे धीरज के बचन थाँबी थुऐ, ईन्देंखे हाँव भे ताँव र्पख्णों के बख्त्ते बंचाऐयों थंऊँबा, जू धर्ती गाशी रंहणों वाल़े र्पखोंदा अरह् बादी संईसारी गाशी आँणों वाल़ा असो।

सिरमौरी नौवाँ नियम

¹⁰ तुऐं मैरै सौंदेश कै मानै राए ताकि जोबै तू दुख उठाए तौ तिनु सब्र लैई सैहन कौरे सौकै। इयौंई बौजैह शै, हांव ताखै बौड़ी परीक्षा कै सौमय दा तैरी रक्षा कौरदा। परीक्षा का ऐजा सौमय इयौं दुनिया कै सौब लोगौ पांदी आन्दा।

प्रकाशितवाक्य 3:10 ပူးပေါင်းရင်းမြစ်များ

मत्ती 24:14

अरह् पंणमिश्वर के राज्य की ऐजी खुषख्बरी बादी संईसारी दा प्रचार करा ज़ाला। के सोभी गऐर यहूदी गाशी गुवाऐ-शाज़्त हों, तबे अंत्त आऐ ज़ाला।

मत्ती 26:41

बीऊँजी रंह्, अरह् प्रार्थना कर्दे रंह्, के तुँऐं परख दे ने पड़ो: आत्त्मा तअ तियार असो, परह् देह्-शरीर कंंमजोर असो।”

मत्ती 6:13

आँमों पाप कर्णो की परख दे ने पाऐ, परह् बुराई पाप शे बंचाऐ; (किन्देखे के राज्य अरह् प्राकर्म अरह् बड़ियाऐं सदा-सदा तेरी ही असो।’ आमीन।)

मरकुस 14:9

हाँव तुँओं खे ऐक खास बात बुलू, के बादी संईसारी दे जेथी केथी खुषख्बरी प्रचार हली, तेथै याँरी ईयों काँम-काज़ के चर्चा भे याँरी चिताँव्णी खे हली।”

लूका 2:1

तिनू देसो दा ओगुस्तुस कैसर के राजा की ढबे शी ऐजी अज्ञाँ निकल़ी, के रोंम राज्य के बादे ईलाके दे रंहणों वाल़े लोगो के नाँव लिखे ज़ाँव।

यूहन्ना 17:6

“मुँऐ तुँओं तिनू सोभी गाशी पर्गट करी पाऐ, जिनू तुऐं ईयों संईसारी शे च़ूणी-छ़ाँटियों मुँखे देऐ थुऐ थिऐ; सेजे लोग तुवाँरे असो, जिनू तुऐं मुँह कैई देऐ थुऐ थिऐ; अरह् तिन्ऐं तुवाँरे बचन का पाल़्ण भे करी थुवा।

रोमियों 1:8

सोभी शा आगे हाँव तुँओं सोभी खे यीशू मसीया के जाँणें आप्णे पंणमिश्वर का धन्यबाद करू, किन्देंखे के तुवाँरे बिश्वाष के चर्चा बादी संईसारी दी हऐ रंऐ।

1 कुरिन्थियों 10:13

कुऐं ऐशी परख तुँओं गाशी ने पढ़ो, जुण्जी सोभी खे ऐक भाँत्ती ने हों, पंणमिश्वर बिश्वाष ज़ूगै असो; से तुँओं कोसी ऐशी परख दे ने पढ़णों दियों, जुण्जी परख तुँवारी सहणों जूगी ने हों, परह् से परख आरी तिन्दा का ऊपाया भे कर्दे; जू तुऐं सह्ऐन करी सको।

इफिसियों 6:13

ईदेखे पंण्मिश्वर के बादे हथियार धारणं करी पाव, के तुवाँरे बुरे देसो दा तुँऐं तिनका सहाँम्णा करी सको; अरह् आखरी तोड़ी आप्णा फ़रज पुरा करियों तुँंऐं जींती ज़ाँव।

2 तीमुथियुस 2:12

जे आँमें दु:ख्ह सबैर माँरियों संह्दे भे रंऊँबे: तअ तिनकी गईलो आँमें राज भे जरूर कर्दे; जे आँमें तिनू छुड़ी देऊँबे, तअ से भे आँमों छुड़ी देंदे।

याकूब 3:12

हे मेरे भाऐ बंईणों, कियो तेर्मोल़ो के डाल़ों दे जाँमरह् अरह् जाँमरह् के डाल़ो दे, तेर्मोल़ो कद्दी ने लागदे? तेष्णों ही फट्वाँणी के ऐकी नाल़े दो खरयाल़ो अरह् मीठो पाँणी दुईनें ऐक साथ ने आऐ सक्दो।

1 पतरस 4:12

हे प्यारे साथियों, तुँओं मुँझी जू ऐजी कठींण परख की आग जू तुँओं मुँझी भड़की रूऐ; ईन्दें शे हराँन ने हुऐ, ऐजी किऐ नोंखी बात ने आथी;

2 पतरस 2:9

ऐशो दाँई प्रभू जाँणों ऐ के भगत्त लोग कैशे दाँई नियाँव के देसो तोड़ी बंचाऐंयों थहणें, अरह् दुष्ट लोग कैशे दाँई सजा पाँणों खे थहणें;

प्रकाशितवाक्य 1:9

हाँव यूहन्ना, जू तुवाँरा भाऐ अरह् प्रभू यीशू के कल़ेष अरह् राज्य अरह् धीरज दा तुवाँरा साजी असो, पंण्मिश्वर के बचन अरह् प्रभू यीशू की गुवाऐ-शाज़्त्त के कारण हाँव पतमुस नाँव के टापू दा थिया।

प्रकाशितवाक्य 11:10

धर्ती दे रंहणों वाल़े, तिनके मँर्णों शे आँनन्द-खुशी अरह् मंगन हले, अरह् ओका ओकी कैई भेंट डेयाल़्ले, किन्देंखे के ईनू दुईनें बरंम्बाँणीं कर्णो वाल़े धर्ती दे रंहणों वाल़े लोग सताऐ थुऐ थिऐ।

प्रकाशितवाक्य 13:10

जिनखे कय्दी दो ज़ाँणों लिखी थो, से कय्दी दा ही ज़ाँदा; अरह् जुण्जा तरवारी लई माँरों, से तरवारी ही लई माँरा ज़ाँदा, ईन्देंखे ऐजो जरूरी असो, के पबित्र लोगो का सबेर अरह् बिश्वाष का बख्त्त असो।

प्रकाशितवाक्य 13:14

तिनू चींन-नसाँणी के जाँणें, जिनू तेथू बुणेंरों के जिऐ देखाणों का हंक-अधिकार थिया सेजा तेथ्खे दिया गुवा, से धर्ती दे रंहणों वाल़े भरमाँव थिया, अरह् धर्ती दे रंहणों वाल़े खे बुलो थिया, के जेसी बुणेंरो दी तरवारो की लागी रंऐ थी, सेजो ऊबो जीऊँदो हऐ रूवो, तेथ्की मुर्ती बाँणों।

प्रकाशितवाक्य 13:8

धर्ती के सेजे बादे रंहणों वाल़े, तैथू बूणेर के पुजा करह्, जिनके नाँव माँरे अंदे छ़ैल़्टे के जीवन की कताबे दे संईसारी की उत्पत्ति के बख्तो शे ऊँबे लिखे अंदे ने आथी।

प्रकाशितवाक्य 14:12

ईन्देंखे ऐजो जरूरी असो, के पबित्र लोगो का धीरज ईन्दी ही असो, के जुण्जे पंण्मिश्वर की आत्त्मा की अज्ञाँ माँनों अरह् प्रभू यीशू गाशी बिश्वाष थंह्।

प्रकाशितवाक्य 14:6

तबे मुँऐ बीच अस्माँनों दा ऐक हजो स्वर्गदूत्त ऊड़ादे देखा, जेसी कैई धर्ती गाशी रंहणों वाल़े की ऐकी नाँम राज्य, कुल़-गड़ी, भाषा, अरह् सोभी जात्ती मुँझी प्रचार कर्णों खे पंण्मिश्वर की संदा खे खुषख्बरी थी।

प्रकाशितवाक्य 16:14

से ऐजी दुष्ट-आत्त्मा असो, जुण्जी चींन-नीशाँणी देखाँदें संईसारी धर्त्ती के बादे राज्य खे सर्ब-शक्त्तिमाँन पंण्मिश्वर के तेसी नियाँव के देसो खे लड़ाई-ज़ूद्ध कर्णो खे कठे करह्।

प्रकाशितवाक्य 17:2

जियाँरी गईलो धर्ती के राजा लोगे कू-कर्णी बिचका-काँम करी थुऐ; अरह् धर्ती दे रंहणों वाल़े लोगे तियारें कू-कर्णी बिचका-काँम अरह् सूरो लई माँच़ी रूऐ थिऐ।”

प्रकाशितवाक्य 17:8

जुण्जों बुँणेंर तुँऐं देखो, से आगे तअ थियों, परह् ऐबे ने से आथी, अरह् अथाह् कुँड शो नीक्ल़ियों नाँष दो पड़्दो, अरह् धर्ती दे रंहणों वाल़े जिनके नाँव संईसारी की उत्पत्ति के बख्त्तो शे जीवन की कताबे दे लिखी ने थई, से ऐथू बुँणेंर की ऐजी दंषा देखियों, के आगे थियों अरह् ऐबे ने आथी, अरह् से हजो आँदों, तबे तिनके तोरबाँण च़ूट्दे।

प्रकाशितवाक्य 2:10

जुण्जे दु:ख्ह ताँव झेल़्णें पड़ले, तिन्दा डरे ने। किन्देंखे के देखो, शैतान तुँओं मुँझ शे किऐ कय्दखाने दे पाँणें चहाँव जू तुँओं जाँच्चें-पर्खे ज़ाँव; अरह् तुँओं दष देसो तोड़ी कल़ेष भोग्णाँ पड़ो। पराँण देणों तोड़ी बिश्वाषी रंह्, तअ हाँव ताँव्खे जीवन को मुँकुट-ताज देऊँबा।

प्रकाशितवाक्य 3:8

हाँव तेरे काँम-काज़ जाँणू ऐ; देख, मुँऐ तेरे सहाँम्णें ऐक दुवार खुली थो, जेथू कुँऐं डाकी ने सक्दा; तेरी शक्त्ति दाँणिक तअ असो ऐ, तबे भे तुँऐं मेरे बचन का पाल़्ण करी थुवा, अरह् मेरे नाँव शा तू भाजी ने रंही।

प्रकाशितवाक्य 6:10

तिनू ऋषी की आत्त्मा जुराल़ी लेरो मारियों बुल्दी लागी, “हे बड़े प्रभू! सच्चाई गाशी चाल्णों वाल़े, पबित्र! प्रभू तुँऐं कोबे तोड़ी अमाँरा नियाँव ने कर्दे? अरह् ईयों संईसारी धर्ती दे रंहणों वाल़े, लोगो कैई शा अमाँरे लह्ऊँ का बद्ल़ा कबे लोंदे?”

प्रकाशितवाक्य 8:13

जबे मुँऐ हजो देखो, तअ अस्माँनों के बीच दा, ऐक बाज ऊड़ादे अरह् जुराल़ो ऐजो बुल्दे शुंणों, के “सेजे च़ीन स्वर्गदूत्त जिनको फुकर्णो हेभी हजो असो, धर्ती के रंहणों वाल़े गाशी हाऐ! हाऐ! हाऐ!”