प्रकाशितवाक्य 22:7 - Sirmouri

⁷ “देख, हाँव शीघा आँणों वाल़ा असो! भागोईंत्त असो! सेजे जुण्जे ईयों कताबे की बरंम्बाँणीं की बातो दे चालो।”

सिरमौरी नौवाँ नियम

⁷ “औरौ दैख, हांव तावल़ा ही आणौवाल़ा औसौ; धन्‍य औसौ सैजै, जू इयौं किताबो दी लिखैयौंदी हौणौवाल़ी बातौ का पालन कौरौ।”

प्रकाशितवाक्य 22:7 ပူးပေါင်းရင်းမြစ်များ

प्रकाशितवाक्य 1:11

“जू किऐ तुँऐं देखी लो, तैथू कताबे दो लिखियों ईनू सात्ती नंगरों की कलीसिया कैई डेयाल़ी दियों; मतल्व इफिसुस अरह् स्मुरना, अरह् पिरगमुन, अरह् थूआतीरा, अरह् सरदीस, अरह् फिलदिलफिया, अरह् लौदिकिया खे।”

प्रकाशितवाक्य 1:3

भाग्ईंत असो! सेजा जुण्जा ईयों बरंम्बाँणी पढ़ो ऐं, अरह् सेजे बादे लोग जुण्जे ईयों बरंम्बाँणीं शुँणों ऐ; अरह् ईन्दी लिखी अंदी बातो का पाल़्ण करह्, किन्देंखे के सेजा बंख्त्त नंजीक आऐ रूवा।

प्रकाशितवाक्य 16:15

“चित्ते थुऐ: हाँव चोर जेष्णाँ आँदा! भागोईत असो, सेजा जू बीऊँजी रंह्, अरह् आप्णें खोट्णों के च़क्क्षी करह्, के हाँव लोगों के सहाँम्णें नाँग्गी हऐयों शर्मिन्दा ने हंऊँ।”

प्रकाशितवाक्य 2:16

तअ: आप्णाँ मंन बद्ल़ो, ना तअ हाँव ताँव कैई शीघा आऐयों आप्णे मुँख ज़ात्ती की तरवारी लई तिनू आरी लड़ूबा।

प्रकाशितवाक्य 22:12

“देख, हाँव शीघा आँणों वाल़ा असो; अरह् ऐकी नाँमों के काँम-काज़ के मुँताबिक तिनखे तिन्देंका प्रत्ति फ़ल़ देऊँबा।

प्रकाशितवाक्य 22:18

हाँव ऐक नाँम खे, जुण्जा ईयों कताबे की बरंम्बाँणीं की बातो शुँणों, हाँव तिनू सोभी खे ऐजीं चिताँव्णीं देंऊँ, के जे कुँऐ ईन्दें मुँझ़्शो किऐ भे छ़ुड़्ला तअ पंण्मिश्वर ईयों कताबी दी लिखीं अंदी बादी बिबत्ती-ओब्ल़ी तेसी गाशी पाड़ी देला।

प्रकाशितवाक्य 22:19

अरह् जे कुँऐ बरंम्बाँणीं की ईयों कताबी शी किऐ भे बातो मुँझ़्शो किऐ आगु गाड़ो; तअ पंण्मिश्वर जीवन के तेसी डाल़, अरह् पबित्र नंगर मुँझ़्शो, जिन्देंका बखाँण ईयों कताबी दो असो; तअ तेसी आदमी पंण्मिश्वर तेसी हंक-अधिकार शा दूर करी देले।

प्रकाशितवाक्य 22:20

ईनू बातो की गुवाऐ-शाज़्त्त देणों वाल़ा ऐजो बुलो, “हाँव जरूर शीघा ही आँदा लागा।” आमीन! हे प्रभू यीशू आओ!

प्रकाशितवाक्य 22:21

प्रभू यीशू के कृपा तुओं सोभी गाशी बंणीं अंदी रंऐ चैंई।

प्रकाशितवाक्य 3:11

हाँव शीघा ही आँणों वाल़ा असो; जू किऐ ताँव कैई असो, तैथू थाँम्बड़ों अंदो थुऐं, जू कुँऐं तेरो मुँकुट-ताज ताँव कैई शो आगू ने द्ढ़ो।

प्रकाशितवाक्य 3:3

ईन्देंखे चींत्ते करह् के तुँओं केष्णी शिक्क्षा भेटी, अरह् केष्णों तुँऐं शुँणों, अरह् तियों शिक्क्षा दा पाक्का अट्ल़ बँणा अँदा रंह्, अरह् आप्णा मंन बदल़। अरह् जे तू ऐबे भे शुझ़ी दा ने आया, तअ हाँव चोर जेष्णाँ आँऊबा, जू ताँव कैई पता ही ने लागो, के हाँव कोसी बख्ते ताँव गाशी पड़ूबा।