प्रकाशितवाक्य 22:18 - Sirmouri

¹⁸ हाँव ऐक नाँम खे, जुण्जा ईयों कताबे की बरंम्बाँणीं की बातो शुँणों, हाँव तिनू सोभी खे ऐजीं चिताँव्णीं देंऊँ, के जे कुँऐ ईन्दें मुँझ़्शो किऐ भे छ़ुड़्ला तअ पंण्मिश्वर ईयों कताबी दी लिखीं अंदी बादी बिबत्ती-ओब्ल़ी तेसी गाशी पाड़ी देला।

सिरमौरी नौवाँ नियम

¹⁸ हांव यूहन्ना सौबी आदमी कै चैतावणी दियु जू इनु बातौ कै बारै मुंजी सौंदेश कै शुणुए जू इबी हौन्दी लाग रौई औरौ आणौवाल़ै सौमय दी हौन्दी, जू मोऐं इयौं किताबो दी लिख रैई: जै कुणिए बै इनु सौंदेश मुंजीदौ किछै बै बौढ़ाव, तौ पौरमेशवर तोंवारै सौजा कै बौढ़ाए दैंदा। सै तुऔं तिनु पौरैशानी शै मारदा जिथकै बारै मुंजी मोऐं इयौं किताबो दौ बौताए राए।

प्रकाशितवाक्य 22:18 ပူးပေါင်းရင်းမြစ်များ

मत्ती 15:13

प्रभू यीशू ऐं तिनखे जबाब दिता, “ऐक नाँम पौधा जुण्जा मेरे स्वर्गो के पिता ऐ ने लाऐ थई, सेजो ऊडो ऊपाड़ो ज़ादों।

इफिसियों 4:17

ईदेखे हाँव ऐजो बुलू, अरह् प्रभू दी ढाल-अरज करू; के जैष्णें गऐर यहूदी लोग आप्णें मंन की बै-कार रिती गाशी चालो, तुँऐं हेबी शुबे हजो ऐष्णें ने चालो।

1 थिस्सलुनीकियों 4:6

के ईयों बातो दे कुँऐं आप्णे बिश्वाषी भाऐ-बंऐणीं ने ठगे, अरह् ना तिनखे किऐ चाल-चाले, किन्देंखे के प्रभू ईनू सोभी पापो का बद्ल़ा लोंणों वाल़ा असो; जेष्णों के आँमें तुँओं कैई शो आगे ही चिताऐं थुओ थियो।

प्रकाशितवाक्य 1:3

भाग्ईंत असो! सेजा जुण्जा ईयों बरंम्बाँणी पढ़ो ऐं, अरह् सेजे बादे लोग जुण्जे ईयों बरंम्बाँणीं शुँणों ऐ; अरह् ईन्दी लिखी अंदी बातो का पाल़्ण करह्, किन्देंखे के सेजा बंख्त्त नंजीक आऐ रूवा।

प्रकाशितवाक्य 15:1

तबे मुँऐ स्वर्गो दे ऐक हजो बड़ी नंखी चींन-निशाँणी देखी, मतल्व सात्त स्वर्गदूत्त जिन कैई सात्त आखरी बिब्त्ति थी, किन्देंखे के तिनके खत्त्म हंणों गाशी पंण्मिश्वर के रोष खत्त्म हंदा थिया।

प्रकाशितवाक्य 15:6

देऊँठी शे सेजे सात्ते स्वर्गदूत्त जिन कैई सात्ते बिब्त्ती-ओब्ल़ी थी; से बाँईडे आऐ, जिन्ऐं मंल-मंल के शुद्ध, ओज्ल़े, चंम्कदार खोट्णों बाँम्बे थुऐ थिऐ, अरह् तिनकी छात्ती गाशी ऊदी सुन्नें की कमरी दी गाच़्च़ी बाँनी थंऐ थी।

प्रकाशितवाक्य 19:20

सेजो बुँणेंर, अरह् तेस्की गईलो सेजे झूठे ऋषी, थाँम्बड़े गुवे, जेथू ऐ तेसके सहाँम्णें संईसारी दी ऐशी चींन-नींषाणीं देखाऐ थी, जिन्दे के जाँणें तेने तिनू भरंमाँऐं-दुरंताँऐ जिनू गाशी तेथू बईच़ीं की छाप-मुँहर थी, अरह् जुण्जे तेथू बुँणेर की पूजा करह् थिऐ। तिनू जीऊँदे ही तियों आगी की झील नंरक दे, जू गंन्धक शी जल़्दी रंह्, तिनू बादे तिन्दें पाऐ गुऐ।

प्रकाशितवाक्य 20:10

तबे शैतान, जेने तिनकी गंईलो छ़ल करा थिया; तेसी आग अरह् गंन्धक की झ़ील दा फ़ेरकाऐ दिता, जेथै सेजो खराब बुणेंर अरह् झ़ुठै ऋषी भे फ़ेरकाऐ थुऐ थिऐ; तेथै तिनकी ज़ूगौ-ज़ूगौ खे चोरी करी ज़ाली, अरह् से तड़फंदे रंह्ले।

प्रकाशितवाक्य 20:15

अरह् जेसी कोसी को नाँव जीवन की कताबे दो लिखों अंदो ने भेंटी, तेसी तियों ही आगी की झ़ील दा पाऐ दिता।

प्रकाशितवाक्य 22:10

तबे तेने मुँखे बुलो, “ईयों कताबे के बरंम्बाँणीं की बातो बंद ने करे; किन्देंखे के बख्त नंजीक असो।

प्रकाशितवाक्य 22:16

“हाँव, यीशू, मुँऐ कलीसियाओं के बारे दी ऐजी बातो पर्गट कर्णो खे आप्णाँ दूत्त तुओं कैई डेयाल़ी थुवा; हाँव राजा दाऊद के बंष-गंड़ी का सोभी शी खास अलाद असो, अरह् झ़ीषौ बियाँणीं दा चंमम्कणों वाल़ा तारा असो।”

प्रकाशितवाक्य 22:7

“देख, हाँव शीघा आँणों वाल़ा असो! भागोईंत्त असो! सेजे जुण्जे ईयों कताबे की बरंम्बाँणीं की बातो दे चालो।”

प्रकाशितवाक्य 22:9

परह् तेने स्वर्गदूत्तें मुँखे बुलो, “देख, ऐष्णों ने करे! किन्देंखे के हाँव तेरा अरह् तेरे भाऐ ऋषियों, अरह् ईयों कताबी की बातो माँनणों वाल़े का संगी-साथी दास असो, तुँऐं सिर्फ पंण्मिश्वर के सहाँम्णें आगुमुँईऐ लाँम्बे पसरियों तिनकी ही आरार्धना करे।”

प्रकाशितवाक्य 3:14

“लौदीकिया नंगर की कलीसिया के दूत्त खे ऐजो लिख: “जू आमीन अरह् बिश्वाष ज़ूगा अरह् साच्चा गुवाह्-शाज़्त्त असो, अरह् पंण्मिश्वर की सिर्ष्टी की उत्त्पत्ति का खास कारण असो, से ऐजो बुलो: