प्रकाशितवाक्य 22:14 - Sirmouri

¹⁴ “भागोईंत्त असो! सेजे जिन्ऐं आप्णें चाल-चल्ण के खोट्णों जिऐ धूई पाँऐ; किन्देंखे के से जीवन के डाल़ो के हंकदार, अरह् से कुवाड़ो बाटी सुऐं करियों तेसी नंगर दे हाजीर हंदें।

सिरमौरी नौवाँ नियम

¹⁴ धन्‍य औसौ सैजै, जिनुवै आपणै लुस्कै कै मेम्ने कै लोऊ लैई धोए राए, औरौ इथकारिए तिनु शहर दा फाटको मुंजीदै हौयौ जाणौ का औरौ जीवन कै डाल़ो शै फल़ खाणौ का अधिकार हौंदा।

प्रकाशितवाक्य 22:14 ပူးပေါင်းရင်းမြစ်များ

यूहन्ना 10:7

ईन्देंखे प्रभू यीशू ऐ हजो तिनू लोगों खे बुलो, “हाँव तुँओं कैई शो ऐसी अंनाँणें का मंतल्व संह्म्झाँऊँ; हाँव ही भैंड़शाल़ो को दुवार असो:

यूहन्ना 10:9

हाँव ही दुवार असो; जे कुँऐं मेरे कारण जीवन दे दाखिल हों, तअ से छ़ुट्कारा पाँदें; अरह् से भीटे-बाईडे आँदे ज़ाँदे रंह्दे, अरह् तिनू खाँणा-पींणा भेट्दा रंह्दा।

यूहन्ना 14:15

“जे तुँऐं मुँह आरी प्यार कर्दे, तअ तुऐ मेरी अज्ञाँओं का पाल़्ण कर्दे।

यूहन्ना 14:6

प्रभू यीशू ऐ तेस्खे जबाब दिता, “हाँव ही बाट्, सच्चाऐ अरह् जीवन असो; मेरे बीना कुँऐ भे बाबा कैई ने ज़ाँऐ सक्दा।

यूहन्ना 4:12

तअ कियों तुँऐं अमाँरे बाबा याकूब शे भे बड़े असो? जिन्ऐं आँमों खे ऐजा कुँवाँ देऐ थुवा; से आपु, अरह् आप्णी अलादी कैई शो; अरह् आप्णें बंईच़ीं कैई शो भे ऐसी ही कुँऐं शो पाँणी पियाँव थिऐ?”

1 कुरिन्थियों 7:19

ना तअ खतना किऐ आथी, अरह् ना खतने के बिना किऐ आथी; परह् पंणमिश्वर के अज्ञाँ माँन्णी ही सब-कुछ असो।

1 कुरिन्थियों 8:9

परह् च़ौक्क्ष रूऐ! कद्दी ऐशो ने हऐयों, के तुँवारी ऐजी अजादी कोसी कंंमजोर आदमी खे ठोकर-ढैस का कारण ने बंणों।

1 कुरिन्थियों 9:5

कियों आँमों खे ऐजा हंक-अधिकार आथी ने, के कोसी मसीही धियाँन्टी आरी बियाह-शादी करियों तियों आरी रिटो-फिरंह्, जेष्णों के ओके प्रभू यीशू के खास-चैले अरह् प्रभू के भाऐ, अरह् कैफा करह्?

गलातियौं 5:6

प्रभू यीशू मसीया दा बिश्वाष कर्णो लई, ना खतना, अरह् ना बिना खतने का, तिन्दें का किऐ मतल्व ने आथी; परह् जे मतल्व असो, तअ सिर्फ बिश्वाष का, जुण्जा पियारो लई करा ज़ाँव।

1 यूहन्ना 3:3

अरह् जू कुँऐं तिनू गाशी ऐजा भूर्षा थंह्, से आपु-आप्खे तैष्णा ही पबित्र थंह् जैष्णें से पबित्र असो।

1 यूहन्ना 5:3

पंण्मिश्वर की अज्ञाँ का पाल़्ण करणा ही पंण्मिश्वर शो पियार कर्णों का परमाँण असो, परह् तिनकी अज्ञाँ कठींण ने आथी;

प्रकाशितवाक्य 2:7

जिनके काँन हों से शुँणी पाव, के पबित्र-आत्त्मा कलीसियों खे का बुलो। के जुण्जा जींत्ती ज़ाँव, हाँव तैस्खे तेसी जीवन के बड़े डाल़-पेड़ मुँझ्शो जू पंण्मिश्वर के स्वर्गो दा असो, तिन्दें के फल़ खाणों देऊँबा।”

प्रकाशितवाक्य 21:12

तियों नंगरी की च़ौऊँ ढबै अरह् चंफ़ैर ऐक बैजाऐ बड़ी ऊँगली जाँग्गीं थीं, अरह् तिन्दें बारह् कुवाँड़ थिऐ, अरह् ऐक नाँम कुवाड़ो गाशी ऐक स्वर्गदूत्त खड़ा रंह् थिया; अरह् तिनू कुवाड़ो गाशी इस्राएलियों के बारह् कुल़-गड़ी के नाँव लिखे अंदे थिऐ।

प्रकाशितवाक्य 21:27

किऐ भे अ-शुद्ध-गाँन्दी चींज, ऐसी नंगर दी ना तअ दाखिल हऐ सक्दी; अरह् ना सेजे लोग जिनका सभाव बिचका, अरह् शंगाँव्णा हों, अरह् जिनकी बातो झूठों लई भरी अंदी हों; ईन्दें सिर्फ सेजे ही लोग हाजीर हऐ सको, जिन्के नाँव छ़ैल़्टे के जीवन की कताबी दे लिखें अंदे हले।

प्रकाशितवाक्य 22:2

सेजी नंदी नंगर के च़ौराई खास बाटो बाटी ज़ाँव थी, अरह् तियों नंदी की टीराँव्टी गाशी दु:ई ढबे जीवन के डाल़ हों थिऐ, जिन्दें बारहीं किस्समं के फ़ल़ हर भीने लागो थिऐ; अरह् तिनू डाल़ो की पाच़ियों लंई हर जात्ती के लोग दुवाई के जागे दे थंऐयों तिन्दें लंई भले-चाँगे हंऐ ज़ाँव थिऐ।

प्रकाशितवाक्य 22:7

“देख, हाँव शीघा आँणों वाल़ा असो! भागोईंत्त असो! सेजे जुण्जे ईयों कताबे की बरंम्बाँणीं की बातो दे चालो।”

प्रकाशितवाक्य 7:14

मुँऐ तैस्खे बुलो: “हे श्री माँन, ऐजो तअ तुँऐं जाँणों।” तेने मुँखे बुलो, “ऐजे सेजे असो, जू बड़े कल़ेष मुँझ शे नींक्ल़ियों आऐ रूऐ; ईनू लोगे आप्णे-आप्णे खोट्णों छ़ैल़्टे के लह्ऊँ लई धुईयों चींट्टे बाँणीं थुऐ।