प्रकाशितवाक्य 21:21 - Sirmouri

²¹ नंगर के बारंह् कुवाड़ बारंह् मोतियों के थिऐ; अरह् ऐक कुवाड़ ऐकी मोंत्ती शो बंणाँवों गुवो थियों। परह् नंगर के खास बाट शुद्ध सुन्नै के बंणाँऐं अंदी थी, जिन्दें की चंम्क साफ सीसै काँच की जैऐ थी।

सिरमौरी नौवाँ नियम

²¹ आणौ-जाणौ कै बारौ दवार बै, ऐक-ऐक मौती शै बौणैयौंदे थिए, औरौ शहरो कै शोड़कै बै, खरे सूनै शै बाणै राए थी जू साफ कांच साए चौमकौ थी।

प्रकाशितवाक्य 21:21 ပူးပေါင်းရင်းမြစ်များ

प्रकाशितवाक्य 17:4

तियों तिरंई ऐ शागो के बतिया के रंगों के जैष्णें खोट्णों बाँम्बी थुऐ थिऐ, अरह् से सुन्नें अरह् किमम्त्ती मंणी अरह् मोत्ती के गुंहणें लेई सज्जी-धज्जी अंदी थी, अरह् तियाँरे हाथो दा ऐक सुन्नें का बैलुवा थिया जू शंगाऊँणी चीजो शा अरह् कू-कर्णी बिचका-काँम की अशुद्ध चींजो शा भरा अंदा थिया।

प्रकाशितवाक्य 18:16

‘हाय! हाय! ऐजा बड़ा नंगर। जू मंल-मंल, अरह् बतिया के रंग के बैंजनी अरह् लाल रंग के खोट्णों बाँम्बी थुऐ थिऐ, जुण्जे सुन्नें रंतन अरह् हिरे मोंत्ती शे सजाऐ अंदे थिऐं।

प्रकाशितवाक्य 21:15

जेने स्वर्गदूत्ते ऐ मुँह आरी बातो लाऐ लंई थी, तेस कैई नंगर, अरह् तिन्दें के कुवाड़ अरह् तिन्दे नाँप्णों का ऐक गंज्ह मंतल्व ऐक सुन्नें का बंष्याठा जिया थिया।

प्रकाशितवाक्य 21:18

तिन्देंकी जाँग्गीं यशब की थी, अरह् नंगर ऐशे शुद्ध सुन्नें का थिया, जेष्णाँ के से साफ़ काँच का जिया हों।

प्रकाशितवाक्य 22:2

सेजी नंदी नंगर के च़ौराई खास बाटो बाटी ज़ाँव थी, अरह् तियों नंदी की टीराँव्टी गाशी दु:ई ढबे जीवन के डाल़ हों थिऐ, जिन्दें बारहीं किस्समं के फ़ल़ हर भीने लागो थिऐ; अरह् तिनू डाल़ो की पाच़ियों लंई हर जात्ती के लोग दुवाई के जागे दे थंऐयों तिन्दें लंई भले-चाँगे हंऐ ज़ाँव थिऐ।

प्रकाशितवाक्य 4:6

अरह् तेसी सिंगाँस्हणों के सहाँम्णें बिल्लौर के जेष्णाँ काँच का समुँन्द्र असो। अरह् बिच्चों के सिंगाँस्हणों के बीच दे अरह् सिगाँस्णों के चौऊँ ढबे चार जींव असो, जिन्के आगू-पाछू आँखी ही आँखी असो।