प्रकाशितवाक्य 20:2 - Sirmouri

² तेने तेसी बड़ा पाँखो वाल़ा अजंगर, मतल्व पुराँणा शंगाव, इबलीस, जुण्जा शैतान असो, तेसी थाँम्बड़ियों हजार साल्ह खे बाँनी दिता,

सिरमौरी नौवाँ नियम

^2-3 तैणै अजगर कै यानी पुराणै सांपौ कै जैसी शैतान बै बौल़ौए, पाकड़ै पाए। तैणै तैसी बानै दिया औरौ तैसी गौढै उदा फेरकाए दिया, तैणै दरवाज़ा बंद कौरे दिया, औरौ तिथपांदी मोहर लाए दै ताकि तैसी ऐक हजार साल तौड़ी उंढा नी खौल़ौ। इथकारिए, तैसी सौमय कै दौरान, शैतान ऐक हजार साल तौड़ी लोगौ कै धौखा ना दैय सौकौ। तिथकै बाद, तैसी हौजौ थोड़ै सौमय कारिए रिहा कौरे दैंदै।

प्रकाशितवाक्य 20:2 ပူးပေါင်းရင်းမြစ်များ

मत्ती 19:29

ऐक नाँम जेने कुँणिऐं मेरी ताँईऐं जीवन दो किऐ छुड़ी थुओं, किऐ भे, घर, के भाऐ, बऐणीं, के माँ, बाबा, के नहाँन्ड़िया, के जीम्मी, जजाऐत छुड़ी थऐ, तेसी ईनू सोभी मुझी कंई गुणा, भेंट्दो; अरह् से अमर-जीन का बारिस हंदा।

मत्ती 8:29

तिन्ऐ लेल्याऐयों बुलो, “हे पंणमिश्वर का बैटा, अमाँरें तुँओं कैई शो का लोणों? किन्देखे के तुँऐं बख्तो शे आगे आँमों खे दु:ख देंदे ईथे कैई आऐ रूऐ?”

मरकुस 4:15

जू खेच़ौ की डह्ल़ी शो बाईरों पड़ो, से ऐजो असो, के पंणमिश्वर का बचन बोंवा गुवा, से ऐजो असो, के जबे तिन्ऐ शुण्णों, तअ दुष्टो का राजा शैतान तेख्णी आऐयों बचन जू तिनकी ताईऐं बऐ थुवा थिया, सेजा तिन कैई शा आगू नींयाँ।

मरकुस 5:7

अरह् जुराल़ी लेरोमाँरियों तेने जुराल़ो बुलो, परंम-पिता पंणमिश्वर का बैटा “हे प्रभू यीशू! मेरे तुँओं शो का लोणों? हाँव तुँओं खे पंणमिश्वर की षोंह्-कस्मँ देऊँ मेरी चरी ने करे।”

यूहन्ना 12:31

ऐबे ईयों संईसारी के नियाँव का बख्त्त आऐ गुवा; अरह् ऐबे ईयों संईसारी का हाकम आगु गाड़्दा;

यूहन्ना 16:11

नियाँव के बारे दो; ईन्देंखे के संईसारी का हाकम शैतान दोषी-कसूरबार बंणाँऐ पाया।

रोमियों 16:20

शाँण्त्ति का पंणमिश्वर शैतान तुँवारी लातो थाँई शिघा घिंज्णों खे पाँदा। अमाँरे प्रभू यीशू मसीया की कृपा तुँओं गाशी हंदी रंह्।

इब्रानियों 2:14

ईन्देंखे के अलाद लंह्ऊँ अरह् माँस के हों, अरह् तबे मसीया यीशू भे लंह्ऊँ अरह् माँस के बंणीं गुऐ, के मऊँती के कारण से तेसी मतल्व शैतान जेस्दे मंऊँत्ती के शक्त्ति थी, तेसी तिन्ऐ नाँष करी दिता।

1 पतरस 5:8

च़ौक्क्ष रूऐ, अरह् बीऊँजी रूऐ; किन्देंखे के तुवाँरा बिरोधी शैतान नाँदिणों वाल़े सिंह के जेष्णाँ ऐसी ताक दा रंह, के कोसी ऊपाड़ियों खाऊँ।

2 पतरस 2:4

किन्देंखे के जबे पंण्मिश्वर तिनू स्वर्गदूत्तों खे जिन्ऐं पाप करणा ने छ़ुड़ी थई थी, तिनू से नंरक के कुँडो दे पाँव थिऐ, जू नियाँव के देसो तोड़ी से कय्द दे रंह्ले;

यहूदा 1:6

जिनू स्वर्गदूत्तों ऐ आप्णा पद्-भार पाक्का अट्ल़ ने थई, परह् तिन्ऐं आप्णों खास घर छुड़ी दितो, तिन्ऐं तिनू भे तेसी भायानंक देसो के नियाँव खे ईनाँरे दे, जुण्जो ईनाँरो सदा खे असो, बाँनियों थऐ थुऐ।

प्रकाशितवाक्य 12:13

जबे तेसी पाखों वाल़े बड़े अजंगर के ऐजो जाँणियों, के मुँह धर्ती गाशी ऊदा फ़ेरकाऐ पाया; तअ तेने तियों तिरंऐ जियाँरे सेजा बैटा हुआ थिया, तियों संताँदा लागा।

प्रकाशितवाक्य 12:15

तबे तेने बड़े अजंगर ऐ आप्णें मुँह ज़ात्ती शी ऐक पाँणीं के बंडी नंदी जैऐ तियों तिरंई पाछ़ी छ़ुड़ी दिती; जिन्दें लंई से तियों तिरंऐ बुवाऐ दियों।

प्रकाशितवाक्य 12:17

तबे सेजा पाँखों वाल़ा बड़ा अजंगर तियों तिरंई खे घीपा, अरह् तियाँरी ओकी अलादी शो, ज़ूद्ध करदा नींक्ल़ा, मंतल्व तिनू लोगों आरी जुण्जे पंण्मिश्वर के अज्ञाँओं का पाल़्ण करह्, अरह् प्रभू यीशू के बारे दी देई गंई गुवाई-शाज़्त्त दे पाक्कै-अट्ल़ रंह्।

प्रकाशितवाक्य 12:3

तबे अस्माँनों दा ऐक ओका चंम्त्तकार देखाई पड़ा: लाल रंग का ऐक बैजाऐ बड़ा पाखों वाल़ा अंजगर देखिया, अरह् तेस्के सात मुँढों थिऐ, अरह् दष शिंगों थिऐ, अरह ऐकी नाँम मुँढों गाशी ऐक-ऐक मुँकूट्-ताज थियों।

प्रकाशितवाक्य 12:4

तेने बड़े अजंगर ऐ अस्माँनों शे ऐक च़ीज़ा हिस्सा तारे आप्णी लेंघह् लई, मेंठियों धर्ती गाशी फेरकाऐ दिते, अरह् तबे सेजा पाखों वाल़ा अजंगर तियों तिरंई के सहाँम्णें, जियाँरें नहाँन्ड़िया हंणों वाल़ो थियों, खड़ा हुवा, के जेई ईयों तिरंई के नहाँन्ड़िया पय्दा हंलो, तेई हाँव ईयाँरों सेजो नहाँन्ड़िया साबुत ऊँदो घुटी पाँऊबा।

प्रकाशितवाक्य 12:9

तबे सेजा बड़ा पाँखों वाल़ा अजंगर मतल्व सेजा ही पुराँणा शंगाव जैस्खे इबलीस, मतल्व जेस्खे शैतान बुली, अरह् बादी संईसारी का भरंमाँणों वाल़ा थिया, तेसी तेस्के दूत्तों आरी ऊदा धर्ती गाशी फेरकाऐयों पट्की दिता।

प्रकाशितवाक्य 13:2

जुण्जो बुँणेंर मुँऐ देखो, से चींत्ते जेष्णों थियों; अरह् तैथू के लात्त रीछ़ौ के जिऐ थिऐ, अरह् मुँह शेरो को जियो थियो। तेने पाँखों वाल़े अजंगर ऐ आप्णी शँक्त्ति अरह् आप्णों सिंगाँस्ण अरह् बड़ा हंक-अधिकार तेथ्खे देऐ दिता।

प्रकाशितवाक्य 13:4

लोगें तेसी पाँखों वाल़े अजंगर के पूजा करी, किन्देंखे के तेने तैथू बुँणेंर खे आप्णा हंक-अधिकार देऐ थुवा थिया, अरह् ऐजो बुलियों तैथू बुँणेंर के पूजा करी, के “ऐथू बुँणेंर जेष्णों कुँण असो? ऐथू आरी कुँण लड़ी सको?”

प्रकाशितवाक्य 20:10

तबे शैतान, जेने तिनकी गंईलो छ़ल करा थिया; तेसी आग अरह् गंन्धक की झ़ील दा फ़ेरकाऐ दिता, जेथै सेजो खराब बुणेंर अरह् झ़ुठै ऋषी भे फ़ेरकाऐ थुऐ थिऐ; तेथै तिनकी ज़ूगौ-ज़ूगौ खे चोरी करी ज़ाली, अरह् से तड़फंदे रंह्ले।

प्रकाशितवाक्य 20:7

जबे हजार साल्ह पुरी हऐ ज़ाली, तबे शैतान कय्दी शा छुड़ी दिया ज़ाला।

प्रकाशितवाक्य 9:11

अथाऐं कुँड का दूत्त तिनका राजा थिया; तेस्को नाँव इब्रानी भाषा दो अबद्दोन, अरह् यूनानी भाषा दो अपुल्लयोन थियो।