प्रकाशितवाक्य 20:13 - Sirmouri

¹³ समुँन्द्र ऐ सेजे मंरे अंदे हाजीर करे, जुण्दें तिन्दे समाँऐ रूऐ थिऐ; अरह् तबे मंऊँत्त अरह् अंधलोक ऐ भे सेजे लोग हाजीर करे, जुण्जे तिन्दे मँरी रूऐ थिऐ; अरह् तबे तिनू सोभी का ऐक-ऐक करियों तिनके कर्मों के मुँताबिक नियाँव करा गुवा।

प्रकाशितवाक्य 20:13 ပူးပေါင်းရင်းမြစ်များ

मत्ती 11:23

हे कफरनहूम नंगर के लोग, कियो तू ऐशो जाँणें के ताँव स्वर्गो शा ऊँचा करा ज़ाईंदा? परह् ताँव तअ पताल़ो तोड़ी ऊँदा पाँईदा! जुण्जे शक्त्तिशाली काँम-काज़ तुँओं मुँझी करी गई, जे से सदोम नंगर दे करे ज़ाँदें, तअ से ऐतलो तोड़ी आप्णें ठाँव दो बंणों अंदो रंह्दों।

मत्ती 16:27

आदमी का बैटा आप्णे पिता की बड़ियाऐ दे आप्णें स्वर्गदूत्त की गईलो आला, तबे से ऐक नाँम आदमी खे तिनके काँम-काज के मुताबिक प्रतिफल़ देले।”

1 कुरिन्थियों 15:26

सोभी शा पाछे ही पाछे जुण्जा बऐरी नाँष करा ज़ाला, सेजी मंऊँत्त असो।

प्रकाशितवाक्य 1:18

हाँव जीऊँदी असो; हाँव मँरी गुवा थिया, परह् ऐबे देखो, हाँव ज़ूगौ-ज़ूगौ तोड़ी जीऊँदा असो; अरह् मंऊँत्ती अरह् अंधलोक की ताल़ी-कुँन्जी मेरे हंक-अधिकार दी असो।

प्रकाशितवाक्य 2:23

हाँव तिनके नहाँन्ड़िया माँरी देऊँबा; तबे बादी कलीसियाऐं जाँणी पाली, के दिल अरह् मंन का पर्ख्णो वाल़ा हाँव ही असो, अरह् हाँव तुँओं मुँझी शे ऐकी नाँमों खे तिनके काँम-काज़ के मुँताबिक बद्ल़ा देऊँबा।

प्रकाशितवाक्य 20:12

तबे मुँऐ छुटे, बड़े बादे मँरे अँदे सिंगाँस्हणों के सहाँम्णें खड़े देखे, अरह् कताबे खुली गई; अरह् तबे ऐक ऊकी कताब खुली गऐ, मतल्व जीवन के कताब; अरह् जेष्णों तिनू कताबे दो लिखों अंदो थियों, तेष्णों ही तिनके काँम-काज़ के मुँताबिक तिनू मँरे अँदे का नियाँव करा गुवा।

प्रकाशितवाक्य 20:14

ईन्दें पाछ़ी मंऊँत्त अरह् अंधलोक दुईन्नें आगी की झ़ील दे पाऐ दिते। अरह् सेजी आगी की झ़ील जुण्जी दुज़ी मंऊँत्त असो;

प्रकाशितवाक्य 21:4

से तिनकी आँखी शे बादे आशुओं आगू घुष्दा; तिन्दे पाछी ना तअ मंऊँत्त रह्दीं, अरह् ना शोग, बिलाप, ना दु:ख, किन्देंखे के पुराँणीं बातो बीती गंई।”

प्रकाशितवाक्य 6:8

तबे मुँऐं तेथै ऐक घोड़ा हजो देखा, जू पीऊँल़े रंग का थिया; जेस्की अशवारो को नाँव मंऊँत्त असो, अरह् अंधलोक तेसी पाछी-पाछी असो; अरह् तिनखे संईसारी धर्ती की ऐक चऊँथाई गाशी हंक-अधिकार दिया गुवा, के तरवार, अरह् काल़, अरह् मुँरी, अरह् धर्ती गाष्ले जाँगल़ी भूणेंरो के जाँणें लोग माँरी दियों।