प्रकाशितवाक्य 2:2 - Sirmouri

² “हाँव तेरे काँम-काज़, अरह् तेरी मेंह्नत, अरह् तेरे धीरज जाँणू ऐ; अरह् ऐजो भे के तू बूरे लोग संह्ऐन ने करी सक्दा, अरह् जुण्जे आपु-आप्खे प्रभू यीशू के खास-चैला बुलो, सेजे प्रभू यीशू के खास-चैले ने आथी, तिनू तुँऐं जाँचि-पर्खियों देखे के से झुठे लोग असो।

सिरमौरी नौवाँ नियम

² हांव जाणुए कै तू का कौरे, तू कैशै मैहनत कौरे औरौ कौलोंई हार ना मानै; हांव जाणुए कै तू बुरै लोगौ कै झूठी शिक्षाओं कै सैहन ना कौरे। तुऐं तिनु लोगौ कै जांचै राए जू बौल़ौए कै सै चोणेयौंदे चैलै औसौ पौरौ सौथीखै आथी ना, औरौ तुऐं तिनु झूठै पाए राए।

प्रकाशितवाक्य 2:2 ပူးပေါင်းရင်းမြစ်များ

मत्ती 7:23

तबे हाँव तिनखे खुलियो बुली देऊँबा, ‘मुँऐं तुँओं कद्दी ने जाणी। ओ, कुकर्म कर्णो वाल़े, मुँह कैई शे निक्ल़ी ज़ाव।’

यूहन्ना 6:6

प्रभू यीशू ऐ फिलिप्पुस पर्ख्णों खे ऐजी बात बुली, किन्देंखे के से ऐजो जाँणों थिऐ, के से का कर्णो वाल़े असो।

गलातियौं 1:7

परह् सेजी ओकी खुषख्बरी बिल्कुल भे आथी ही ने: परह् बात ऐजी असो, के कैतोड़े ऐष्णें असो, जू तुँओं दुबिदा दे पाँऐयों डराऐ दियों; अरह् मसीया की खुषख्बरी बिगाड़ी देंणी चहाँव।

इफिसियों 4:14

च़ौक्क्ष रूऐ, के कोसी आदमी की ठग-बाजी शे अरह् छल़-कप्ट शे, अरह् चुगली चलाकी शे, तुँऐं बह्काऐ-दुर्ताऐ ने ज़ाँव, के लोग तुँओं नहाँन्ड़िया जिऐ ने भट्काऐं दियों,

1 थिस्सलुनीकियों 1:3

अरह् आप्णें परंम पिता-पंण्मिश्वर के सहाँम्णें तुवाँरे बिश्वाष के काँम-अरह् प्यारों के मेंहन्त्त अरह् अमाँरे प्रभू यीशू मसीया दे अटल भोर्षे के धिरज दे हमेशा चींत्ते थंह्।

1 थिस्सलुनीकियों 5:21

बादी बातो पर्खो-अजमाँव; जू आच्छ़ी असो, तिनू पाकड़ी अंदी थुऐ।

2 तीमुथियुस 2:19

तबे भे पंण्मिश्वर कि पाक्की पह्-नींव अट्ल़ असो, जिन्दें गाशी ऐजी मुँहर-छ़ाप लागीं रंऐ; के “प्रभू तिनू जाँणों ऐं, जुण्जें प्रभू के असो,” अरह् जुण्जा कुँऐं प्रभू का नाँम लों, से अपराध के शा बंचा अंदा रंह्।

इब्रानियों 6:10

किन्देंखे के पंण्मिश्वर अनियाँऐ कर्णो वाल़े ने आथी, के तुँवारी काँम-काज़, अरह् सेजो प्यार बिसरी ज़ाव, जुण्जो तुँऐं तिनके नाँव शो ऐशो ढंग शो देखाव, के पबित्र लोगो की सेवा करी, अरह् हजो भे सेवा करी लऐ।

1 यूहन्ना 4:1

हे प्यारों, सोभी आत्त्मा का बिश्वाष ने करे, परह् आत्त्मा के परख करह्, के सेजी आत्त्मा पंण्मिश्वर की असो ऐ, के आथी ने; किन्देंखे के बैजाऐ झूठे ऋषी संईसारी दे ऋषी बंणियों चाल पड़े।

प्रकाशितवाक्य 2:5

ईन्देंखे चींत्ते करह् के तू केथै शा रिड़ी रूआ, अरह् आप्णा मंन बदल़, अरह् आगले जिऐ काँम-काज़ करह्। जे तू आप्णाँ मंन ने बद्ल़े, तअ हाँव ताँव कैई आऐयों तेरा दिय्ट तेसी जागे शा आगु गाड़ी देऊँबा।

प्रकाशितवाक्य 2:6

परह् होर, ताँव दी ऐजी बात तअ असो ऐ, के तू नीकुलियों नाँव के पार्खन्डी के काँम-काज़ दा घीप्पे-शँगाऐं ऐ, जिन्दा हाव आपु भे घींप्पु शँगाऊँ ऐ।

प्रकाशितवाक्य 2:9

हाँव तेरे कल़ेष अरह् दाल़्ज़ि-पंण जाँणू ऐ, (खास करियों तुँऐं धनी-सैठ असो)! अरह् जू लोग आपु-आप्खे यहूदी बुलो, अरह् से यहूदी ने आथी, परह् दुष्ट-शैतान की मंडल़ी असो, तिनकी तुवाँरे बारे दी चुगली भे जाँणू ऐ।

प्रकाशितवाक्य 3:1

“सरदीस नंगर की कलीसिया के दूत्त खे ऐजो लिख: “जेस कैई पंण्मिश्वर की सात्त आत्त्मा अरह् सात्त तारे असो, से ऐजो बुलो के हाँव तेरे काँम-काज़ जाँणू ऐ: ताँव्खे जीऊँदा तअ बुली ऐ, परह् तू असो ऐ मँरा अँदा।

प्रकाशितवाक्य 3:15

“हाँव तेरे काँम-काज़ जाँणू ऐ, के तू ना तअ शैल़ा अरह् ना ताता: भलो होंदो के तू ताता के शैल़ा हंईदा।

प्रकाशितवाक्य 3:8

हाँव तेरे काँम-काज़ जाँणू ऐ; देख, मुँऐ तेरे सहाँम्णें ऐक दुवार खुली थो, जेथू कुँऐं डाकी ने सक्दा; तेरी शक्त्ति दाँणिक तअ असो ऐ, तबे भे तुँऐं मेरे बचन का पाल़्ण करी थुवा, अरह् मेरे नाँव शा तू भाजी ने रंही।