प्रकाशितवाक्य 2:13 - Sirmouri

¹³ हाँव ऐजो जाँणू ऐ, के तू तेथै रंऐ, जेथै शैतान को सिंगाँस्ण असो; तू मेरे नाँव गाशी पाका अट्ल़ रूऐ, अरह् मुँह गाशी बिश्वाष कर्णो शा तिनू देसो दा भे पाछू ने फिरे, जिनू मुँझी मेरा बिश्वाष ज़ूगा, भाऐ अन्तिपास जू तुवाँरे बीचो दा तेसी जागा दा मेरी खुषख्बरी शुँणाँणों के कारण माँरा गुवा जेथै शैतान आप्णों राज करह्।

सिरमौरी नौवाँ नियम

¹³ हांव जाणुए कै तू तैसी ठाँव दा रौए जिथै शैतान राज्य कौरौ। तू मुं कारिए बिशवाश लायक बौणेयौंदा रौआ, औरौ मुं पांदी बिशवाश कौरणा कौलोंई बंद ना कौरी। तुऐं तैसी सौमय बै बिशवाश कौरा जोबै तिनुऐ अन्तिपास खै तिथै मारै दिया जिथै शैतान राज्य कौरौ।

प्रकाशितवाक्य 2:13 ပူးပေါင်းရင်းမြစ်များ

मत्ती 10:23

जबे से तुँओं ऐकी नंगर दे सताले तअ ओकी नंगर खे भागी ज़ाऐ। हाँव तुँओं खे खास बात बुलू, के जबे तुँऐं इस्राएल के बादे नंगर दे रिटी-फिरी ज़ाले, ताँव-तोड़ी आदमी का बैटा भे आऐ ज़ाला।”

मत्ती 24:9

तबे से दु:ख-कल़ेष देणों खे तुँओं थंहम्बड़ालें, अरह् तुँओं माँरी देले, मेरे नाँव के कारण सब बादी गऐर यहूदी के लोग तुँओं आरी बईर कर्लें।

मत्ती 4:10

तबे प्रभू यीशू ऐ जबाब दिता, “ओ शैतान, ईथै शा दुरका ज़ा! किन्देंखे के पबित्र-ग्रन्थों दो लिखी थो: ‘तू प्रभू आप्णें पंणमिश्वर खे नंमष्कार करह्, अरह् सिर्फ तिनकी ही सेवा करह्।’”

लूका 21:17

अरह् मेरे चैले हंणों के कारण बादे लोग तुओं आरी बंईर कर्ले।

प्रेरितो कै काम 22:20

अरह् जबे ईनू लोगे ऐ, तुवाँरे गुवाह्-शाज़्त्त स्तिफनुस को लह्ऊँ बुवाऐ लों थियो; तअ हाँव भे तेथै खह्ल़िया अंदा थिया, अरह् जिनू लोगे ऐं तेसी माँरी लुवा थिया; हाँव तिनकी खट्णों का जंगवाल़ा थिया।’

प्रेरितो कै काम 9:14

ऐसी आदमी खे मुँख्या-याजकों कैई शा भे ऐजा हंक-अधिकार भेटी रूवा; के ऐ ईथै तिनू सोभी बाँनी सको, जुण्जे तुवाँरे नाँव के दुवाई देऐया करह्।”

1 थिस्सलुनीकियों 5:21

बादी बातो पर्खो-अजमाँव; जू आच्छ़ी असो, तिनू पाकड़ी अंदी थुऐ।

1 तीमुथियुस 5:8

परह् जे कुँऐं आप्णे लोगों का अरह् खास-करियों आप्णें घराने का फिकर ने करह्, तअ तेने बिश्वाष करणाँ छ़ुड़ी दिता, अरह् से बैबिश्वाषी शा भे बुरा बंणी गुवा।

2 तीमुथियुस 1:13

जुण्जी आच्छ़ी बातो तुँऐं मुँह कैई शी शुँणी थई, तिनू तेसी बिश्वाष अरह् प्यार आरी, जू मसीया यीशू दा असो; तिनू आप्णीं ताँईऐ ऐक नंमुँने के तोर दे च़ींत्ते थुऐ।

2 तीमुथियुस 2:12

जे आँमें दु:ख्ह सबैर माँरियों संह्दे भे रंऊँबे: तअ तिनकी गईलो आँमें राज भे जरूर कर्दे; जे आँमें तिनू छुड़ी देऊँबे, तअ से भे आँमों छुड़ी देंदे।

इब्रानियों 10:23

ऐबे आँमें बिना शंक-शुभे के आप्णाँ तेसी भूर्षे दे पाक्कै अट्ल़ रंह, जेसी आँमें धारण करी थुवा; किन्देंखे के जिन्ऐं बाय्दा करी थुवा, से बिश्वाष ज़ूगै असो।

इब्रानियों 3:6

परह् मसीया बैटे के रूप दा पंण्मिश्वर के कुँड़बे दा बिश्वाष ज़ूगा थिया; अरह् सेजा कुँड़बा आँमें असो, जे आँमें हिमम्त्त दे अरह् आप्णें बिश्वाष दे आखरी तोड़ी पाक्कै अरह् अट्ल़ रंह्।

याकूब 2:7

कियों सेजे ही तेसी नाँव की निदया कर्दे ने, जेसी नाँव शे तुँओं जाँणिऐं?

प्रकाशितवाक्य 1:5

अरह् यीशू मसीया की ढबे शी जू बिश्वाष ज़ूगे गुवाह्-शाज़्त्त अरह् मँरे अँदे मुँझ शे जीऊँदे हणों वाल़े मुँझ्शे जैठे अरह् धर्ती के राजाओं लोगो का हाकम असो, तुँओं खे कृपा, अरह् शाँण्त्ति, भेंट्दी रंह्। से आँमों आरी प्यार करह्, अरह् तिन्ऐं आप्णें लह्ऊँ के कारण आँमों पाप शे छुड़ाऐ थुऐ।

प्रकाशितवाक्य 11:3

हाँव आप्णे दो गुवाह्-शाज़्त्त खे ऐजा हंक-अधिकार देऊँबा, के टाट मेठियों ऐक हजार दो षौ षाठ देसो तोड़ी बरंम्बाँणीं करह्।”

प्रकाशितवाक्य 12:11

से छ़ैल़्टे के लह्ऊँ, के कारण अरह् आप्णीं गुवाऐ-शाज़्त्त के बचन के कारण तिन्ऐं शैतान गाशी जींत्त पाऐ; किन्देंखे के तिन्ऐ आप्णें जीवन को प्यार छ़ुड़यों मंऊँत्ती का सू-स्वागत्त करा।

प्रकाशितवाक्य 13:2

जुण्जो बुँणेंर मुँऐ देखो, से चींत्ते जेष्णों थियों; अरह् तैथू के लात्त रीछ़ौ के जिऐ थिऐ, अरह् मुँह शेरो को जियो थियो। तेने पाँखों वाल़े अजंगर ऐ आप्णी शँक्त्ति अरह् आप्णों सिंगाँस्ण अरह् बड़ा हंक-अधिकार तेथ्खे देऐ दिता।

प्रकाशितवाक्य 14:12

ईन्देंखे ऐजो जरूरी असो, के पबित्र लोगो का धीरज ईन्दी ही असो, के जुण्जे पंण्मिश्वर की आत्त्मा की अज्ञाँ माँनों अरह् प्रभू यीशू गाशी बिश्वाष थंह्।

प्रकाशितवाक्य 17:14

से छैल़्टे आरी लड़्दे, परह् छैल़्टा तिन शा जींत्ती ज़ाँदा, किन्देंखे के से प्रभूओं का प्रभू, अरह् राजाओं का राजा असो, अरह् जू बईदे अंदे, अरह् चूणें-छाँटे अंदे अरह् बिश्वाषी असो, से तेस्की गईलो असो; से भे राज्य पाँदें।”

प्रकाशितवाक्य 17:6

मुँऐ देखो, के सेजी तिरंऐं पबित्र लोगो अरह् मसीया प्रभू यीशू के लह्ऊँ के गुवाह्-शाज़्त्त को लह्ऊँ पीणों लई माँचीं अंदी देखी; तियों देखियों मेरे तोरबाँणच़ूटें।

प्रकाशितवाक्य 2:2

“हाँव तेरे काँम-काज़, अरह् तेरी मेंह्नत, अरह् तेरे धीरज जाँणू ऐ; अरह् ऐजो भे के तू बूरे लोग संह्ऐन ने करी सक्दा, अरह् जुण्जे आपु-आप्खे प्रभू यीशू के खास-चैला बुलो, सेजे प्रभू यीशू के खास-चैले ने आथी, तिनू तुँऐं जाँचि-पर्खियों देखे के से झुठे लोग असो।

प्रकाशितवाक्य 3:11

हाँव शीघा ही आँणों वाल़ा असो; जू किऐ ताँव कैई असो, तैथू थाँम्बड़ों अंदो थुऐं, जू कुँऐं तेरो मुँकुट-ताज ताँव कैई शो आगू ने द्ढ़ो।

प्रकाशितवाक्य 3:3

ईन्देंखे चींत्ते करह् के तुँओं केष्णी शिक्क्षा भेटी, अरह् केष्णों तुँऐं शुँणों, अरह् तियों शिक्क्षा दा पाक्का अट्ल़ बँणा अँदा रंह्, अरह् आप्णा मंन बदल़। अरह् जे तू ऐबे भे शुझ़ी दा ने आया, तअ हाँव चोर जेष्णाँ आँऊबा, जू ताँव कैई पता ही ने लागो, के हाँव कोसी बख्ते ताँव गाशी पड़ूबा।