प्रकाशितवाक्य 19:10 - Sirmouri

¹⁰ ईन्देंखे हाँव स्वर्गदूत्त खे नंमष्कार कर्णो खे लाँम्बा पसरियों तिनके लातो गाशी पड़ा। तिन्ऐ मुँखे बुलो, “देख, ऐष्णों ने करे, हाँव तेरा अरह् तेरे भाईयों का संगी दास असो, जू प्रभू यीशू की गुवाऐ-शाज़्त्त देंदा संईसारी दा आऐ रूवा। पंण्मिश्वर ही के लातो गाशी पसरियों नमंष्कार करह्;” किन्देंखे के प्रभू यीशू के गुवाऐ-शाज़्त्त ही ऋषियों के आत्त्मा असो।

सिरमौरी नौवाँ नियम

¹⁰ जोबै मोऐं शुणु तौ हांव तैसी आदमी कै सामणै झौकै गौआ जैणै मुंआरी बातौ कौरे लोई थी, जिथुकै हांव तैसकी आराधना कौरणौवाल़ा थिया। तैणै मुंकैई बौल़ौ, “मैरी आराधना नी कौर। पौरमेशवर ही औसौ जैसकै ताखै आराधना कौरणै चैंई। जिथुकै हांव बै तैशैखैई पौरमेशवर का ऐक सेवक औसौ, जैशै तू औसौ औरौ तैशैखैई जैशै यीशु मसीह पांदी बिशवाश कौरणौवाल़ै तैरै बिशवाशी भाई औसौ, जू बिशवाश कौरौ कै यीशु तिनका प्रभु औसौ। ऐजी सौचाई जू यीशुए दिखाए राए थी, तिथु साबित कौरणौ कारिए पवित्र आत्मा लोगौ खै काबिल बाणौ।”

प्रकाशितवाक्य 19:10 ပူးပေါင်းရင်းမြစ်များ

मत्ती 4:10

तबे प्रभू यीशू ऐ जबाब दिता, “ओ शैतान, ईथै शा दुरका ज़ा! किन्देंखे के पबित्र-ग्रन्थों दो लिखी थो: ‘तू प्रभू आप्णें पंणमिश्वर खे नंमष्कार करह्, अरह् सिर्फ तिनकी ही सेवा करह्।’”

मरकुस 5:22

तअ तेथै के यहूदी लोगों के यहूदी-च़ौंतरे का मुख्या नंम्बरदार जेस्को नाँव याईर थियो, से आया, अरह् दे:खियों प्रभू यीशू के लातो गाशी पड़ा।

मरकुस 7:25

तिनके बारे दो शुंणियों ऐक तिरंऐ तिन कैई भेंट कर्दी आऐ, जिंयाँरी धीं-बैटी दी दुष्ट-आत्त्मा थी, से तिन्दे शी बैजाऐ दु:खी थी, अरह् से आँदे ही प्रभू यीशू मसीया की लातो गाशी पढ़ी।

लूका 1:19

स्वर्गदूत्त ऐ तेस्खे जबाब दिता, “हाँव जिब्राईल असो, हाँव हमेशा पंणमिश्वर के साम्णें खड़ा रंऊँ”, अरह् मुँह पंणमिश्वर ऐ ताँव कैई ऐजी खुषख्बरी का प्रचार शुणाँणों खे डियाल़ी थुवा।

लूका 24:44

तबे प्रभू यीशू ऐ चैले खे बुलो, “मुँऐं तुवाँरी गंईलो रंह्दे बख्त्ते तुओं खे का बुलो थियों; के जुण्जो किऐ ऋषी-मूसा खे भेंटे गुऐं अज्ञाँ-निय्म दो, अरह् ऋषियों के ग्रन्थों दो; अरह् भजन-संहिता दो मेरे बारे दो लिखी थो, सेजो बादो सब-कुछ़ पुरो हंणों जरूरी असो।”

यूहन्ना 5:39

“तुँऐं लोग पबित्र-ग्रन्थों दो ऐजो जुओं, के तिन्दा अमर जीवन बसा अंदा असो; सेजे बादे पबित्र-ग्रन्थ मेरे ही बारे दे गुवाऐ-शाज़्त्त दियों;

प्रेरितो कै काम 10:43

प्रभू यीशू के बारे दी, तिनू ऋषी लोगे भे गुवाऐ-शाज़्त्त दिती, के जुण्जे कुँऐं यीशू मसीया दा बिश्वाष करला, तेस्खे तिनके नाँव शी तेस्के बादे पाप खे माँफी भेट्ली।”

प्रेरितो कै काम 13:27

किन्देंखे के यरूशलेम के रंहणों वाल़े, अरह् तिनके हाकम लोगे ऐं प्रभू यीशू पंह्छ़ियाँणीं ने, अरह् तिन्ऐ तिनखे शुँल़ी-फ़ाँषी के सजा शुँणाँऐयों अणजाँण हंणों के कारण ऋषियों को सेजो बुल्णों पुरो कोरो; जुण्जो ऐक नाँम बिषाँव के देसे पढ़ो अरह् शुँणाँव ज़ाँव।

2 कुरिन्थियों 8:7

ईन्देंखे जैष्णें तुँऐं बादी बातो दे मतल्व बिश्वाष, बचन, ज्ञाँन, अरह् ओकी कोशिष दे, अरह् तेसी पियार दे जू आँमों आरी करह्, तैष्णें ही तुऐं मंद्दत कर्णो वाल़े दाँण देणों के काँम-काज़ दे भे बड़दें ज़ाव।

इफिसियों 5:15

ईदेखे सुओं करियों देखो, के तुँऐं केष्णी चाल-चालो, बैसम्झ के जैष्णें ने, परह् बुद्धी-माँन के सँमान चालो।

इफिसियों 5:33

परह् तुँओं मुँझ़ी भे ऐक नाँम आदमी आप्णी घरवाल़ी आरी, आपु जेष्णों प्यार करह्; अरह् घरवाल़ी भे आप्णे घरवाल़े का आदर-ईज्जत्त करह्।

फिलिप्पियों 3:3

किन्देंखे के खतना वाल़े तअ आँमें ही असो, जू पंण्मिश्वर की आत्त्मा के गुवाह्-शाज़्त्ति शी आरार्धना करह्, अरह् मसीया यीशू गाशी तारीफ करह्, अरह् आप्णी देह्-शरीर की बातो गाशी भूर्षा ने कर्दे।

1 थिस्सलुनीकियों 5:15

सकन्नै रूऐ! कुँऐं कोसी आरी बुराई के बद्ल़े बुराऐ ने करह्; परह् सदा भलाई की ताक दे रंह्, आपस मुझी अरह् बादे आरी भलाई की ही कोशिष करे।

इब्रानियों 1:14

कियों बादे स्वर्गदूत्त सेवा कर्णो खे च़ूणीं-छ़ाँटी अंदी आत्त्माँऐ आथी ने; के से तिनकी सेंवा करह् जिनखे छ़ुट्कारा भेंट्णों वाल़ा असो?

इब्रानियों 12:25

च़ौक्क्ष रंह्, अरह् तेसी बुल्णों वाल़े शो आप्णों मुँह ने फेरे, किन्देंखे के से लोग जबे धर्ती गाशी चिंताँव्णी देणों वाल़े शे मुँह फेरियों ने बंची सकी, तअ आँमें स्वर्ग गेछ़ै चिताँव्णी देणों वाल़े शे मुँह फेरियों किऐ-किऐ बंच्दे?

1 यूहन्ना 5:10

जुण्जा कुँऐं पंण्मिश्वर के बैटे गाशी बिश्वाष करह्, तैस्दी ऐजी गुवाऐ-शाज़्त तैस्के सासो भीत्री चुप्पी हों, अरह् जैस्का बिश्वाष पंण्मिश्वर दा ने आथी, तेने तिनू झूठे बंणाँऐं दिते, किन्देंखे के तेने पंण्मिश्वर के सेजी गुवाऐ-शाज़्त जुण्जी तिन्ऐं आप्णें बैटे के बारे दी दिती थी, तियों गुवाऐ-शाज़्त गाशी तेने बिश्वाष ने करी।

1 यूहन्ना 5:21

हे प्यारे नहाँन्ड़िया, आपु आप्खे मुँर्तियों शे भचाऐयों थुऐ।

प्रकाशितवाक्य 1:1

यीशू मसीया का बखाँण, जुण्जा तिनखे पंण्मिश्वर की ढंबे शा भेंटा थिया, जिन्दे लंई से आप्णें सेंवक-दास खे नंजीक आणों वाल़ी घट्णाँ देखाँव; तिन्ऐं आप्णें स्वर्गदूत्त डेयाल़ियों ऐसी बखाँण का ज्ञाँन आप्णें सेवक संत्त यहून्ना कैई शा कराया;

प्रकाशितवाक्य 1:9

हाँव यूहन्ना, जू तुवाँरा भाऐ अरह् प्रभू यीशू के कल़ेष अरह् राज्य अरह् धीरज दा तुवाँरा साजी असो, पंण्मिश्वर के बचन अरह् प्रभू यीशू की गुवाऐ-शाज़्त्त के कारण हाँव पतमुस नाँव के टापू दा थिया।

प्रकाशितवाक्य 12:11

से छ़ैल़्टे के लह्ऊँ, के कारण अरह् आप्णीं गुवाऐ-शाज़्त्त के बचन के कारण तिन्ऐं शैतान गाशी जींत्त पाऐ; किन्देंखे के तिन्ऐ आप्णें जीवन को प्यार छ़ुड़यों मंऊँत्ती का सू-स्वागत्त करा।

प्रकाशितवाक्य 12:17

तबे सेजा पाँखों वाल़ा बड़ा अजंगर तियों तिरंई खे घीपा, अरह् तियाँरी ओकी अलादी शो, ज़ूद्ध करदा नींक्ल़ा, मंतल्व तिनू लोगों आरी जुण्जे पंण्मिश्वर के अज्ञाँओं का पाल़्ण करह्, अरह् प्रभू यीशू के बारे दी देई गंई गुवाई-शाज़्त्त दे पाक्कै-अट्ल़ रंह्।

प्रकाशितवाक्य 14:7

तेने स्वर्गदूत्ते धाव देऐयों बुलो, “पंण्मिश्वर शे डरोह्, अरह् तिनकी बड़ियाऐ आरार्धना करह् किन्देंखे के तिनके नियाँव कर्णो का बख्त आऐ पईचा, अरह् तिनका भजन करह्, जिन्ऐं स्वर्ग अरह् धर्ती अरह् समुँन्द्र अरह् जल-पाँणी के फट्वाणी बंणाऐं थुऐ।”

प्रकाशितवाक्य 15:4

“हे प्रभू, कुँण असो: जेस्दी तुँओं खे श्रदा ने हों, कुँण असो, तुँवाँरी बड़ियाऐ ने करह्? सिर्फ तुँऐं ही पबित्र असो, बादी संईसारी की जात्ती आऐयों तुवाँरे नाँव शे आप्णें घून्डु नाऐयों प्रणाँम कर्ले; किन्देंखे के तुवाँरे नियाँव के काँम-काज़ पर्गट हऐ रंई।”

प्रकाशितवाक्य 19:9

तबे स्वर्गदूत्ते मुँखे बुलो, “ऐजो लिख: भागोईत असो! सेजे जुण्जें छ़ैल़्टे के जाज़्ड़े-विवाह के भोज दे खाँदें बय्दी थुऐं।” तबे तिन्ऐ मुँखे बुलो, “ऐजे बचन पंण्मिश्वर के साचे बचन असो।”

प्रकाशितवाक्य 4:10

सेजे च़ौबीष अगुऐ सिंगाँस्हणों गाशी बईठणों वाल़े के सहाँम्णें लाँम्बे पसरियों, आप्णें-आप्णें ताज-मुँकुट तिनखे स्मर्पित करियों तिनकी आरार्धना करह्।