प्रकाशितवाक्य 18:9 - Sirmouri

⁹ “धर्ती के राजा, जुण्जें तियों तिरंई की गईलो कू-कर्म बिचका-कांम अरह् भोग-बीलास करो थिऐ, तिनके जल़्णों का धुवाँ तुँऐं देख्ले, अरह् लोग तिनखे रूले, अरह् छात्ति-हिकुड़े पिटले।

सिरमौरी नौवाँ नियम

⁹ औरौ सारै धोरती कै राजा जिनुवै तिथ शहर कै साथै ऐशौ आराम कौरा, जोबै सै शहर कै जोल़दै बैई उठणौ वाल़ै धुऐं खै दैखलै, तौ सै तिथ कारिए रुंदै औरौ शोग मौनांदै।

प्रकाशितवाक्य 18:9 ပူးပေါင်းရင်းမြစ်များ

1 तीमुथियुस 5:11

परह् जुवाँन बिध्वा के नाँव ने लिखे, किन्देंखे के जबे से मसीया का बिरूध करियों भोग-बिलास दी पढ़ी ज़ाँव, तबे से हजो शाऊरे ज़ाँणों चहाँव;

प्रकाशितवाक्य 14:11

तिनकी बैद्णी-पीड़ो का धुवाँ ज़ूगौ-ज़ूगौ तोड़ी ऊठ्दा रंह्दा, अरह् जू तेथू बुणेंरो अरह् तेथ्की मुर्ती की पूजा करह्, अरह् जू तेथू के नाँव की छाप-मुँहर आपुदी लुवाँव, तिनू रात्ती देसो चऐनं ने भेटो।”

प्रकाशितवाक्य 17:2

जियाँरी गईलो धर्ती के राजा लोगे कू-कर्णी बिचका-काँम करी थुऐ; अरह् धर्ती दे रंहणों वाल़े लोगे तियारें कू-कर्णी बिचका-काँम अरह् सूरो लई माँच़ी रूऐ थिऐ।”

प्रकाशितवाक्य 18:18

अरह् तेस्के जल़्णों का धुवा देख्दे धोवाऐंयों बुल्दे, ‘कुँणजो नंगर ऐसी बड़े नंगर जेष्णों असो?’

प्रकाशितवाक्य 18:20

आँन्दित्त हों: ‘हे स्वर्गो! आँन्दित्त हों, हे पबित्र लोगो! खास-चैले अरह् ऋषियों! किन्देंखे के पंण्मिश्वर ऐ तिन्खे तुँवाँरी गईलो, करे गुऐं बुरे बरताव कर्णो खे सजा देऐ थंऐ।’”

प्रकाशितवाक्य 18:3

किन्देंखे के सोभी जात्ती-जात्ती के लोगे ऐ तियाँरे कू-कर्णी बिच्के-काम के डराव्णी सूर पी थंऐ, धर्ती के राजाओं ऐ तियाँरी गईलो कू-कर्म बिच़्के-काम करी थुऐ, अरह् बादी संईसारी धर्ती के बईपारी लोग तियाँरे भोग-बिलास के धंन शे धंनवाँन-सैठ बंणी गुवे।”

प्रकाशितवाक्य 18:7

तिन्ऐं जेतोड़ी आप्णी, बड़ियाऐं करी, अरह् तिन्ऐं जे-तोड़ा भोग-बिलास करा, तुँऐं भे तिनखे तेत्री ही परेशाँनी अरह् बैद्णीं दियों; किन्देंखे के से मंन ही मंन बुलो, के हाँव तअ राँणी जेष्णी बंईठी रंऐ, हाँव बिध्वा ने आथी; हाँव कद्दी भे दु:ख बीलाप, अरह् शोक दे ने पड़दी।

प्रकाशितवाक्य 19:3

तबे दुज़ाल़िऐं, तिन्ऐ बुलो: “हाल्लेलूय्याह! तेस्के जल़्णों का धुंवाँ ज़ूगौ-ज़ूगौ तोड़ी ऊठ्दा रंह्दा।”

प्रकाशितवाक्य 2:22

देख, मुँऐं तियों तिरंऐ रोगी दु:खी बाँणियों फड़की दी जुड़ियों लाऐ; अरह् देख जुण्जे लोग तियारी गईलो कू-कर्म बिचका-काँम करह्, तिनू भे जे से तियों तिरंई के काँम-काज़ शा आप्णा मंन ने बद्ल़ो, तअ हाँव तिनू भे बड़े दु:ख्ह-कल़ेष दे पाऐ देंऊँबा।