प्रकाशितवाक्य 18:3 - Sirmouri

³ किन्देंखे के सोभी जात्ती-जात्ती के लोगे ऐ तियाँरे कू-कर्णी बिच्के-काम के डराव्णी सूर पी थंऐ, धर्ती के राजाओं ऐ तियाँरी गईलो कू-कर्म बिच़्के-काम करी थुऐ, अरह् बादी संईसारी धर्ती के बईपारी लोग तियाँरे भोग-बिलास के धंन शे धंनवाँन-सैठ बंणी गुवे।”

सिरमौरी नौवाँ नियम

³ ऐजौ इथ बौजैह शै हौंदौ जिथुकै तियैं बैटमाणिशै जू कै बाबेल शहर औसौ, हरेक राज्य कै सौबै लोगौ खै सैजै सूर पिलाए जू कै तैसकै मूर्ति कै पूजा औसौ। सारै धोरती कै राजा तैसकै गौंदै कामौ दै शामिल हुवे। धोरती कै व्यापारी तियौं बैटमाणिशौ कै मौंगै-मौंगै चीज़ौ कै इछा कै बौजैह शै सैठ बौणै गौवै।

प्रकाशितवाक्य 18:3 ပူးပေါင်းရင်းမြစ်များ

लूका 7:25

तअ तबे का दे:ख्दे हुटे? कियों आछे नंरम बड़िया खोटुणो बाँम्बे अंदें आदमी दे:ख्दे हुटे? ‘ना’! मोह्गै भड़किले खोट्णों बाँम्णों वाल़े अरह् भोग-बिलास दा जीवन बिताणों वाल़े लोग महलो दे रंह्।

1 तीमुथियुस 5:11

परह् जुवाँन बिध्वा के नाँव ने लिखे, किन्देंखे के जबे से मसीया का बिरूध करियों भोग-बिलास दी पढ़ी ज़ाँव, तबे से हजो शाऊरे ज़ाँणों चहाँव;

प्रकाशितवाक्य 14:8

आगले स्वर्गोदूत्त पाछी ओका दुज़ा स्वर्गदूत्त ऐजो बुल्दे आया, “छ़त्तियानाँष हऐ गुवो! बड़े बेबीलोन को छ़त्तियानाँष हुवों! बेबीलोन ऐ जेने बादे देश-राज्य आप्णें कू-कर्म की सूर नाँषे कराऐयों अरह् पियाऐयों सोभी मंचोऐ दिते थिऐ।”

प्रकाशितवाक्य 17:2

जियाँरी गईलो धर्ती के राजा लोगे कू-कर्णी बिचका-काँम करी थुऐ; अरह् धर्ती दे रंहणों वाल़े लोगे तियारें कू-कर्णी बिचका-काँम अरह् सूरो लई माँच़ी रूऐ थिऐ।”

प्रकाशितवाक्य 18:19

अरह् आप्णे-आप्णे मुँढों गाशी माँटा पोंण्ले, अरह् रूदे अरह् काम्लिदें लेरह् मारी मारियों बुल्दें: ‘हाय! हाय! ऐजो बड़ो नंगर जिन्दें की घरोऊँची के जाँणें सँमुन्द्रों के बादे जहाजो वाल़े सैठ बंणी गुऐ थिऐ, से ऐगड़ी खे ही ऊजड़ी गुवो।’

प्रकाशितवाक्य 18:23

ऐबे शुभा तुँओं मुँझ्शा ऐक भे दिवा ने जगमंगाँ दी; ऐबे शुभा तुँओं मुँझी दुल्हे अरह् दुल्हनं के जाज्ड़े की रंणंक ने शुँणाँई पड़ो, तुवाँरे बंईपारी संईसारी धर्ती के कामंयाब बईपारी थिऐ, तुवाँरे जादू-टूँणें ऐ सोभी जात्ती-जात्ती के अरह् देश-देश के लोग भरमाँव थिऐ।

प्रकाशितवाक्य 18:7

तिन्ऐं जेतोड़ी आप्णी, बड़ियाऐं करी, अरह् तिन्ऐं जे-तोड़ा भोग-बिलास करा, तुँऐं भे तिनखे तेत्री ही परेशाँनी अरह् बैद्णीं दियों; किन्देंखे के से मंन ही मंन बुलो, के हाँव तअ राँणी जेष्णी बंईठी रंऐ, हाँव बिध्वा ने आथी; हाँव कद्दी भे दु:ख बीलाप, अरह् शोक दे ने पड़दी।

प्रकाशितवाक्य 18:9

“धर्ती के राजा, जुण्जें तियों तिरंई की गईलो कू-कर्म बिचका-कांम अरह् भोग-बीलास करो थिऐ, तिनके जल़्णों का धुवाँ तुँऐं देख्ले, अरह् लोग तिनखे रूले, अरह् छात्ति-हिकुड़े पिटले।