प्रकाशितवाक्य 17:5 - Sirmouri

⁵ तियाँरे माँथे गाशी ऐजो नाव लिखी थो थियों: “भेद्; बड़ा बेबीलोन धर्ती की बैष्याँवों अरह् शंगाऊँणी चींजो के माँता, अरह् शंगाऊणीं चीजों के जननी थी।”

सिरमौरी नौवाँ नियम

⁵ तियैं माथै पांदी, ऐक नांव लिखु जिथका ऐक छिपैयौंदा मतलब औसौ। ऐजौ ऐशैखै थियु, “हांव बौड़ै शहर बाबेल औसौ। हांव सारै वेश्याओं कै माँ औसौ औरौ सैजी औसौ जू दुनिया कै सौबै गौंदै कामौ कै माँ औसौ।”

प्रकाशितवाक्य 17:5 ပူးပေါင်းရင်းမြစ်များ

फिलिप्पियों 3:19

तिनको ऊगल़ी ज़ाँदो, तिनका पंण्मिश्वर सिर्फ पेट असो, से आप्णी बै-शर्मी की बातो दे शियाँगियों ऐ; अरह् धर्ती की बादी चीज़ो दा आप्णा मंन लाँव।

2 थिस्सलुनीकियों 2:7

किन्देंखे के अधर्म का भैंद् हेभी भे काँम-काज़ करदा रंह्, परह् हेभी ऐक रूकणों वाल़ा असो; अरह् जाँव तोड़ी से दुरका ने हंऐ ज़ाँव, ताँव तोड़ी से रूकियों थंदा।

प्रकाशितवाक्य 1:20

ईनू सात्ते तारे, जुण्जे तुँऐं मेरे सुँऐं हाथो दे देखी लुऐ, अरह् सुन्नें के सात्त दिय्ट का गऐरा मतल्व भेद्: सेजा असो, के ऐजे सात्ते तारे सात्त कलीसिया खे डेयाल़े अंदे दूत्त असो, अरह् सेजे सात्त सुन्नें के दिय्ट सात्त कलीसिया असो।

प्रकाशितवाक्य 11:8

तिनके मित्त्के तेसी बह्ड़े नंगर के चौक दे पड़े अंदे रह्ले, जिन्देंखे आत्त्मिक रूप शे सदोम अरह् मिस्र बुलो ज़ाँव, जेथै तिनका प्रभू शुँल़ी-फ़ाँशी दे चढ़ाऐ गुवे।

प्रकाशितवाक्य 14:8

आगले स्वर्गोदूत्त पाछी ओका दुज़ा स्वर्गदूत्त ऐजो बुल्दे आया, “छ़त्तियानाँष हऐ गुवो! बड़े बेबीलोन को छ़त्तियानाँष हुवों! बेबीलोन ऐ जेने बादे देश-राज्य आप्णें कू-कर्म की सूर नाँषे कराऐयों अरह् पियाऐयों सोभी मंचोऐ दिते थिऐ।”

प्रकाशितवाक्य 16:19

तेसी भूईच्ल़ो लई तेसी बड़े नंगर के च़ींन टूक्ड़े हुऐ, अरह् जात्ती-जात्ती के नंगर ढल़ी गुऐ; अरह् बड़े बेबीलोन को चींत्ते पंण्मिश्वर कैई कराऐ गुवो, के से आप्णें रोष की डाह्-जल़्ण की सूर तिन कैई शी पियाँव।

प्रकाशितवाक्य 17:1

तबे बैलुऐ लई सात्त स्वर्गदूत्तों मुँझ्शे ऐकी ऐ आऐयों मुँखे बुलो, “ईथे आओ, हाँव तुँओं कैई शी सेजी माँनी अंदी बड़ी बैष्या जियों खे सजा आगे ही तैयार असो सेजी तुँओं कैई शी देखाऊँबा, जुण्जी आगे ही बैजाऐ पाँणी गाशी बऐठी रंऐ

प्रकाशितवाक्य 17:2

जियाँरी गईलो धर्ती के राजा लोगे कू-कर्णी बिचका-काँम करी थुऐ; अरह् धर्ती दे रंहणों वाल़े लोगे तियारें कू-कर्णी बिचका-काँम अरह् सूरो लई माँच़ी रूऐ थिऐ।”

प्रकाशितवाक्य 17:7

तबे स्वर्गदूत्ते मुँखे बुलो, “तेरे तोरबाँण कैई च़ूटे? हाँव ईयो तिरंई अरह् तेथू बुँणेंर को, जिन्दे गाशी ऐ अशवार असो, अरह् जेथ्के सात्त मुँढों अरह् दष शींगो असो, ताँव कैई तिन्दें का भेद् बुलू।

प्रकाशितवाक्य 18:2

तेने जुराल़ों लेरंह् मारियों बुलो: “ढल़ी गुवो! ढल़ी गुवो! महाँन बेबिलोन ढल़ी गुवो, ऐबे सेजा दुष्ट-आत्त्मा का घरह् आडा, जुण्जा अशुद्ध आत्त्माँवों का ठीकाणाँ, अरह् ऐक नाँम अशुद्ध अरह् शंगाँऊणें पक्क्षी का बसेरा बणीं गुवा थिया।

प्रकाशितवाक्य 18:21

तबे ऐक तागतबर स्वर्गदूत्ते बड़ी चाक्की का पाट-पात्त्थर थागा, अरह् ऐजो बुलियों सँमुन्द्रों दा फेरकाऐ दिता: “बडा नगर बेबीलोन ऐष्णें ही बड़ी तागत्ती शा ढाल़ा ज़ाला, अरह् तबे हजो कद्दी भे तिन्दें का पता ने लागो।

प्रकाशितवाक्य 19:2

किन्देंखे के ठीक अरह् धर्मी असो। तिनके फंऐस्ले, किन्देंखे के सजा देऐ थंऐ, तिन्ऐं बड़ी बैष्या खे, जिऐं आप्णें कू-कर्म बिच़्के-काम शी बादी संईसारी धर्ती भ्रष्ट कर्दी रंऐ, अरह् तिन्ऐं तिनशो आप्णें दासों को लह्ऊँ का बद्ल़ा लुवा।”

प्रकाशितवाक्य 7:3

“जाँव तोड़ी आँमें आप्णें पंण्मिश्वर के दास के माँथै गाशी छाप ने लाऐ दियों, ताँव-तोड़ी धर्ती अरह् सँमुन्द्रों अरह् डाल़ो का नुंकसाँन-घाटा ने करे।”