प्रकाशितवाक्य 17:14 - Sirmouri

¹⁴ से छैल़्टे आरी लड़्दे, परह् छैल़्टा तिन शा जींत्ती ज़ाँदा, किन्देंखे के से प्रभूओं का प्रभू, अरह् राजाओं का राजा असो, अरह् जू बईदे अंदे, अरह् चूणें-छाँटे अंदे अरह् बिश्वाषी असो, से तेस्की गईलो असो; से भे राज्य पाँदें।”

सिरमौरी नौवाँ नियम

¹⁴ सैजै मेम्ने कै खिलाफ लौड़ाए कौरदै, पौरौ मेम्‍ना तिनु हराए दैंदा, जिथुकै सै प्रभुओं का प्रभु औरौ राजाओं का राजा औसौ। मेम्ना आपणै बुएदैहौंदै, चोणेयौंदे औरौ बिशवाश लायक चैलै कै साथै तिनु पांदी जीतै जांदा।

प्रकाशितवाक्य 17:14 ပူးပေါင်းရင်းမြစ်များ

मत्ती 22:14

किन्देखे के बईदे अंदे तअ भहीते असो, परह् च़ूणें-छ़ाँटे अंदे थुह्ड़े असो।”

मत्ती 25:40

राजा तिन्खे जबाब देला; ‘हाँव तुओं खे खास बात बुलू, के जुण्जो किऐ तुँऐं आप्णें भाई, बंऐणी, खे जुण्जे मेरे ईनू छोटे शे छोटे खे किऐ करो; तुऐं सेजो ईनखे ने परह् मुँखे करी थुओं।’

मत्ती 28:18

प्रभू यीशू ऐ तिन कैई आऐयों बुलो, “स्वर्गो अरह् धर्ती का बादा हंक-अधिकार मुँखे दिया गुवा।

यूहन्ना 15:16

तुँऐं मुँह ने चूणीं-छ़ाँटी थंई, परह् मुँऐं तुँओं चूणी-छाँटी थुऐ; अरह् तुँओं पाक्कै ठाली थुऐ, के तुँऐं संईसारी दे ज़ाऐयों फल़ आँणों; अरह् तुवाँरा फ़ल़ ऐशा हुवा चैई, जुण्जा पाक्का बंणाँ अंदा रंह्; जिन्दें लंई तुऐं मेरे नाँव शो जुण्जो किऐ माँगों, सेजो बाबा तुओं खे देऐ दियों।”

रोमियों 1:6

जिनू मुझ्शे तुँऐं भे यीशू मसीया के बण्णों खे बईदे गुऐ।

रोमियों 8:30

तबे जिनू आगे ही बंणाऐं थुऐ, तिनू बय्दी भे थुऐ; अरह् जिनू बय्दी थुऐ, तिनू आप्णी नंजरी दे बेकसूर भे बंणाऐं, अरह् जिनू आप्णी नंजरी दे बै-कसूर बंणाऐं तिनखे बड़ियाऐं भे दिती।

रोमियों 8:37

परह् ईनू बादी बातो दे आँमें तेसके जाँणें जिन्ऐं आँमों शो पियाँर करी थो; जिनके जाँणें आँमें ऐक शुभाल़ी-जींत्त दे जीत्त्दें लागे।

1 कुरिन्थियों 15:24

तबे अंन्त्त हंदा। तेसी बख्ते सेजे बादे हाक्म, अधिकार, अरह् शक्त्ति का अंन्त्त करियों राज परमं-पिता पंणमिश्वर के हाथो दा देऐ देंदे।

1 तीमुथियुस 6:15

जैथू से ठीक बख्तो गाशी देखाँदा, जू परम-धन्य अरह् सिर्फ ऐक महाँराज अरह् राजाओं का राजा! अरह् प्रभू का प्रभू! असो;

2 तीमुथियुस 2:4

जबे कुँऐं ज़ूद्धा लड़ाई करदा ज़ाँव, तअ से ऐशी कोशिष करह्; के आप्णें भर्त्ती कर्णो वाल़ा हाकम खुशी करी सको; ईन्देंखे से आपु आप्खे संईसारी के काँम-धाँन्धै दा ने फंशाँदा।

1 पतरस 2:9

परह् तुँऐं ऐक चुणा-छाटा अंदा बंष अरह् राज-पाट लुऐं अंदे याजकों का समाज, अरह् पबित्र लोग, अरह् (पंणमिश्वर) की प्रभू यीशू के आप्णी परजा असो, ईन्देंखे के जिन्ऐं तुँओं ईनाँरे मुझ्शे आप्णी चंम्तकारी प्रकाष दे बय्दी थुऐ, तिनके गुण पर्गट करह्।

प्रकाशितवाक्य 1:5

अरह् यीशू मसीया की ढबे शी जू बिश्वाष ज़ूगे गुवाह्-शाज़्त्त अरह् मँरे अँदे मुँझ शे जीऊँदे हणों वाल़े मुँझ्शे जैठे अरह् धर्ती के राजाओं लोगो का हाकम असो, तुँओं खे कृपा, अरह् शाँण्त्ति, भेंट्दी रंह्। से आँमों आरी प्यार करह्, अरह् तिन्ऐं आप्णें लह्ऊँ के कारण आँमों पाप शे छुड़ाऐ थुऐ।

प्रकाशितवाक्य 11:7

जबे से आप्णी गुवाऐ-शाज़्त्त देऐ पाले, तअ सेजो जाँगल़ो को बुँणेंर जू अथाह् कुँड मुँझ्शो निक्ल़ी रूवो थियों, तिनशो से लड़ियों जींत्ती ज़ाँदो, अरह् से तिनू माँरी देन्दों।

प्रकाशितवाक्य 16:14

से ऐजी दुष्ट-आत्त्मा असो, जुण्जी चींन-नीशाँणी देखाँदें संईसारी धर्त्ती के बादे राज्य खे सर्ब-शक्त्तिमाँन पंण्मिश्वर के तेसी नियाँव के देसो खे लड़ाई-ज़ूद्ध कर्णो खे कठे करह्।

प्रकाशितवाक्य 2:10

जुण्जे दु:ख्ह ताँव झेल़्णें पड़ले, तिन्दा डरे ने। किन्देंखे के देखो, शैतान तुँओं मुँझ शे किऐ कय्दखाने दे पाँणें चहाँव जू तुँओं जाँच्चें-पर्खे ज़ाँव; अरह् तुँओं दष देसो तोड़ी कल़ेष भोग्णाँ पड़ो। पराँण देणों तोड़ी बिश्वाषी रंह्, तअ हाँव ताँव्खे जीवन को मुँकुट-ताज देऊँबा।

प्रकाशितवाक्य 2:13

हाँव ऐजो जाँणू ऐ, के तू तेथै रंऐ, जेथै शैतान को सिंगाँस्ण असो; तू मेरे नाँव गाशी पाका अट्ल़ रूऐ, अरह् मुँह गाशी बिश्वाष कर्णो शा तिनू देसो दा भे पाछू ने फिरे, जिनू मुँझी मेरा बिश्वाष ज़ूगा, भाऐ अन्तिपास जू तुवाँरे बीचो दा तेसी जागा दा मेरी खुषख्बरी शुँणाँणों के कारण माँरा गुवा जेथै शैतान आप्णों राज करह्।

प्रकाशितवाक्य 3:21

जू जींत्ती ज़ाव, हाँव तेसी आप्णी गईलो सिंगाँस्हणों गाशी बईठाल़ूबा, जेष्णाँ हाँव भे जींतियों आप्णे बाबा की गईलो सिंगाँस्हणों गाशी बऐठी गुवा।