प्रकाशितवाक्य 16:9 - Sirmouri

⁹ ईन्देंखे आदमी तियों बैजाऐ गर्मी शे ऊबल़ियों जल़ी गुऐ, अरह् से पंण्मिश्वर के नाँव शी तिनू बादी बिब्त्ती-ओब्ल़ी गाशी हंक-अधिकार असो, से श्राप देदें लागे, से पसतावा करियों पंण्मिश्वर की बड़ियाऐ कर्णो खे भाजी गुवे।

सिरमौरी नौवाँ नियम

⁹ लोग इयौं तैज गर्मी शै जौल़ै गौवै, औरौ तिनुऐ पौरमेशवर खै नेंदैया कौरे, जिथुकै सैजाई थिया जैसकैंई तिनु समस्या पांदी औधिकार थिया। तिनुऐ ऐबै बै आपणै पापौ शै पश्‍चाताप ना कौरी, तिनुऐ ऐबै बै पौरमेशवर कै महानता खै ना मानी।

प्रकाशितवाक्य 16:9 ပူးပေါင်းရင်းမြစ်များ

लूका 13:3

हाँव तुँओं खे ऐशो बुलू, के ऐष्णों ने आथी; परह् जे तुँऐं आप्णा मंन ने बद्ल़ो, तअ तुवाँरो भे ऐष्णों ही छ:त्तिया नाँष होंदो।

लूका 13:5

हाँव तुँओं खे बुलू, के ऐष्णों ने आथी: परह् जे तुँऐं मंन ने बद्ल़ो तअ तुवाँरो भे सोभी को ऐष्णों ही छ:त्तिया नाँष हंदो।”

2 कुरिन्थियों 12:21

कद्दी ऐशो ने हऐयों, के जबे हाँव पाछ़ू तुओं कैई आँऊ; तअ मेरा पंण्मिश्वर मुँह हजो तुवाँरे सहाम्णें शर्मिन्दा करह्; अरह् मुँह बैजाऐ लोगो खे शोक मनाणाँ पड़ो; जिन्ऐं आगे पाप करा; अरह् आप्णीं गंन्दगी, चूरी-जारी, अरह् लुचपंण करियों आप्णा मंन बद्ल़ियों पसतावा ने करी।

प्रकाशितवाक्य 11:13

तबे तेख्णी तियों ही घड़ी ऐक बड़ो भूईच्ल़ लागो, अरह् नंगर का दषंवाँ हिस्सा ढल़ी गुवा; अरह् तेसी भूईच्ल़ों लई, सात्त हजार आदमी मँरी गुऐ, अरह् ऊके डरी गुऐ, अरह् स्वर्गो के पंण्मिश्वर की बड़ियाऐं करी।

प्रकाशितवाक्य 14:7

तेने स्वर्गदूत्ते धाव देऐयों बुलो, “पंण्मिश्वर शे डरोह्, अरह् तिनकी बड़ियाऐ आरार्धना करह् किन्देंखे के तिनके नियाँव कर्णो का बख्त आऐ पईचा, अरह् तिनका भजन करह्, जिन्ऐं स्वर्ग अरह् धर्ती अरह् समुँन्द्र अरह् जल-पाँणी के फट्वाणी बंणाऐं थुऐ।”

प्रकाशितवाक्य 16:21

अस्माँनों शे आदमी गाशी मंण-मंण भरी के शोरू पढे़, अरह् ईन्देंखे के ऐजी बिब्ती-अब्ल़ी बैजाऐ भारी थी, अरह् लोगे बिब्त्ती-अब्ल़ी के जाँणें पंण्मिश्वर की चूगली करी।

प्रकाशितवाक्य 2:21

मुँऐ तियों खे मंन बद्ल़्णों खे मुक्का दिता, परह् से आप्णे कू-कर्म बिचका-काँम शा मंन बद्ल़्णा ने चहाँव थी।

प्रकाशितवाक्य 9:20

ओके आदमी जू तियों मूँरी लई ने मँरी थी, तिन्ऐ आप्णी हाथों के करे अंदे काँम-काज़ शा आप्णा मंन ने बद्ल़ी, के दुष्ट-आत्त्मा की, हजो सुन्नें अरह् चाँदी अरह् पीतल अरह् पात्त्थर अरह् काठ की मुर्त्तियों की पूजा ने करह्, जू ना देख्दी, अरह् ना शुँण्दी, अरह् ना से आगु हाँड्दी;