प्रकाशितवाक्य 16:2 - Sirmouri

² ईन्देंखे आगले स्वर्गदूत्त ऐ ज़ाऐयों आप्णा बैलुवा धर्ती गाशी पेरी दिता। जिन्दें का नंतिजा ऐजा हुवा, तिनू आदमी ऐ, जिनू गाशी तेथू खराब-खाऊरे बुँणेंरो की छाप-मुँहर थी, अरह् जुण्जे तेथू खाऊरे बुँणेंरो की मुर्ती के पूजा करह् थिऐ, तिन्दे फोड़े-दु:ख्णें फाटे।

सिरमौरी नौवाँ नियम

² इथकारिए आगलै स्‍वर्गदूतै जू तैसकै डौंगै दो थियु सैजौ धोरती पांदी रिताए दियु। तोबै तिनु लोगौ खै जिनुपांदी राकस कै छाप थै या जिनुवै तैसकै मूर्ति कै पूजा कौरे राए थै, तिनु लोगौ पांदी दर्दनाक औरौ खतरनाक फोड़े निकल़ै।

प्रकाशितवाक्य 16:2 ပူးပေါင်းရင်းမြစ်များ

प्रेरितो कै काम 12:23

तेसी ही बख्त्ते तेख्णीं प्रभू के ऐक दूत्त ऐं तेसी राजा हेरोदेस दी किन्दी की ऐक-दंम शाह्ट लाऐ; किन्देंखे के तेने पंण्मिश्वर के बड़ियाऐ ने करी थी, अरह् तेख्णीं तेसी ही बख्त्ते राजा हेरोदेस दे कीड़ै पड़े, अरह् से तेख्णीं मँरी गुवा।

प्रकाशितवाक्य 13:12

से भे तेथू आगले बुँणेंर के हंक-अधिकार जेष्णाँ काँम-काज़ करो थियों; अरह् धर्ती अरह् ईन्दें रंहणों वाल़े लोगो कैई शी तेथू आगले बुणेंरो की जेऐ जेथ्का बड़ा घाव आछा हुवा थिया पूजा कराँव थियो।

प्रकाशितवाक्य 14:16

तबे: तिन्ऐं जुण्जे बादल़ों गाशी बंईठें अंदे थिऐ, तिन्ऐ संईसारी धर्ती गाशी आप्णों कत्तिऐटू लाओं, अरह् धर्ती की लूणाँऐं करी।

प्रकाशितवाक्य 14:9

तबे ईन्दें पाछ़ी ऐक हजो, च़ीज़ा, स्वर्गदूत्त बैजाऐ जुराल़ो, बुल्दे आया, के “जू कुँऐं तेथू बुणेंरो अरह् ऐथू की मुर्तीं की पूजा करह्, अरह् आप्णे माँथे के आप्णें हाथो गाशी ऐथ्की छाप-मुँहर लुवाला,

प्रकाशितवाक्य 16:1

तबे मुँऐ देऊँठी मुँझ्शी ऐक जुराल़ी धाव तिनू सात्त स्वर्गदूत्तों का स्वागत्त् कर्दे शुणाँई दिता: ज़ाओ! पंण्मिश्वर के रोष के सात्ते बैलुऐ धर्ती गाशी पेरी दियों।

प्रकाशितवाक्य 16:11

बैद्णी-पीड़ो अरह् दोख्णें के कारण से स्वर्गो के पंण्मिश्वर खे श्राप देंदे लागे, से आप्णें कू-कर्णी शा पसतावा कर्दे भाजी गुवे।

प्रकाशितवाक्य 8:7

आगले स्वर्गदूत्ते रंणशिंगें-कनाँल़ी फूकरी, अरह् लह्ऊँ वाल़े शोरू अरह् आग पय्दा हऐ, अरह् धर्ती गाशी पाऐ दिती, अरह् धर्ती का च़ीज़ा हिस्सा जल़ी गुवा, अरह् डाल़ भे च़ीज़ा हिस्सा जल़ी गुऐ, अरह् बादो होरो घास भे जल़ी गुवो।