प्रकाशितवाक्य 16:17 - Sirmouri

¹⁷ सात्तवें स्वर्गदूत्तें आप्णा बैलुवा बागुरी दा पेरी दिता, अरह् देऊँठी के सिंगाँस्ण शा ऐजा बड़ा गूँह्ज हुआ, “पुरो हुवो!”

सिरमौरी नौवाँ नियम

¹⁷ सातवें स्‍वर्गदूतै जू तैसकै डौंगै दो थियु सैजौ हावा दो रिताए दियु, औरौ मोऐं शुणु, तिथै सैजा थिया जू स्वर्ग कै मन्दिर कै भीतरै पौरैशा पौरमेशवर कै सिंहासन शै बौलाए रौआ थिया, “सौब ठुँ हौए गौ।”

प्रकाशितवाक्य 16:17 ပူးပေါင်းရင်းမြစ်များ

यूहन्ना 19:30

जबे प्रभू यीशू ऐ तेसी सिरका चाखा तअ बुलो, के “सब-कुछ पुरो हंऐ गो।” अरह् तिन्ऐं आप्णों मुँढ नाँऐयों आप्णें प्राँण छुह्ड़ी दित्ते।

इफिसियों 2:2

किन्देंखे के तुवारा चाल-चल्णँ आगे ऐसी ज़ूगौ के रित्ति-रूवाज के मुँताबिक, जू अस्माँनों दा हंक-अधिकार जमाँनों वाल़े, हाकमों के मुँताबिक थिऐ; जुण्जे तियों आत्त्मा के बंष दे थिऐ, जुण्जी आत्त्मा हेभी तोड़ी पंण्मिश्वर के बिरोधियों आरी काँम-काज़ करह्।

इफिसियों 6:12

किन्देंखे के अमाँरा ऐजा मल़-ज़ूध, आदमी आरी ने; परह् हाकमों शा, अरह् अधिकारियों शा, अरह् ईयों संईसारी की अंधेर कर्णो वाल़े, अरह् अस्माँनों की दुष्ट-आत्त्माँओं आरी असो;

प्रकाशितवाक्य 11:15

जबे सात्ते स्वर्गदूत्त ऐ रंणशिंगें-कनाँल़ी फूकरी, तबे स्वर्गो दी साँत्त-भाँत्ती गुड़ाको की गूँह्ज शुँणाँई पड़ी: “संईसारी को राज ऐबे अमाँरें प्रभू का अरह् तिनके मसीया को राज हऐ गुओ; से ही ऐबे ज़ूगौ-ज़ूगौ राज कर्ले।”

प्रकाशितवाक्य 11:19

तबे पंण्मिश्वर की जुण्जी देऊँठी स्वर्गो दे असो, सेजी खुली गऐ, अरह् तेस्की देऊँठी दा तेस्के वाचा का संनदूक देखिया; जिन्दें शे बिज्ल़ाव गुड़ाको की धूमराल़ों अरह् भूईच्ल़ो हुऐ, अरह् बैजाऐ शोरू पड़े।

प्रकाशितवाक्य 14:15

तबे ऐक स्वर्गदूत्त देऊँठी शा बाँईडा नींक्ल़ा, अरह् तैस्खे बुलो, जुण्जा बाद्ल़ो गाशी बऐठी रूवा थिया, तेने जुराल़ी धाव देऐयों बुलो, “आप्णों कत्तिऐटू करियों लुण्दा लाग, किन्देंखे के लोण्णों का बख्त आऐ गुवा, ईन्देंखे के संईसारी धर्ती के खेच़ौ पाची रूऐ।”

प्रकाशितवाक्य 14:17

तबे ऐक हजो स्वर्गदूत्त तियों देऊँठी शा बाईंडा नींक्ल़ा जुण्जी स्वर्गो दी असो, तेस्की हाथो दो भे ऐक पंईनों कत्तिऐटू थियों।

प्रकाशितवाक्य 16:1

तबे मुँऐ देऊँठी मुँझ्शी ऐक जुराल़ी धाव तिनू सात्त स्वर्गदूत्तों का स्वागत्त् कर्दे शुणाँई दिता: ज़ाओ! पंण्मिश्वर के रोष के सात्ते बैलुऐ धर्ती गाशी पेरी दियों।

प्रकाशितवाक्य 21:6

तबे तिन्ऐ मुँखे हजो बुलो, “सब काँम-काज़ खत्त्म हऐ गुवा; हाँव, अल्फ़ा अरह् ओमेगा असो, मतल्व शुरू अरह् अंन्त्त असो। हाँव च़ीषै खे जीवन-जल के फ़ट्वाँणीं शो, ऐई मुँझ़ी पाँणीं पीयाँऊबा।