प्रकाशितवाक्य 16:14 - Sirmouri

¹⁴ से ऐजी दुष्ट-आत्त्मा असो, जुण्जी चींन-नीशाँणी देखाँदें संईसारी धर्त्ती के बादे राज्य खे सर्ब-शक्त्तिमाँन पंण्मिश्वर के तेसी नियाँव के देसो खे लड़ाई-ज़ूद्ध कर्णो खे कठे करह्।

सिरमौरी नौवाँ नियम

¹⁴ इनु दुष्टआत्माओं कैई चौमत्कार कौरणौ कै शौकतै थै औरौ तिनुऐ जायौ तिनु लोगौ खै कौठै कौरे जू इयौं दुनिया कै सौबै देशो दै राज्य कौरौ थिए ताकि सै सौबिदा बौड़ा शौकतीशाली प्रभु पौरमेशवर कै महान दूसौ पांदी तैसकै खिलाफ लोड़ाए लौड़णौ कारिए जांव।

प्रकाशितवाक्य 16:14 ပူးပေါင်းရင်းမြစ်များ

मत्ती 24:14

अरह् पंणमिश्वर के राज्य की ऐजी खुषख्बरी बादी संईसारी दा प्रचार करा ज़ाला। के सोभी गऐर यहूदी गाशी गुवाऐ-शाज़्त हों, तबे अंत्त आऐ ज़ाला।

मत्ती 24:24

“किन्देखे के झूठें मसीया अरह् झूठे पंणमिश्वर की बरंम्बाणीं कर्णो वाल़े, खड़े हले, अरह् से असरदार चींन-नीशाँणी दे:खाले, जे ऐशो हलो, तअ चूणें-छाँटे अंदे भे भरमाँऐं ज़ाले।

मरकुस 13:22

किन्देंखे के झूठे-मंसीही अरह् झूठे बरंम्बाणीं कर्णो वाल़े ऋषी पय्दा हंदे, जुण्जे असरदार चींन-नीशाँणी दे:खाले, अरह् नोंखे काँम-काज़ कर्ले, अरह् से चैले जुण्जे चूणें-छाँटे अंदे असो, तिनू भे भरमाऐयों भट्काऐ देले।

लूका 2:1

तिनू देसो दा ओगुस्तुस कैसर के राजा की ढबे शी ऐजी अज्ञाँ निकल़ी, के रोंम राज्य के बादे ईलाके दे रंहणों वाल़े लोगो के नाँव लिखे ज़ाँव।

यूहन्ना 8:44

तुऐं आप्णें बाबा शैतान के असो, अरह् तुऐं आप्णें बाबा के हिछ़या पुरी कर्णी चहाँव; से शुरू शा ही ऊँबा हत्त्यारा असो। अरह् से सच्चाई का हिस्सा कंद्दी ने बंणीं, किन्देंखे के तेस्दी सच्चाऐ ने आथी; किन्देंखे के जबे भे से झुठो बुलो, तअ से आप्णें ही सभाव के कारण बुलो; किन्देंखे के से झुठा, अरह् झुठे का बाबा असो।

रोमियों 1:8

सोभी शा आगे हाँव तुँओं सोभी खे यीशू मसीया के जाँणें आप्णे पंणमिश्वर का धन्यबाद करू, किन्देंखे के तुवाँरे बिश्वाष के चर्चा बादी संईसारी दी हऐ रंऐ।

2 थिस्सलुनीकियों 2:9

तेसी पापी की आँवणीं शैतान के काँम-काज़ के मुँताबिक हंदी, मतल्व से झूठी शक्त्ति, अरह् चीह्न-चंम्त्तकार आरी;

1 तीमुथियुस 4:1

परह् पबित्र-आत्त्मा ऐ साफ-साफ बुलो, के आँणो वाल़े बख्ते कैतोड़े लोग भरमाँणो वाल़ी आत्त्माओं के शिक्क्षाओं गाशी आप्णा मंन लाऐयों बिश्वाष शे भट्की ज़ादे।

याकूब 3:15

ऐजा ज्ञाँन स्वर्गो के ईश्वर का ने परह् संईसारिक, सभाव अरह् दुष्ट-आत्त्मा शैतान का हों।

1 यूहन्ना 5:19

आँमें जाणो ऐ, के आँमें पंण्मिश्वर के असो; अरह् बादी संईसारी तैसी शैतान के बष दी असो।

प्रकाशितवाक्य 12:9

तबे सेजा बड़ा पाँखों वाल़ा अजंगर मतल्व सेजा ही पुराँणा शंगाव जैस्खे इबलीस, मतल्व जेस्खे शैतान बुली, अरह् बादी संईसारी का भरंमाँणों वाल़ा थिया, तेसी तेस्के दूत्तों आरी ऊदा धर्ती गाशी फेरकाऐयों पट्की दिता।

प्रकाशितवाक्य 13:3

मुँऐं तेथ्के मुँढों मुँझ़्शा ऐकी दा बैजाऐ बड़ा घाव लागा अंदा देखा, जेष्णों से मँर्णो वाल़ो असो, तबे तेथ्का सेजा बड़ा घाव आछा हऐ गुवा, अरह् धर्ती संईसारी के लोग तेथू बुणेंरो पाछी-पाछी हरान हऐयों चाले।

प्रकाशितवाक्य 16:16

अरह् तिन्ऐ तिनू तेसी जागे दे कठे करे, जिन्देंखे इब्रानी भाषा दो हरमगिदोन बुली।

प्रकाशितवाक्य 16:7

तबे मुँऐं बैदी पूजों शी ऐजी गूँह्ज शुँणीं: “होर, हे सर्ब-शक्त्तिमाँन प्रभू पंण्मिश्वर, तेरे फऐंस्ले ठीक अरह् साच्चे असो।”

प्रकाशितवाक्य 17:14

से छैल़्टे आरी लड़्दे, परह् छैल़्टा तिन शा जींत्ती ज़ाँदा, किन्देंखे के से प्रभूओं का प्रभू, अरह् राजाओं का राजा असो, अरह् जू बईदे अंदे, अरह् चूणें-छाँटे अंदे अरह् बिश्वाषी असो, से तेस्की गईलो असो; से भे राज्य पाँदें।”

प्रकाशितवाक्य 20:8

अरह् से तबे तिनू जात्ती-जात्ती के अरह् धर्ती गाश्ले चौऊ ढबे बंस्णों वाल़े लोग बंहकाँणों खे अरह् गोग अरह् मागोग की फ़ऊँज जिनकी गिनती समुँन्द्र के बाल़ू के बराबर हंदी, तिनू ज़ूद्ध कर्णों खे कंट्ठै करदा नींक्ल़ा।

प्रकाशितवाक्य 3:10

तुँऐं मेरे धीरज के बचन थाँबी थुऐ, ईन्देंखे हाँव भे ताँव र्पख्णों के बख्त्ते बंचाऐयों थंऊँबा, जू धर्ती गाशी रंहणों वाल़े र्पखोंदा अरह् बादी संईसारी गाशी आँणों वाल़ा असो।

प्रकाशितवाक्य 6:17

किन्देंखे के तिनके रोष के डराव्णें देसो आऐ गुऐ, ऐबे तिनके सहाँम्णें कुँण ठहरी सको?”