प्रकाशितवाक्य 15:4 - Sirmouri

⁴ “हे प्रभू, कुँण असो: जेस्दी तुँओं खे श्रदा ने हों, कुँण असो, तुँवाँरी बड़ियाऐ ने करह्? सिर्फ तुँऐं ही पबित्र असो, बादी संईसारी की जात्ती आऐयों तुवाँरे नाँव शे आप्णें घून्डु नाऐयों प्रणाँम कर्ले; किन्देंखे के तुवाँरे नियाँव के काँम-काज़ पर्गट हऐ रंई।”

सिरमौरी नौवाँ नियम

⁴ “ओए रै प्रभु, सौबी लोगौ कै दवारा तैरा आदर कौरा जांव, औरौ सै सौबै जोणे तैरै नांव कै इज्जत कौरौ, जिथुकै सिरफ तू ही पवित्र पौरमेशवर औसौ। हरेक राज्य कै सौबै लोग तैरै धोरे आंव, औरौ सै तैरी आराधना कौरौ, जिथुकै तैरै धरम कै काम सौबै जोणे आछी तरह शै जाणौ।”

प्रकाशितवाक्य 15:4 ပူးပေါင်းရင်းမြစ်များ

रोमियों 15:9

अरह् गऐर यहूदी भे दया-रंय्म के कारण पंणमिश्वर के बड़ियाऐं करह्; जेष्णों के पबित्र-ग्रन्थों दो लिखी थो, “ईन्देंखे हाँव गऐर यहूदी मुँझी तेरा धन्यबाद करूबा, अरह् तेरी बंड़ियाई के गीत्त गाऊँबा।”

1 पतरस 1:16

किन्देंखे के पबित्र-ग्रन्थों दो लिखी थो: पंणमिश्वर बुलो, के “पबित्र बणों, किन्देंखे के हाँव पबित्र असो।”

प्रकाशितवाक्य 11:15

जबे सात्ते स्वर्गदूत्त ऐ रंणशिंगें-कनाँल़ी फूकरी, तबे स्वर्गो दी साँत्त-भाँत्ती गुड़ाको की गूँह्ज शुँणाँई पड़ी: “संईसारी को राज ऐबे अमाँरें प्रभू का अरह् तिनके मसीया को राज हऐ गुओ; से ही ऐबे ज़ूगौ-ज़ूगौ राज कर्ले।”

प्रकाशितवाक्य 14:7

तेने स्वर्गदूत्ते धाव देऐयों बुलो, “पंण्मिश्वर शे डरोह्, अरह् तिनकी बड़ियाऐ आरार्धना करह् किन्देंखे के तिनके नियाँव कर्णो का बख्त आऐ पईचा, अरह् तिनका भजन करह्, जिन्ऐं स्वर्ग अरह् धर्ती अरह् समुँन्द्र अरह् जल-पाँणी के फट्वाणी बंणाऐं थुऐ।”

प्रकाशितवाक्य 16:5

तबे मुँऐं बादे पाँणी के हाकम स्वर्गदूत्त ऐजो बुल्दे शुँणों: “हे पबित्र, जू असो, अरह् जू थिया, तू नीयाँईच़ू असो, अरह् तुँऐं ऐजा नियाँव करा।

प्रकाशितवाक्य 16:7

तबे मुँऐं बैदी पूजों शी ऐजी गूँह्ज शुँणीं: “होर, हे सर्ब-शक्त्तिमाँन प्रभू पंण्मिश्वर, तेरे फऐंस्ले ठीक अरह् साच्चे असो।”

प्रकाशितवाक्य 19:2

किन्देंखे के ठीक अरह् धर्मी असो। तिनके फंऐस्ले, किन्देंखे के सजा देऐ थंऐ, तिन्ऐं बड़ी बैष्या खे, जिऐं आप्णें कू-कर्म बिच़्के-काम शी बादी संईसारी धर्ती भ्रष्ट कर्दी रंऐ, अरह् तिन्ऐं तिनशो आप्णें दासों को लह्ऊँ का बद्ल़ा लुवा।”

प्रकाशितवाक्य 19:8

तैस्खे आछ़ै मंल-मंल के ओज्ल़े खोट्णों; धारण कर्णों की अज्ञाँ देऐ थंऐ,” सेजो आछ़ो मंल-मंल पबित्र लोगों के धार्मिक्त्ता के काँम असो।

प्रकाशितवाक्य 3:7

“फिलदिलफ़िया नंगर की कलीसिया के दूत्त खे ऐजो लिख: “जू पबित्र अरह् साच्चा असो, अरह् जू दाऊद की ताल़ी-कुँन्जी थंह्, अरह् जेस्को खूलों अंदो कुँऐं डाकी ने सक्दा, अरह् तेसको डाको अंदो कुँऐं भे खुली ने सक्दा, से ऐजो बुलो

प्रकाशितवाक्य 4:8

चौऊँ जींव के छ: छ: पाखो असो, अरह् चौऊँ ढबे हजो आखी ही आखी असो; अरह् से रात्ती देसो बिना रूकी स्त्तुति-बड़ियाऐ ऐजी करह्: बिषाँव करे; ऐजो ही बुल़्दें रंह्, “पबित्र, पबित्र, पबित्र, प्रभू पंण्मिश्वर, सर्ब-शक्त्तिमाँन, जू थिया, अरह् जू असो ऐ, अरह् जू आँणों वाल़ा असो।”

प्रकाशितवाक्य 6:10

तिनू ऋषी की आत्त्मा जुराल़ी लेरो मारियों बुल्दी लागी, “हे बड़े प्रभू! सच्चाई गाशी चाल्णों वाल़े, पबित्र! प्रभू तुँऐं कोबे तोड़ी अमाँरा नियाँव ने कर्दे? अरह् ईयों संईसारी धर्ती दे रंहणों वाल़े, लोगो कैई शा अमाँरे लह्ऊँ का बद्ल़ा कबे लोंदे?”