प्रकाशितवाक्य 14:6 - Sirmouri

⁶ तबे मुँऐ बीच अस्माँनों दा ऐक हजो स्वर्गदूत्त ऊड़ादे देखा, जेसी कैई धर्ती गाशी रंहणों वाल़े की ऐकी नाँम राज्य, कुल़-गड़ी, भाषा, अरह् सोभी जात्ती मुँझी प्रचार कर्णों खे पंण्मिश्वर की संदा खे खुषख्बरी थी।

सिरमौरी नौवाँ नियम

⁶ औरौ मोऐं ऐक ओकी स्‍वर्गदूतौ कै गौयणी दा ऊंचे पांदी उड़दै बैई दैखा। तैसी स्‍वर्गदूतै तैसी सुसमाचार खै कौरे राए थिया जू कौलोंई ना बौदलौ, तैणै दुनिया दै रौणौवाल़ै लोगौ दै, सौब देशो कै, सौबी गोत्र औरौ सौबी भांत कै भाषा दै सुसमाचार कै घोषणा कौरे।

प्रकाशितवाक्य 14:6 ပူးပေါင်းရင်းမြစ်များ

मत्ती 10:27

जुण्जो हाँव तुँओं कैई ईनाँरे दो बुलू, सेजो तुँऐं पीयाषे दो बुले; अरह् जुण्जो काँने-काँन शुणों, सेजो छापरो गेछ़ौ प्रचार करह्।

मरकुस 16:15

अरह् प्रभू यीशू ऐ तिनखे बुलो, “तुँऐं बादी संईसारी दे ज़ाऐयों बादी संईसारी खे ऐजी ईयों बातो के खुषख्बरी का प्रचार करह्।

रोमियों 16:25

ऐबे जू तुँओं मेरी खुषख्बरी मतल्व प्रभू यीशू मसीया के शिक्क्षा के प्रचार के मुँताबिक शे पाक्के करी सको, तेसी भेद् के प्रकाष के मुँताबिक जू ज़ूगौ शा चुप्पी रूआ,

कुलुस्सियों 1:23

तुँओं बिश्वाष दे पाक्के अरह् अट्ल बंणों अंदो रहणों पड़ो, जू तुँओं खे खुषख्बरी के जाँणें देऐ गऐ, सेजी खुषख्बरी अस्माँनों थाईली बादी संईसारी खे शुँणाऐं गऐ, अरह् हाँव पौलुस तिनका सेवक-दास असो।

2 थिस्सलुनीकियों 2:16

अमाँरा प्रभू यीशू मसीया आपु ही, अरह् अमाँरा परंम-पिता पंण्मिश्वर, जिन्ऐं आँम शो प्यार करह्, अरह् कृपा शे सदा की शाँण्त्ति अरह् पबित्र भोर्षा देऐ थुवा।

इब्रानियों 13:20

जिन्ऐं भैड़ो का सेजा बड़ा भैड़वाल़ा मतल्व अमाँरा प्रभू यीशू मसीया के हमेशा के वाचा को लह्ऊँ के कारण मँरे अंदे मुँझ्शे आँमों ऊबे जीयाल़े तेसी सदा के बाय्दे गाशी मुहर लाऐयों सेजा शाँण्त्ति का दाता पंण्मिश्वर ही असो,

1 पतरस 1:25

परह् प्रभू का बचन ज़ूगौ-ज़ूगौ तोड़ी सदा अट्ल़ रंह्।” अरह् ऐजी ही खुषख्बरी का बचन असो, जू तुँओं कैई शा शुणाँया गुवा।

प्रकाशितवाक्य 10:11

तबे मुँखे ऐजो बुलो गुवो, “ताँव भहीते लोगो, अरह् ओकी जात्तियों खे अरह् ओकी भाषा, खे अरह् राजाओं के बारे दे हजो बरंम्बाँणीं कर्णी पड़ली।”

प्रकाशितवाक्य 10:7

परह् सात्तवें स्वर्गदूत्त के रंणशिंगें-कनाँल़ी फुकर्णो लई जुण्जा गूँह्ज के देसो दा पंण्मिश्वर आप्णें मंन दे चुप्पीं के पलाँण पुरा करला, जिन्दें की घोष्णाँ तिन्ऐं आप्णें दास-सेवकों अरह् ऋषियों कैई करी।”

प्रकाशितवाक्य 13:7

तेथ्खे ऐजा भे हंक-अधिकार दिता गुवा, के पबित्र लोगो आरी लड़-झगड़ अरह् तिनशो जीत्ती ज़ाव, अरह् तेथू खे सोभी कुल़-गढ़ी अरह् लोग अरह् भाषा अरह् जात्तियों गाशी हंक-अधिकार दिया गुवा।

प्रकाशितवाक्य 3:10

तुँऐं मेरे धीरज के बचन थाँबी थुऐ, ईन्देंखे हाँव भे ताँव र्पख्णों के बख्त्ते बंचाऐयों थंऊँबा, जू धर्ती गाशी रंहणों वाल़े र्पखोंदा अरह् बादी संईसारी गाशी आँणों वाल़ा असो।

प्रकाशितवाक्य 5:9

से ऐजो नुंवों गीत्त गाँदे लागे: “तू ईयों कताबे कर्णो खे, अरह् ईन्देकी सिलो खुल्णों ज़ूगा असो, किन्देंखे के तुँऐं कुरबाँण हऐयों आप्णें लह्ऊँ शी ऐक नाँम कुल़-बंष अरह् भाषा बुली अरह् लोग अरह् हर जात्ती मुँझ़्शे पंण्मिश्वर खे लोग मोले-खरीदियों लुऐ;

प्रकाशितवाक्य 8:13

जबे मुँऐ हजो देखो, तअ अस्माँनों के बीच दा, ऐक बाज ऊड़ादे अरह् जुराल़ो ऐजो बुल्दे शुंणों, के “सेजे च़ीन स्वर्गदूत्त जिनको फुकर्णो हेभी हजो असो, धर्ती के रंहणों वाल़े गाशी हाऐ! हाऐ! हाऐ!”