प्रकाशितवाक्य 14:4 - Sirmouri

⁴ से सेजे लोग असो, जुण्जे तिरंई की गईलो हेबी तोड़ी अशुद्ध ने हऐ रंई थी, अरह् से कुँवाँरें असो; से सेजे ही असो, जुण्जे हमेशा छ़ैल़्टे पाछ़ी चालो भाँव छ़ैल़्टा कैथी भे ज़ाँव; तिनू पंण्मिश्वर अरह् छ़ैल़्टे खे बिश्वाष की आगली ही ऊपज का जिया फ़ल़ आदमी मुझ्शे चूणें-छ़ाँटे गुवे।

सिरमौरी नौवाँ नियम

⁴ ऐजै सैजै औसौ जू पवित्र जीवन जियौंए। ऐजै तिनु लोगौ कै जैशणै औसौ, जिनुवै ऐक बैई बै नाजायज सौमबंध ना बाणी औरौ ना ही इनुवे कौलोंई कियौंई चीज़ौ कै पूजा कौरे, ऐजै सिरफ मेम्ने कै ही आराधना कौरौ जिथै मेम्ना जांव, ऐजै लोग तैसकै पौछौड़ियौ हौए जांव। ऐजै सैजै औसौ जिनुकै धोरती कै सौबी आदमियों शै जौई कौरे राए। जैशै लोग आपणै खेतौ कै फसल का सौबिदा आछा हिस्सा पौरमेशवर कै दैंव तैशैखैई ऐजै लोग बै आपणै जीवन कै पूरी पवित्रता कै साथै पौरमेशवर औरौ मेम्ने कै दैंव।

प्रकाशितवाक्य 14:4 ပူးပေါင်းရင်းမြစ်များ

मत्ती 19:12

किन्देखे के कुँऐं नाँ-मरोद् ऐशे असो, जुण्जे माँ की कुँखी शे ऐष्णें ही पय्दा हंऐ रूऐ; अरह् किऐ नाँ-मरोद् ऐशे असो, जिनू आदमी ऐ नाँ-मरोद् बंणाँऐ थुऐ; अरह् किऐं नाँ-मरोद् ऐशे असो, जिन्ऐं स्वर्गो के राज्य खे आपु-आप्खे नाँ-मरोद् बंणाऐ थुऐ। जुण्जा ऐष्णों धारण करी सको, से धारण करह्।”

मत्ती 25:1

प्रभू यीशू ऐ स्वर्गो के राज्य के बारे दी ऐक कथा शुणाँऐं; के “स्वर्गो को राज्य तिनू दष कुवाँरी-कंन्याँ को जेष्णों असो, जुण्जी आप्णें दुह्ले का स्वागत् कर्दी डाव-कत्रेन्डे बाल़ियों भेंट कर्दी निक्ल़ी।

मत्ती 8:19

तबे ऐक ऋषी-मूसा खे भेटे गुऐ अज्ञाँ-निय्म के जाँण्णों वाल़े ऐ नंजीक आऐयों तिनखे बुलो, “हे गुरू जी! जेथै केथी तुँऐं ज़ाले, तेथै हाँव भे तुँओं पाछी आँदा।”

यूहन्ना 10:27

मेरी भैंड़ो मेरो चूचकार्णो शुँणों ऐ, अरह् हाँव तिनू पंह्छ़ियाँणू ऐं; अरह् से मुँह पाछ़ी-पाछ़ी चालो।

यूहन्ना 12:26

जे कुँऐं मेरी सेंवा करह्, तअ से मुँह पाछी आँव; अरह् जेथै हाँव असो, तेथै मेरा दास भे हंदा। जे कुँऐं मेरी सेंवा करह्, तअ बाबा तैस्की आदर-ईज्जत करला।

यूहन्ना 13:37

संत्त-पतरस ऐ तिनखे बुलो, “हे प्रभू! हाँव हेभी तुँओं पाछी कैई ने आऐ सक्दा? हाँव तअ तुँवारी ताँईऐं आप्णी जीयाँन-प्राँण भे देऐ देऊँबा।”

यूहन्ना 8:12

प्रभू यीशू ऐ हजो लोगो खे बुलो, “संईसारी खे ज्योंत्ति-प्रकाष हाँव असो; जुण्जा मुँह पाछी आला से ईनाँरे दा ने हाँड्दा, किन्देंखे के जीवन का प्रकाष ज्योत्ति हमेशा खे तेसी आरी रंह्दी।”

प्रेरितो कै काम 20:28

“तुऐं लोग आपु खे, अरह् आप्णीं बादी मंडल़ी खे संक्न्नै-च़ौक्ष रूऐ; ईन्देंखे के पबित्र-आत्त्मा ऐ तुओं खे ईयों मंडल़ी की रंख्वाल़ी का पंद्-भार देऐ थुवा, के तुऐं पंण्मिश्वर की कलीसिया के साच्चै भेंड़वाल़े बंणों; जिनू पंण्मिश्वर ऐं आप्णें बैटे के लंह्ऊँ देऐयों धारण करी थुऐ।

1 कुरिन्थियों 16:15

हे भाऐ बंईणों, तुँऐं स्तिफनास के घराना जाँणों ऐ, के से अखया ईलाके दे प्रभू गाशी बिश्वाष कर्णो वाल़े आगले फल़ असो, अरह् से पबित्र लोगो की सेवा कर्णो खे तियार रंह्।

1 कुरिन्थियों 6:20

किन्देंखे के तुँओं दाँम देऐयों मुले लऐ थुऐ, ईन्देंखे आप्णी देह्-शरीर के जाँणें पंणमिश्वर की बड़ियाऐ करह्।

1 कुरिन्थियों 7:28

जे तू बियाव-जाज्ड़ा बाँणे, तअ सेजा पाप ने आथी; अरह् जे कुवाँरी बियाँऐं तबे भे किऐ पाप ने आथी, अरह् ऐष्णें खे देह्-शारीर का दु:ख हंदा, अरह् हाँव ईनू ऐसी दु:ख शे बंचाँणें चहाँऊ।

2 कुरिन्थियों 11:2

किन्देंखे के हाँव तुँवारी ताँईऐं, ईश्वर की धुन-लगंन दा रंऊँ; ईन्देखे के मुँऐं तुँवारी सिर्फ ऐकी ही मालक मसीया यीशू आरी सगाऐ कराऐ थऐ; के तुँऐं ऐक पबित्र कुवाँरी कन्याँ जैष्णें मसीया कैई पैष करू।

इफिसियों 1:14

से तिनके मोलै लुऐ अंदे छ़ुट्कारे खे अमाँरी जजाऐती का ऐक बियाना असो; के तिनकी बंड़ीयाई के संतुत्ति हों।

इफिसियों 5:27

अरह् तिनू ऐक ऐशी त्तेज-प्रकाशित कलीसिया बंणाऐयों आपु कैई खह्ड़ी करी, जिंदा ना कंल़ंक, ना किऐ दाग, अरह् ना किऐ ऐशा दोष-कसूर हों; परह् तुऐ पबित्र अरह् बै-कसूर बंणों।

1 तीमुथियुस 4:3

से तुँओं सोभी लोगो खे ऐजी मंत्त-शिख्ह देंदे, के तुँऐं जाज्ड़े ने बाँणें, अरह् किऐ खाँणों-पिणों की चींजो भे छाँट्दे के तुँऐं ईनू भे ने खाऐ, किन्देंखे के पंण्मिश्वर ऐ बादी खाँणों की चींजो खाँणों खे ही बाँणीं थई, ईन्देंखे के बिश्वाषी अरह् संच्चाई की पछ़याण कर्णो वाल़े ईनू चींजो खे धन्यबाद देऐयों खाँव।

इब्रानियों 12:23

पंण्मिश्वर की जैठी अलाद जिनके नाँव स्वर्गो दे लिखी थुऐं, तिनकी खुम्ल़ी के नंजीक आऐ रंह्, अरह् सोभी का नियाँव कर्णो वाल़ा पंण्मिश्वर अरह् तिनके कारण सीद्ध करे अंदे धर्मी की आत्त्माऐं तिन कैई आऐ रंह्।

याकूब 1:18

तिन्ऐं आप्णी हिछ़्या पुरी कर्णों खे आँमों सच्चाई के बचनों के जाँणें नुवाँ जीवन दिता, के आँमें तिनके जाँणें बंणाऐं गुऐ, पराँणी मुझ्शे बिश्वाष का आगला फल़ बंणों।

1 पतरस 2:9

परह् तुँऐं ऐक चुणा-छाटा अंदा बंष अरह् राज-पाट लुऐं अंदे याजकों का समाज, अरह् पबित्र लोग, अरह् (पंणमिश्वर) की प्रभू यीशू के आप्णी परजा असो, ईन्देंखे के जिन्ऐं तुँओं ईनाँरे मुझ्शे आप्णी चंम्तकारी प्रकाष दे बय्दी थुऐ, तिनके गुण पर्गट करह्।

प्रकाशितवाक्य 17:14

से छैल़्टे आरी लड़्दे, परह् छैल़्टा तिन शा जींत्ती ज़ाँदा, किन्देंखे के से प्रभूओं का प्रभू, अरह् राजाओं का राजा असो, अरह् जू बईदे अंदे, अरह् चूणें-छाँटे अंदे अरह् बिश्वाषी असो, से तेस्की गईलो असो; से भे राज्य पाँदें।”

प्रकाशितवाक्य 21:22

तेसी नंगर दे मुँऐ किऐ भे देऊँठी ने देखी, किन्देंखे के सर्ब-शक्त्तिमाँन प्रभू पंण्मिश्वर अरह् छ़ैल़्टा तेसी नंगर की देऊँठी थी।

प्रकाशितवाक्य 21:23

तेसी नंगर दी पीयाषे खे सुरूज अरह् चाँद टीक्की की भे किऐ जरूरत ने आथी; किन्देंखे के पंण्मिश्वर का त्तेज-प्रकाष तिन्दा पीयाषे खे चंमम्कों थिया; अरह् छ़ैल़्टे का त्तेज-प्रकाष तेसी नंगर दा दिवें जेष्णाँ चंमम्कों।

प्रकाशितवाक्य 3:4

परह् होर, सरदीस नंगर दे तेरे जागे दे किऐ ऐष्णें लोग असो, जिन्ऐं आप्णे-आप्णे खोट्णों अशुद्ध गाँन्दे ने करी थई, अरह् से चीट्टे खोट्णों बाँम्बियों मेरी गईलो रिट्ले-फिरले, किन्देंखे के से ईन्देंखे ज़ुगे असो ऐ।

प्रकाशितवाक्य 5:9

से ऐजो नुंवों गीत्त गाँदे लागे: “तू ईयों कताबे कर्णो खे, अरह् ईन्देकी सिलो खुल्णों ज़ूगा असो, किन्देंखे के तुँऐं कुरबाँण हऐयों आप्णें लह्ऊँ शी ऐक नाँम कुल़-बंष अरह् भाषा बुली अरह् लोग अरह् हर जात्ती मुँझ़्शे पंण्मिश्वर खे लोग मोले-खरीदियों लुऐ;