प्रकाशितवाक्य 14:13 - Sirmouri

¹³ तबे मुँऐ स्वर्गो शी ऐजी धाव शुणीं, “लिख: भागोईत हंदें से मंरे अंदे, किन्देंखे के ऐबे तिनकी मंऊँत प्रभू दे हंदी,” ऐजो “साच्चो असो!” पबित्र-आत्त्मा बुलो, “होर, से आप्णी कष्टो-मेंह्नत शा बिषाँव कर्दे, किन्देखे के तिनके भले काँम-काज़ तिनकी ही गईलो असो।”

सिरमौरी नौवाँ नियम

¹³ तोबै मोऐं स्वर्ग शै कोसी कै बौलदै बैई शुणु, औरौ तैणै मुखै बौल़ौ: “इनु बातौ खै इथै लिख। ऐबै शै, सैजै लोग खुशनसीब औसौ जू पौरमेशवर पांदी भोरोशा कौरदै बैई मौरे गौवै।” तोबै पवित्र आत्मा इथैशा सहमत हौआ, तैणै बौल़ौ, “ऐजौ साचौ औसौ। सैजै खुशनसीब औसौ जिथुकै सै आपणै कड़ी मैहनत शै विशांव पांदै औरौ जू काम तिनुऐ कौरे राए तिथ कारिए तिनु इनाम दैय जांदा।”

प्रकाशितवाक्य 14:13 ပူးပေါင်းရင်းမြစ်များ

मत्ती 3:17

तेसी बख्त्ते स्वर्गो शी ऐजी अगाष बरंम्बाणीं हऐ, “ऐजा मेरा बैटा असो, जेसी मेरे प्यारा असो, जेस्शा हाँव खुशी असो।”

लूका 16:25

परह् बाबा अब्राहम ऐं तैस्खे बुलो, ‘हे बैटा, देई तअ चींत्ते करह् के तुँऐं आप्णी जीवन दी आच्छ़ी च़ीजों लंऐ थंई; परह् ऐसी लाजर दु:ख्ह ही दु:ख भेटी रूवा, परह् ऐबे ऐसी ईथै शाँण्त्ति भेटी रंऐ; अरह् तू तड़फ़ी रूवा।

लूका 16:9

“ईन्देंखे हाँव तुँओं खे बुलू, के संईसारीक धंन-संम्पत्ति लई आपु खे दोस्त्त बाँणों; किन्देंखे के जबे सेजो संईसारीक धंन-संम्पत्ति तुओं कैई ने रंह, तअ से तुओं हमेशा के घरह् दे नींयों।

रोमियों 14:8

जे आँमें जीऊँदे असो, तअ प्रभू खे जीऊँदे असो; अरह् जे मंरो ऐ, तअ प्रभू खे मंरो; तअ: आँमें जींयों भाँव मंरो, आँमें प्रभू के ही असो।

1 कुरिन्थियों 15:18

तअ जुण्जे मसीया दे बिश्वाष करियों हेबी तोड़ी मरी गुऐ, से भे नंष्ट हऐ गुऐ।

1 कुरिन्थियों 15:20

परह् मसीया सत्तिखे मरे अंदे मुझ्शे ऊबे जियाल़ी थुऐ, अरह् ऊबे जियाल़े अंदे मुंझ्शे से आगला ही फल़ असो।

1 कुरिन्थियों 15:58

ईन्देंखे हे मेरे प्यारे भाऐ बंईणों पाके, अट्ल़, डटेअंदे रूऐ, अरह् तुऐं प्रभू की काँम-काज़ कर्णो खे बड़दे ज़ाव, किन्देंखे के तुँऐं ऐजो जाँणों ऐ, के तुऐं जू प्रभू खे मेंह्नत्त करी लऐ से बै-कार ज़ाँदी ने।

2 कुरिन्थियों 5:8

ईन्देंखे आँमें हिम्मत्त थंह्, अरह् देह्-शरीर शे ज़ई रंऐयों, प्रभू आरी रंहणों आछ़ो जाँणों।

फिलिप्पियों 2:17

तुँवारा बिश्वाष ऐक बल़ी के रूप दा असो, अरह् जे मेरो लह्ऊँ तुँवारी बल़ी गाशी पेरी देईलो तअ हाँव भे तुँवारी खुशी आरी खुशी असो।

1 थिस्सलुनीकियों 4:14

किन्देंखे के जे आँमें बिश्वाष करह्, के प्रभू यीशू मंरे अरह् ऊबे जीऐ, तअ तेष्णे ही पंण्मिश्वर तिनू भी ऊबे जीयाल़्दे जू प्रभू यीशू गाशी बिश्वाष करियों मंरी रूऐ।

1 थिस्सलुनीकियों 4:16

किन्देंखे के प्रभू आपु ही स्वर्गो शे ऊदे आँदे; तेसी बख्ते लेल्लापूर, अरह् मुँख्या दूत का शब्द शुँणाई पड़दा, अरह् पंण्मिश्वर की तूरी फूकरी ज़ाँदी; अरह् जू मसीया दे मँरी रूऐ, सेजे ही आगे ऊबे जीऊँदे।

1 थिस्सलुनीकियों 5:10

प्रभू यीशू ऐ अमाँरी ताँईऐं प्राँण ईन्देंखे दित्ते, के आँमें जीऊँदे असो, भाँव मँरी ज़ाँव, परह् जबे से हजो पाछू आँव; तअ आँमें तिनकी गईलो जीऊँदें रंह्।

1 तीमुथियुस 5:24

कुछ लोगो के पाप सपष्ट रूप शे पर्गट हऐ ज़ाँव, अरह् नियाँव खे आगे ही पऐची ज़ाँव; परह् कुछ लोगो के पाप पाछे पर्गट हों।

1 तीमुथियुस 5:25

तेष्णें ही कुछ आच्छै भले काँम-काज़ भे सपष्ट रूप शे पर्गट् हऐ ज़ाव; अरह् जुण्जे पर्गट ने हंदे, सेजे भे छ़ुपाऐ ने ज़ाँदे।

प्रकाशितवाक्य 1:11

“जू किऐ तुँऐं देखी लो, तैथू कताबे दो लिखियों ईनू सात्ती नंगरों की कलीसिया कैई डेयाल़ी दियों; मतल्व इफिसुस अरह् स्मुरना, अरह् पिरगमुन, अरह् थूआतीरा, अरह् सरदीस, अरह् फिलदिलफिया, अरह् लौदिकिया खे।”

प्रकाशितवाक्य 10:4

जबे सात्ते गुड़ाको की धूम्मराल़ो शुँणाँई पड़ी, तअ मेरे सेजो लिख्णों थियों, परह् मुँऐं स्वर्गो शी ऐजी धाव शुँणी, के “जू तुऐं सात्त बातो ऐजी नाँद्ह की शुँणी, ऐजी चुप्पी थह्, अरह् ऐजी लिखे ने।”

प्रकाशितवाक्य 11:15

जबे सात्ते स्वर्गदूत्त ऐ रंणशिंगें-कनाँल़ी फूकरी, तबे स्वर्गो दी साँत्त-भाँत्ती गुड़ाको की गूँह्ज शुँणाँई पड़ी: “संईसारी को राज ऐबे अमाँरें प्रभू का अरह् तिनके मसीया को राज हऐ गुओ; से ही ऐबे ज़ूगौ-ज़ूगौ राज कर्ले।”

प्रकाशितवाक्य 11:19

तबे पंण्मिश्वर की जुण्जी देऊँठी स्वर्गो दे असो, सेजी खुली गऐ, अरह् तेस्की देऊँठी दा तेस्के वाचा का संनदूक देखिया; जिन्दें शे बिज्ल़ाव गुड़ाको की धूमराल़ों अरह् भूईच्ल़ो हुऐ, अरह् बैजाऐ शोरू पड़े।

प्रकाशितवाक्य 16:17

सात्तवें स्वर्गदूत्तें आप्णा बैलुवा बागुरी दा पेरी दिता, अरह् देऊँठी के सिंगाँस्ण शा ऐजा बड़ा गूँह्ज हुआ, “पुरो हुवो!”

प्रकाशितवाक्य 19:9

तबे स्वर्गदूत्ते मुँखे बुलो, “ऐजो लिख: भागोईत असो! सेजे जुण्जें छ़ैल़्टे के जाज़्ड़े-विवाह के भोज दे खाँदें बय्दी थुऐं।” तबे तिन्ऐ मुँखे बुलो, “ऐजे बचन पंण्मिश्वर के साचे बचन असो।”

प्रकाशितवाक्य 2:1

“इफिसुस नंगर की कलीसिया के दूत्त खे ऐजो लिख: “जुण्जा आप्णें सुऐ हाथों दे सात तारे लऐ अंदा असो; अरह् जुण्जा सात सुनें के दिय्ट के बीच दा चाली रूवा, ऐस्का बुल्णाँ ऐजा असो।

प्रकाशितवाक्य 2:7

जिनके काँन हों से शुँणी पाव, के पबित्र-आत्त्मा कलीसियों खे का बुलो। के जुण्जा जींत्ती ज़ाँव, हाँव तैस्खे तेसी जीवन के बड़े डाल़-पेड़ मुँझ्शो जू पंण्मिश्वर के स्वर्गो दा असो, तिन्दें के फल़ खाणों देऊँबा।”

प्रकाशितवाक्य 20:6

भागोईंत्त अरह् पबित्र सेजे असो, जिनू ऐसी आगले ऊबे जीऊँणों के साजी बंणाँऐ गुवे। तियों दुज़ी मंऊँत्ती का तिनू गाशी किऐ हंक-अधिकार ने आथी; परह् से पंण्मिश्वर अरह् मसीया के बड़े-याजक हले, अरह् तिनकी गईलो हजार साल्ह तोड़ी से राज कर्ले।

प्रकाशितवाक्य 21:5

तिन्ऐं जुण्जें तेसी सिंगाँस्हणों गाशी बंईठे अंदे थिऐ, तिन्ऐं बुलो, “देख! ऐबे हाँव सब-कुछ़ नुंओं करी देऊँबा!” तबे तिन्दे पाछ़ी तिन्ऐं मुँखे बुलो, “ऐजी बातो ऊँबी लिख, किन्देंखे के ऐजी बातो बिश्वाष ज़ूगी, अरह् साच्ची असो।”

प्रकाशितवाक्य 22:17

पबित्र-आत्त्मा अरह् दुल्ह्नं ईनू दुई की ऐजी ही बिनन्त्ति असो; “आओ!” जेने शुँणीं लुओं, से भे बुलो; “आओ!” सेजा जुण्जा च़ींषा असो से भे पीयों, अरह् जुन्जा कुँऐ हिछ़ुक असो, से भे ऐई मु़ँझ़ी दाँण भेट्णों के रूप दो जीवन को जल मुँझ़्शो पीयों।

प्रकाशितवाक्य 6:11

तिनू मुँझी ऐकी नाँमों खे चीट्टे खोट्णों देऐयों तिनखे बुलो, के तुँऐं किऐ हजो ठहरी ज़ाव, किन्देंखे के जाँव तोड़ी तुवाँरे संगी-साथी दास, अरह् भाऐ-बंईणों जुण्जे तुँओं जैष्णें माँरी देईले जिनकी हंत्त्या करी ज़ाँदी; अरह् सेजे हेबी तोड़ी तुँओं मुँझी ने आऐ रंई।