प्रकाशितवाक्य 14:12 - Sirmouri

¹² ईन्देंखे ऐजो जरूरी असो, के पबित्र लोगो का धीरज ईन्दी ही असो, के जुण्जे पंण्मिश्वर की आत्त्मा की अज्ञाँ माँनों अरह् प्रभू यीशू गाशी बिश्वाष थंह्।

सिरमौरी नौवाँ नियम

¹² जिथुकै ऐजी बातौ हौंदी लागै रोई, इथकारिए पौरमेशवर कै लोगौ खै सब्र राखणा चैंई। ऐजै सैजै लोग औसौ जू पौरमेशवर कै आज्ञाओं खै मानौ औरौ ईमानदारी शै यीशु कै पाछैदै चालौ।

प्रकाशितवाक्य 14:12 ပူးပေါင်းရင်းမြစ်များ

2 तीमुथियुस 4:7

मुँऐ आच्छ़ी कुष्ती लड़ी थऐ, मुँऐं आप्णी दौड़ पुरी करी पाऐ, मुँऐ बिश्वाष की देख-भाल़ करी थऐ।

1 यूहन्ना 2:3

पंण्मिश्वर के अज्ञाँ का पाल़्ण करणा ईयों बातो का प्रमाँण असो, के आँमें पंण्मिश्वर जाँणी संम्झी पाया।

प्रकाशितवाक्य 12:17

तबे सेजा पाँखों वाल़ा बड़ा अजंगर तियों तिरंई खे घीपा, अरह् तियाँरी ओकी अलादी शो, ज़ूद्ध करदा नींक्ल़ा, मंतल्व तिनू लोगों आरी जुण्जे पंण्मिश्वर के अज्ञाँओं का पाल़्ण करह्, अरह् प्रभू यीशू के बारे दी देई गंई गुवाई-शाज़्त्त दे पाक्कै-अट्ल़ रंह्।

प्रकाशितवाक्य 13:10

जिनखे कय्दी दो ज़ाँणों लिखी थो, से कय्दी दा ही ज़ाँदा; अरह् जुण्जा तरवारी लई माँरों, से तरवारी ही लई माँरा ज़ाँदा, ईन्देंखे ऐजो जरूरी असो, के पबित्र लोगो का सबेर अरह् बिश्वाष का बख्त्त असो।

प्रकाशितवाक्य 2:13

हाँव ऐजो जाँणू ऐ, के तू तेथै रंऐ, जेथै शैतान को सिंगाँस्ण असो; तू मेरे नाँव गाशी पाका अट्ल़ रूऐ, अरह् मुँह गाशी बिश्वाष कर्णो शा तिनू देसो दा भे पाछू ने फिरे, जिनू मुँझी मेरा बिश्वाष ज़ूगा, भाऐ अन्तिपास जू तुवाँरे बीचो दा तेसी जागा दा मेरी खुषख्बरी शुँणाँणों के कारण माँरा गुवा जेथै शैतान आप्णों राज करह्।

प्रकाशितवाक्य 3:10

तुँऐं मेरे धीरज के बचन थाँबी थुऐ, ईन्देंखे हाँव भे ताँव र्पख्णों के बख्त्ते बंचाऐयों थंऊँबा, जू धर्ती गाशी रंहणों वाल़े र्पखोंदा अरह् बादी संईसारी गाशी आँणों वाल़ा असो।

प्रकाशितवाक्य 3:8

हाँव तेरे काँम-काज़ जाँणू ऐ; देख, मुँऐ तेरे सहाँम्णें ऐक दुवार खुली थो, जेथू कुँऐं डाकी ने सक्दा; तेरी शक्त्ति दाँणिक तअ असो ऐ, तबे भे तुँऐं मेरे बचन का पाल़्ण करी थुवा, अरह् मेरे नाँव शा तू भाजी ने रंही।