प्रकाशितवाक्य 14:1 - Sirmouri

¹ तबे मुँऐ झ़ेठ पाऐ, अरह् देखो, सेजा छ़ैल़्टा सिय्योन धारह् गाशी खड़ा असो, अरह् तिनकी गईलो ऐक लाख चौवाल़ीष हजार लोग असो, जिनके माँथें गाशी तिनका अरह् तिनके परमं-पिता को नाँव असो।

सिरमौरी नौवाँ नियम

¹ इथकै बाद, मोऐं किछै औकौ दैखौ, मोऐं सिय्योन धारो कै चुटी पांदी मेम्ने खै खौड़ा हौएयौंदा दैखा। तैसकै साथै ऐक लाख चौवालीस हजार लोग थिए, तिनकै माथै पांदी मेम्ने कौ नांव औरौ तैसकै पिता कौ नांव लैखैयौंदे थियु।

प्रकाशितवाक्य 14:1 ပူးပေါင်းရင်းမြစ်များ

लूका 12:8

तबे प्रभू यीशू ऐं हजो बुलो, “हाँव तुँओं खे बुलू: के जुण्जा कुँऐं मुँह आदमी के सहाँम्णें माँनला। तैसी आदमी का बैटा भे पंण्मिश्वर के दूत्तो के सहाँम्णें माँनदा ऐं।

रोमियों 9:33

जेष्णों पबित्र-ग्रन्थों दो लिखी थो, “दे:खो, हाँव सिय्योन दा ऐक ढैस-ढैस-ठोकर लागणों वाल़ा पाथर, अरह् ढैस-ढैस-ठोकर लागणों वाल़ी कंऐड़ थंऊँ, अरह् जू तेस गाशी बिश्वाष करला तेस्की कंद्दी बैस्ती ने हंदी।”

प्रकाशितवाक्य 14:14

मुँऐ झ़ेठ पाऐ, अरह् देखो, ऐक ऊज्ल़े बाद्ल़ो गाशी आदमी के बैटे जेष्णाँ कुँऐं बऐठी रूवा थिया, जेस्के मुँढों गाशी सुन्नें को मुँकुट-ताज अरह् हाथो दो पुईनों कत्तिऐटू असो।

प्रकाशितवाक्य 14:3

तिन्ऐं सिंगाँस्हणों के सहाँम्णें अरह् चौऊँ जींव, अरह् अगुऐ के सहाँम्णें ऐक नुवों गीत्त गाऐ लों थियो। तिनू ऐक लाख चौवाल़ीष हजार लोगो के सुवाऐं, जू धर्ती गाछ़ै मोंले लुऐ थुऐ थिऐ, अरह् ओके कुँऐ ऐजो गीत्त शिखी ने सको थिऐ।

प्रकाशितवाक्य 15:5

ईन्दें पाछी मुँऐ देखो, के स्वर्गो दो गुवाह्-शाज़्त्त के ताँम्बू की देऊँठी खुली गऐ;

प्रकाशितवाक्य 22:4

से तिनू आप्णीं आखिऐ देख्ले, अरह् तिनको नाँव तिनू लोगों के माँथे गाशी लिखो अंदो हलो।

प्रकाशितवाक्य 3:12

जू जींत्ती ज़ाँव तेसी हाँव आप्णें पंण्मिश्वर की देऊँठी दा ऐक खँम्बा बंणाँऊबा, अरह् से कद्दी भे बाऐर ने नींकल़्ला; अरह् हाँव आप्णे पंण्मिश्वर को नाँव अरह् आप्णे पंण्मिश्वर के नंगर, मतल्व नुऐं यरूशलेम को नाँव, जू मेरे पंण्मिश्वर कैई शो स्वर्गो शो ऊँदो आऐ रूवों, अरह् आप्णों नुंवों नाँव तिन्दो लिखूबा।

प्रकाशितवाक्य 4:1

इन बातो पाछी मुँऐं संईसारी दी देखियों झ़ैठ पाऐयों का देखी लो, के स्वर्गो दो ऐक दुवार खुली अंदो असो, अरह् जेसी मुँऐं आगे रंणशिंगै-कनाँल़ी की जेई गूँह्ज दा आपु आरी बात कर्दे शुँणाँ थिया, से ही बुलो, के “ईथै ऊँबा आ; अरह् हाँव सेजी बातो ताँव कैई शी देखाऊँबा, जुण्जी बातो ईन्दें पाछी हंणीं जरूरी ही असो।”

प्रकाशितवाक्य 6:8

तबे मुँऐं तेथै ऐक घोड़ा हजो देखा, जू पीऊँल़े रंग का थिया; जेस्की अशवारो को नाँव मंऊँत्त असो, अरह् अंधलोक तेसी पाछी-पाछी असो; अरह् तिनखे संईसारी धर्ती की ऐक चऊँथाई गाशी हंक-अधिकार दिया गुवा, के तरवार, अरह् काल़, अरह् मुँरी, अरह् धर्ती गाष्ले जाँगल़ी भूणेंरो के जाँणें लोग माँरी दियों।