प्रकाशितवाक्य 13:8 - Sirmouri

⁸ धर्ती के सेजे बादे रंहणों वाल़े, तैथू बूणेर के पुजा करह्, जिनके नाँव माँरे अंदे छ़ैल़्टे के जीवन की कताबे दे संईसारी की उत्पत्ति के बख्तो शे ऊँबे लिखे अंदे ने आथी।

सिरमौरी नौवाँ नियम

⁸ धोरती पांदी रौणौवाल़ै सौबै लोग तैसकै पूजा कौरदै लागै। सिरफ तिनु लोगै तैसकै पूजा ना कौरी जिनकै नांव दुनिया कै बाणै जाणै शै आगै ही जीवन कै किताब दै लिखै राए थै। ऐजी जीवन कै किताब तैसी मेम्ने कै किताब औसौ जैसी बलिदान कै रुप दै मारै गौआ थिया।

प्रकाशितवाक्य 13:8 ပူးပေါင်းရင်းမြစ်များ

मत्ती 25:34

“तबे राजा आप्णी सुऐं ढबे के लोग दे: खियों बुल़्ला, ‘मेरे पिता के जाणें कृपा वाल़े लोग! तेसी राज्य के हंक-अधिकारी बंणों, जुण्जे तुओं खे सृष्टी की स्थापंना के बख्ते शी तियार करी थंऐ।

लूका 10:20

परह्, ईन्दें ने शियाँगिऐं ने, के आत्त्माऐं तुवाँरे बष दी असो; परह् ईन्दे शियाँगियों के तुवाँरे नाँव स्वर्गो दे लिखी थुऐ।”

यूहन्ना 1:29

दुज़ै देसे संत्त-यूहन्ना नहाँण-कराँणों वाल़े ऐ प्रभू यीशू आप्णे ढबे आँदे देखियों बुलो, “देखो, ऐजा पंण्मिश्वर का छैल़्टा असो; जुण्जा संईसारी के पाप टीपियों नींह्दा।

इफिसियों 1:4

जेष्णें तिन्ऐं आँमों संईसारी की शुरूवात शे आगे मसीया की गंईलो चुँणी-छ़ाँटी थुऐ थिऐ, के आँमें तिनके नंजरी शे प्रेम दे पबित्र अरह् नीरदोष बंणों।

फिलिप्पियों 4:3

हे साच्चै साथी, हाँव तुँओं खे भे ढाल-अरज करू, के तिनू तिरंई की साय्ता करह्, किन्देंखे के तिन्ऐं मेरी गईलो खुषख्बरी फईलाँणों खे, भाऐ-क्लेमेंस अरह् मेरे ओके साथी, समेंत मेंह्नत करी थऐ, जिनके नाँव जीवन की कताबे दे लिखे अंदें असो।

तीतुस 1:2

तेसी अमर हणों के भुर्षे गाशी, जिन्देका बाय्दा पंण्मिश्वर ऐ, करा जू झूठो ने बुली सक्दा, तेने ज़ूगौ-ज़ूगौ शा करी थुवा।

प्रकाशितवाक्य 12:15

तबे तेने बड़े अजंगर ऐ आप्णें मुँह ज़ात्ती शी ऐक पाँणीं के बंडी नंदी जैऐ तियों तिरंई पाछ़ी छ़ुड़ी दिती; जिन्दें लंई से तियों तिरंऐ बुवाऐ दियों।

प्रकाशितवाक्य 13:12

से भे तेथू आगले बुँणेंर के हंक-अधिकार जेष्णाँ काँम-काज़ करो थियों; अरह् धर्ती अरह् ईन्दें रंहणों वाल़े लोगो कैई शी तेथू आगले बुणेंरो की जेऐ जेथ्का बड़ा घाव आछा हुवा थिया पूजा कराँव थियो।

प्रकाशितवाक्य 17:8

जुण्जों बुँणेंर तुँऐं देखो, से आगे तअ थियों, परह् ऐबे ने से आथी, अरह् अथाह् कुँड शो नीक्ल़ियों नाँष दो पड़्दो, अरह् धर्ती दे रंहणों वाल़े जिनके नाँव संईसारी की उत्पत्ति के बख्त्तो शे जीवन की कताबे दे लिखी ने थई, से ऐथू बुँणेंर की ऐजी दंषा देखियों, के आगे थियों अरह् ऐबे ने आथी, अरह् से हजो आँदों, तबे तिनके तोरबाँण च़ूट्दे।

प्रकाशितवाक्य 21:27

किऐ भे अ-शुद्ध-गाँन्दी चींज, ऐसी नंगर दी ना तअ दाखिल हऐ सक्दी; अरह् ना सेजे लोग जिनका सभाव बिचका, अरह् शंगाँव्णा हों, अरह् जिनकी बातो झूठों लई भरी अंदी हों; ईन्दें सिर्फ सेजे ही लोग हाजीर हऐ सको, जिन्के नाँव छ़ैल़्टे के जीवन की कताबी दे लिखें अंदे हले।

प्रकाशितवाक्य 3:10

तुँऐं मेरे धीरज के बचन थाँबी थुऐ, ईन्देंखे हाँव भे ताँव र्पख्णों के बख्त्ते बंचाऐयों थंऊँबा, जू धर्ती गाशी रंहणों वाल़े र्पखोंदा अरह् बादी संईसारी गाशी आँणों वाल़ा असो।

प्रकाशितवाक्य 3:20

देख, मुँऐं देऊँल़ी कैई खड़े हऐयों दुवार ठक-ठकाऐ लुवो; जे कुँऐं मेरो ठकठकाँणों शुँणियों मुँखें दुवार खुल़्ला, तअ हाँव तेसी कैई भिटा आऐयों, तेस्की गईलो भोजन करूबा अरह् से भे मेरी गईलो भोजन करला।

प्रकाशितवाक्य 3:5

जू जींत्ती ज़ाँव तेस कैई शे ऐष्णें ही चीट्टें खोट्णों बम्बाईले, अरह् हाँव तिनको नाँव जीवन की कताबे शो बिल्कुल ने काट्दी; परह् तिनको नाँव आप्णे परमं-पिता अरह् स्वर्गदूत्तों के सहाँम्णें माँनुबा।

प्रकाशितवाक्य 5:12

सेजे स्वर्गदूत्त जुराल़ों ऐजो गीत्त गाँदें रूऐ: “सेजा छ़ैल़्टा, जेसी कुरबाँण करा गुवा, पराकर्म, बोलबाला, ज्ञान, शक्त्ति, आदर, बड़ियाऐ, स्त्तुति का हंक-अधिकार असो।”

प्रकाशितवाक्य 5:13

तेष्णीं ही मुँऐं बादी संईसारी-स्वर्गो दी, ईयों धर्ती थाँई पताल़ो दी, संमुन्द्रो अरह् तिन्दी बंसी अंदी बादी सिर्जी-बंणाई अंदी चींजो दी, अरह् सब-कुछ जुण्जो किऐ तिन्दो असो, तिनू ऐजो बुल्दे शुँणों: “छ़ैल्टे का अरह् सिंगाँस्हणों गाशी बईठा अंदा असो, स्त्तुति, आदर, बड़ियाऐ, अरह् हंक-अधिकार, सदा-सदा हंदा रंह्!”

प्रकाशितवाक्य 6:1

तबे मुँऐ छ़ैल़्टा सात्ती सिलो मुँझ्शी ऐक सिल च़ूड़दे देखी, अरह् तिनू चार जींव मुँझ्शी ऐकी के ऐजी गर्जन नाँद् लई बुल्दे शुँणों: “आओ!”