प्रकाशितवाक्य 13:6 - Sirmouri

⁶ तैथू ऐ पंण्मिश्वर कैई चूगली कर्णो खे आप्णों मुँह खुलो, के तिनका नाँव अरह् तिनके ताँम्बू मतल्व स्वर्गो दे रंहणों वाल़े की चूगली करह्।

सिरमौरी नौवाँ नियम

⁶ राकसै पौरमेशवर खै नेंदैया कौरणै शुरु कौरे, कै सै तैसकै नांव कै खिलाफ औरौ तैसी ठाँव कै खिलाफ बौल़ौ जिथै पौरमेशवर रौंव यानी स्वर्ग कै, औरौ तिनु सौबी लोगौ कै खिलाफ जू स्वर्ग दै रौंव।

प्रकाशितवाक्य 13:6 ပူးပေါင်းရင်းမြစ်များ

मत्ती 12:34

हे शंगाव के नहाँन्ड़िया, तुँऐं बूरे हऐयों केशी-केशी आच्छ़ी बातो बुली सको? किन्देखे के जुण्जों तुवाँरे मंन दो भरो अंदो असो, सेजो ही अमाँरी ज़ात्ति-मुँह शो बाँईडो निक्ल़ो।

मत्ती 15:19

किन्देखे के आदमी के सासो-मंन शे बुरे बिचार, हंत्त्याऐं, अरह् पराई तिरोंई का लाल़्च, चोरी-जारी, चोरी, झूठी गवाही अरह् निदया, ऐजी बादी चींजो मंन शी ही पय्दा हों।

यूहन्ना 1:14

बचन देह्-धारी हुवा, तेने अमाँरे बीच डेरा पाया; कृपा अरह् संच्चाई शा भर-पुर हंऐयों, आँमें तेस्की ऐशी बंड़ियाऐ देंखी; जेष्णीं पंण्मिश्वर के ऐक्लोत्ते बैटे की बड़ियाऐ हों।

रोमियों 3:13

तिनके शाँगे खुली खात्त असो, तिन्ऐ आप्णी जीबो लई छल़ करी थुवा, तिनके ऊँठो दो शंगाव को बीष असो।

कुलुस्सियों 1:19

किन्देंखे के पिता की खुशी ईन्दी असो, के तिनदी ही बादी भरपुरी बास करह्;

कुलुस्सियों 2:9

पंण्मिश्वर की बादी भरपुरी जुण्जी के मसीया दा देह्-शरीर दा रूप धारंण करियों सदा बास करह्;

इब्रानियों 9:2

किन्देंखे के ऐक ताँम्बू बंणाँया गुआ थिया, जिन्दें के बाईले पड़्दे पाछी ऐक दिअट, अरह् बैदी-पूज हों थी, जिन्दें गाशी पबित्र रोटी थंई ज़ाँव थी, अरह् तेसी ताँम्बू खे पबित्र जागा बुली थी।

इब्रानियों 9:24

किन्देंखे के मसीया तियों आदमी के हाथो की बंणाऐ अंदी पबित्र जागा दे हाजीर ने हंई, जुण्जा सोत्तिखे पबित्र जागा ऊँनरा थिया, परह् मसीया यीशू सीद्धें स्वर्गो दे ही हाजीर हुऐ; जू अमाँरी ताँईऐं ऐबे पंण्मिश्वर के सहाँम्णें देखाई पड़ो।

प्रकाशितवाक्य 11:12

तबे तिनू स्वर्गो शी ऐक धाव शुँणाई दिती, “ईथै ऊबे आओ!” ऐजो शुँणियों से बाद्ल़ो दे अशवार हऐयों आप्णें बईरी के देख्दे-देख्दे स्वर्गो दे हुटे।

प्रकाशितवाक्य 12:12

ईन्देंखे हे स्वर्ग; अरह् ईन्दें रंहणों वाल़े लोग, आँनन्द-खुशी मंनाँऐयों अरह् मंगन हऐ ज़ाव! परह् फ़िट्कारा असो, ईयों धर्ती, अरह् समुँन्द्रों खे; किन्देंखे के ऐ ऐजो जाँणीं पाँव के तुवाँरा बंख्त्त हजो ठीका ही असो, किन्देंखे के शैतान तुओं तोड़ी पंह्ऊँचीं गुवा, अरह् से बैजाऐ रोषै शा भरी गुवा, किन्देंखे के तेस कैई ऐजा पता लागी गुवा, के ऐबै मेरा बंख्त्त ठींका ही असो।”

प्रकाशितवाक्य 15:5

ईन्दें पाछी मुँऐ देखो, के स्वर्गो दो गुवाह्-शाज़्त्त के ताँम्बू की देऊँठी खुली गऐ;

प्रकाशितवाक्य 18:20

आँन्दित्त हों: ‘हे स्वर्गो! आँन्दित्त हों, हे पबित्र लोगो! खास-चैले अरह् ऋषियों! किन्देंखे के पंण्मिश्वर ऐ तिन्खे तुँवाँरी गईलो, करे गुऐं बुरे बरताव कर्णो खे सजा देऐ थंऐ।’”

प्रकाशितवाक्य 21:3

तबे मुँऐं सिंगाँस्हणों शी ऐक जुराल़ी गंम्बीर धाव ऐजो बुल्दे शुणीं, “देख, ऐजो असो, आदमी के बीच दो पंणपंण्मिश्वर का डेरा! अरह् ऐ तिनू मुँझी बास करदा, अरह् से तेस्की प्रजा हंदी; अरह् पंण्मिश्वर तिनू मुँझ़ी रंह्ऐयों आदमी के बीचो दा असो। से तिनकी गईलो डेरा करदा, अरह् से तिनके लोग हंदे, अरह् पंण्मिश्वर आपु तिनकी गईलो रंह्ऐयों, तिनके आप्णें पंण्मिश्वर हंदे।

प्रकाशितवाक्य 4:1

इन बातो पाछी मुँऐं संईसारी दी देखियों झ़ैठ पाऐयों का देखी लो, के स्वर्गो दो ऐक दुवार खुली अंदो असो, अरह् जेसी मुँऐं आगे रंणशिंगै-कनाँल़ी की जेई गूँह्ज दा आपु आरी बात कर्दे शुँणाँ थिया, से ही बुलो, के “ईथै ऊँबा आ; अरह् हाँव सेजी बातो ताँव कैई शी देखाऊँबा, जुण्जी बातो ईन्दें पाछी हंणीं जरूरी ही असो।”

प्रकाशितवाक्य 4:4

तेसी सिंगाँस्हणों के चौऊँ ढबे च़ौबीष सिंगाँस्ण असो; अरह् तिनू सिगाँस्हणों गाशी च़ौबीष अगुऐ लोग चींट्टे खोट्णों बाँम्बियों बईठे अंदे असो, अरह् तिन्के मुँढो गाशी सुन्नें के मुँकुट-ताज असो।

प्रकाशितवाक्य 5:13

तेष्णीं ही मुँऐं बादी संईसारी-स्वर्गो दी, ईयों धर्ती थाँई पताल़ो दी, संमुन्द्रो अरह् तिन्दी बंसी अंदी बादी सिर्जी-बंणाई अंदी चींजो दी, अरह् सब-कुछ जुण्जो किऐ तिन्दो असो, तिनू ऐजो बुल्दे शुँणों: “छ़ैल्टे का अरह् सिंगाँस्हणों गाशी बईठा अंदा असो, स्त्तुति, आदर, बड़ियाऐ, अरह् हंक-अधिकार, सदा-सदा हंदा रंह्!”

प्रकाशितवाक्य 7:15

ईन्देंखे, ऐजे जुण्जें पंण्मिश्वर के सिंगाँस्हणों के सहाँम्णें असो, अरह् तेस्की देऊँठी दी देसो-रात्ती तेस्की सेवा करह्, अरह् जू सिंगाँस्हणों गाशी बऐठी रूवा, से तिनू गाशी आप्णें ताँम्बू की छ़या करला।

प्रकाशितवाक्य 7:9

ईन्दें पाछी मुँऐं झ़ेठ पाऐ, अरह् देखो, के मेरे सहाँम्णें ऐक बैशुमाँर बड़ी लोगो की भीड़ जल़सा खह्ड़ा हुआ, जिन्दें की गिनती कुँऐ ने करी पाँव थिया। ऐसी जल़्से भीड़ मुँझी हर ऐक जात्ती मुँझ शे अरह् हर कुँल़-गड़ी अरह् हर भाषा के लोग थिऐ। से तेसी सिंगाँस्ण के सहाँम्णें तेसी छ़ैल़्टे कैई खह्ड़े हुऐ, चिट्टे खोट्णों बाँम्बियों आप्णें हाथों दी खंजूर की डाल़ी लऐयों आऐ,