प्रकाशितवाक्य 13:3 - Sirmouri

³ मुँऐं तेथ्के मुँढों मुँझ़्शा ऐकी दा बैजाऐ बड़ा घाव लागा अंदा देखा, जेष्णों से मँर्णो वाल़ो असो, तबे तेथ्का सेजा बड़ा घाव आछा हऐ गुवा, अरह् धर्ती संईसारी के लोग तेथू बुणेंरो पाछी-पाछी हरान हऐयों चाले।

सिरमौरी नौवाँ नियम

³ तैसी राकस कै मुंडौ पांदी ऐकी घाव का निशान थिया जू तैसकै मौत कै बौजैह बौणै सौकौ थै। पौरौ घाव ठीक हौए गौआ थिया। इथकारिए धोरती कै सौबै लोग हैरान हौए गौवै औरौ राकस कै चैलै बौणै गौवै।

प्रकाशितवाक्य 13:3 ပူးပေါင်းရင်းမြစ်များ

लूका 2:1

तिनू देसो दा ओगुस्तुस कैसर के राजा की ढबे शी ऐजी अज्ञाँ निकल़ी, के रोंम राज्य के बादे ईलाके दे रंहणों वाल़े लोगो के नाँव लिखे ज़ाँव।

यूहन्ना 12:19

ऐजो सब देखियों यहूदी भाट-बाँम्ण आपु मुँझी ओका ओकी खे बुल्दें लागे, “तुऐ किऐ भे करी ने सक्दे; देखो बादी संईसारी ऐसी पाछ़ी चाल पड़ी।”

प्रेरितो कै काम 8:13

आपु तेने शमौन ऐं भे बिश्वाष करा, अरह् नहाँण-नहाँऐयों से भे आपु फ़िलिप्पुस की गईलो हमेंशा रंह्दा लागा; तबे शमौन के आपु भे तिनू च़ींह्न-च़ंम्त्तकार देखियों तेस्के बैजाऐ तूरंबाँणच़ूटी रूऐ थिऐ।

प्रकाशितवाक्य 13:12

से भे तेथू आगले बुँणेंर के हंक-अधिकार जेष्णाँ काँम-काज़ करो थियों; अरह् धर्ती अरह् ईन्दें रंहणों वाल़े लोगो कैई शी तेथू आगले बुणेंरो की जेऐ जेथ्का बड़ा घाव आछा हुवा थिया पूजा कराँव थियो।

प्रकाशितवाक्य 13:14

तिनू चींन-नसाँणी के जाँणें, जिनू तेथू बुणेंरों के जिऐ देखाणों का हंक-अधिकार थिया सेजा तेथ्खे दिया गुवा, से धर्ती दे रंहणों वाल़े भरमाँव थिया, अरह् धर्ती दे रंहणों वाल़े खे बुलो थिया, के जेसी बुणेंरो दी तरवारो की लागी रंऐ थी, सेजो ऊबो जीऊँदो हऐ रूवो, तेथ्की मुर्ती बाँणों।

प्रकाशितवाक्य 17:10

ऐजे सात्त राजा भे असो, पाँच तअ हऐ गुऐ, अरह् ऐक हेभी असो, अरह् ऐक हेभी तोड़ी आऐ ने रंई, अरह् जबे आला तअ किऐ बख्त्तो तोड़ी रंह्दा भे जरूरी ही असो।

प्रकाशितवाक्य 17:11

जुण्जो बुँणेंर आगे थियों, अरह् ऐबे ने आथी, से आपु आठ्वाँ राजा असो, अरह् ईनू सात्तों राजा मुँझ शा ऐक हुआ, अरह् नाँष दा पड़्ला।

प्रकाशितवाक्य 17:13

से बादे ऐक मंन हले, अरह् ऐ आप्णी-आप्णी शक्त्ति अरह् हंक-अधिकार तेथू बुँणेंर खे देले।

प्रकाशितवाक्य 17:17

किन्देंखे के पंण्मिश्वर तिनके मंन दो ऐजो पाऐ देला, के से तिनकी हिछ़या पुरी करह्, अरह् जबे तोड़ी पंण्मिश्वर के बचन पुरे ने हुऐ ताँव-तोड़ी ऐक मंन हऐयों आप्णें-आप्णें राज्य तेथू बुँणेंर खे देऐ दियों।

प्रकाशितवाक्य 17:6

मुँऐ देखो, के सेजी तिरंऐं पबित्र लोगो अरह् मसीया प्रभू यीशू के लह्ऊँ के गुवाह्-शाज़्त्त को लह्ऊँ पीणों लई माँचीं अंदी देखी; तियों देखियों मेरे तोरबाँणच़ूटें।

प्रकाशितवाक्य 17:8

जुण्जों बुँणेंर तुँऐं देखो, से आगे तअ थियों, परह् ऐबे ने से आथी, अरह् अथाह् कुँड शो नीक्ल़ियों नाँष दो पड़्दो, अरह् धर्ती दे रंहणों वाल़े जिनके नाँव संईसारी की उत्पत्ति के बख्त्तो शे जीवन की कताबे दे लिखी ने थई, से ऐथू बुँणेंर की ऐजी दंषा देखियों, के आगे थियों अरह् ऐबे ने आथी, अरह् से हजो आँदों, तबे तिनके तोरबाँण च़ूट्दे।