प्रकाशितवाक्य 13:15 - Sirmouri

¹⁵ तेथ्खे तेथू आगले बुणेंरो की मुर्ती दी जीयाँन-प्राँण पाँणों का हंक-अधिकार दिया गुवा, के सेजी आगले बुणेंरो के मुर्ती बुल्दी लागो, अरह् जै-तोड़े लोग तेथू बुणेंरों की पूजा ने करह् तिनू मँरवाऐ दियों।

सिरमौरी नौवाँ नियम

¹⁵ औकै राकस खै आगलै राकस कै मूर्ति बाणैयौ तैसी जियुंदी कौरणौ का औधिकार दैय गौआ, ताकि राकस कै मूर्ति बौल बै सौकौ औरौ तिनु लोगौ खै मारै दैंव जू तैसी राकस कै मूर्ति कै पूजा ना कौरौ।

प्रकाशितवाक्य 13:15 ပူးပေါင်းရင်းမြစ်များ

याकूब 2:26

अरह्: जैष्णी देह्-शरीर आत्त्मा के बिना मरी अंदे असो, तेष्णा ही बिश्वाष भे कर्मों के बिना मंरा अंदा असो।

प्रकाशितवाक्य 13:1

तबे मुँऐ ऐक बुँणेंर समुँन्द्र शो निकल़्दे देखो, जैथ्के दष शींगों गाशी दष राज मुँकुट-ताज, अरह् तैथ्के मुँढों गाशी पंण्मिश्वर की चूगली के नाँव लिखें अंदें थिऐ,

प्रकाशितवाक्य 13:12

से भे तेथू आगले बुँणेंर के हंक-अधिकार जेष्णाँ काँम-काज़ करो थियों; अरह् धर्ती अरह् ईन्दें रंहणों वाल़े लोगो कैई शी तेथू आगले बुणेंरो की जेऐ जेथ्का बड़ा घाव आछा हुवा थिया पूजा कराँव थियो।

प्रकाशितवाक्य 13:14

तिनू चींन-नसाँणी के जाँणें, जिनू तेथू बुणेंरों के जिऐ देखाणों का हंक-अधिकार थिया सेजा तेथ्खे दिया गुवा, से धर्ती दे रंहणों वाल़े भरमाँव थिया, अरह् धर्ती दे रंहणों वाल़े खे बुलो थिया, के जेसी बुणेंरो दी तरवारो की लागी रंऐ थी, सेजो ऊबो जीऊँदो हऐ रूवो, तेथ्की मुर्ती बाँणों।

प्रकाशितवाक्य 14:11

तिनकी बैद्णी-पीड़ो का धुवाँ ज़ूगौ-ज़ूगौ तोड़ी ऊठ्दा रंह्दा, अरह् जू तेथू बुणेंरो अरह् तेथ्की मुर्ती की पूजा करह्, अरह् जू तेथू के नाँव की छाप-मुँहर आपुदी लुवाँव, तिनू रात्ती देसो चऐनं ने भेटो।”

प्रकाशितवाक्य 14:9

तबे ईन्दें पाछ़ी ऐक हजो, च़ीज़ा, स्वर्गदूत्त बैजाऐ जुराल़ो, बुल्दे आया, के “जू कुँऐं तेथू बुणेंरो अरह् ऐथू की मुर्तीं की पूजा करह्, अरह् आप्णे माँथे के आप्णें हाथो गाशी ऐथ्की छाप-मुँहर लुवाला,

प्रकाशितवाक्य 16:2

ईन्देंखे आगले स्वर्गदूत्त ऐ ज़ाऐयों आप्णा बैलुवा धर्ती गाशी पेरी दिता। जिन्दें का नंतिजा ऐजा हुवा, तिनू आदमी ऐ, जिनू गाशी तेथू खराब-खाऊरे बुँणेंरो की छाप-मुँहर थी, अरह् जुण्जे तेथू खाऊरे बुँणेंरो की मुर्ती के पूजा करह् थिऐ, तिन्दे फोड़े-दु:ख्णें फाटे।

प्रकाशितवाक्य 16:5

तबे मुँऐं बादे पाँणी के हाकम स्वर्गदूत्त ऐजो बुल्दे शुँणों: “हे पबित्र, जू असो, अरह् जू थिया, तू नीयाँईच़ू असो, अरह् तुँऐं ऐजा नियाँव करा।

प्रकाशितवाक्य 17:14

से छैल़्टे आरी लड़्दे, परह् छैल़्टा तिन शा जींत्ती ज़ाँदा, किन्देंखे के से प्रभूओं का प्रभू, अरह् राजाओं का राजा असो, अरह् जू बईदे अंदे, अरह् चूणें-छाँटे अंदे अरह् बिश्वाषी असो, से तेस्की गईलो असो; से भे राज्य पाँदें।”

प्रकाशितवाक्य 17:17

किन्देंखे के पंण्मिश्वर तिनके मंन दो ऐजो पाऐ देला, के से तिनकी हिछ़या पुरी करह्, अरह् जबे तोड़ी पंण्मिश्वर के बचन पुरे ने हुऐ ताँव-तोड़ी ऐक मंन हऐयों आप्णें-आप्णें राज्य तेथू बुँणेंर खे देऐ दियों।

प्रकाशितवाक्य 17:6

मुँऐ देखो, के सेजी तिरंऐं पबित्र लोगो अरह् मसीया प्रभू यीशू के लह्ऊँ के गुवाह्-शाज़्त्त को लह्ऊँ पीणों लई माँचीं अंदी देखी; तियों देखियों मेरे तोरबाँणच़ूटें।

प्रकाशितवाक्य 18:20

आँन्दित्त हों: ‘हे स्वर्गो! आँन्दित्त हों, हे पबित्र लोगो! खास-चैले अरह् ऋषियों! किन्देंखे के पंण्मिश्वर ऐ तिन्खे तुँवाँरी गईलो, करे गुऐं बुरे बरताव कर्णो खे सजा देऐ थंऐ।’”

प्रकाशितवाक्य 18:24

तुँओं ही मुँझी, ऋषियों अरह् पबित्र लोगो, अरह् संईसारी धर्ती गाशी घात हंत्त्याँ करे गुऐ, सोभी आदमी को लह्ऊँ पड़ी रूवों थियों।”

प्रकाशितवाक्य 19:20

सेजो बुँणेंर, अरह् तेस्की गईलो सेजे झूठे ऋषी, थाँम्बड़े गुवे, जेथू ऐ तेसके सहाँम्णें संईसारी दी ऐशी चींन-नींषाणीं देखाऐ थी, जिन्दे के जाँणें तेने तिनू भरंमाँऐं-दुरंताँऐ जिनू गाशी तेथू बईच़ीं की छाप-मुँहर थी, अरह् जुण्जे तेथू बुँणेर की पूजा करह् थिऐ। तिनू जीऊँदे ही तियों आगी की झील नंरक दे, जू गंन्धक शी जल़्दी रंह्, तिनू बादे तिन्दें पाऐ गुऐ।

प्रकाशितवाक्य 20:4

तबे मुँऐ सिंगाँस्णों देखे, जिन्दें गाशी सेजे लोग बऐठी रूऐ थिऐ, जिन कैई नियाँव कर्णो का हंक-अधिकार दिया गुवा थिया। तबे मुँऐ तिनकी आत्त्मा भे देखी, जिनके मुँढों प्रभू यीशू की गुवाऐ-शाज़्त्त देणों के कारण, अरह् पंण्मिश्वर का बचन का प्रचार कर्णो के कारण काटी थुऐ थिऐ, जिन्ऐं तेथू माँरकुट बुँणेंर की मुर्ती की पूजा ने करी थई थी, जिनके माँथे अरह् हाथों दे तेथू माँरकुट बुणेंर के छाप-मुँहर ने लाऐ थंई थी, सेजे लोग पाछू ऊबे जींऊँदें हुऐ, अरह् हजार साल्ह तोड़ी मसीया की गईलो तिन्ऐं राज्य करो।