प्रकाशितवाक्य 13:11 - Sirmouri

¹¹ तबे मुँऐ ऐक ऊको बुँणेंर धर्ती शो निकल़्दे देखो, तैथू के छ़ैल़्टे के जिऐं दो शींग थिऐ, अरह् से पाँखों वाल़े अजंगर के जेष्णों बुलाँव थियों।

सिरमौरी नौवाँ नियम

¹¹ तोबै मोऐं ऐक ओका राकस खै धोरती पौरैशा निकल़दै बैई दैखा, ऐसकै दो शींग थिए जैशै मेम्ने कै हौंव। पौरौ जोबै ऐजा बौल़ौऊवा तौ तैसकै आवाज़ अजगर कै जैशणै थै।

प्रकाशितवाक्य 13:11 ပူးပေါင်းရင်းမြစ်များ

मत्ती 7:15

“झूठी बरंम्बाणीं कर्णो वाल़े, ऋषी शे सकने-चौक्क्ष रूऐ, जुण्जे भेंढ़ो के भेष दे तुँओं कैई आँव, परह् से भित्रो शे भूखे भेड़िऐ हों, जू बख्तो गाशी ऊपाड़ियों खाँव।

रोमियों 16:18

किन्देंखे के ऐष्णे लोग अमाँरे प्रभू मसीया के ने, परह् आप्णे पेटो के सेवा करह्; अरह् लट-पटी बातो लई सिधे-साधे मंन के लोग बह्काऐ दियों।

2 थिस्सलुनीकियों 2:4

से आपु खे बादी चींजो शा बड़ा बंणदा, अरह् बिरूध करला, तिनका जू पंण्मिश्वर के आदर्णिऐं असो, अरह् से पंण्मिश्वर की देऊँठी दा बऐठियों आपु-आप्खे पंण्मिश्वर बुल्दा।

प्रकाशितवाक्य 11:7

जबे से आप्णी गुवाऐ-शाज़्त्त देऐ पाले, तअ सेजो जाँगल़ो को बुँणेंर जू अथाह् कुँड मुँझ्शो निक्ल़ी रूवो थियों, तिनशो से लड़ियों जींत्ती ज़ाँदो, अरह् से तिनू माँरी देन्दों।

प्रकाशितवाक्य 12:17

तबे सेजा पाँखों वाल़ा बड़ा अजंगर तियों तिरंई खे घीपा, अरह् तियाँरी ओकी अलादी शो, ज़ूद्ध करदा नींक्ल़ा, मंतल्व तिनू लोगों आरी जुण्जे पंण्मिश्वर के अज्ञाँओं का पाल़्ण करह्, अरह् प्रभू यीशू के बारे दी देई गंई गुवाई-शाज़्त्त दे पाक्कै-अट्ल़ रंह्।

प्रकाशितवाक्य 13:1

तबे मुँऐ ऐक बुँणेंर समुँन्द्र शो निकल़्दे देखो, जैथ्के दष शींगों गाशी दष राज मुँकुट-ताज, अरह् तैथ्के मुँढों गाशी पंण्मिश्वर की चूगली के नाँव लिखें अंदें थिऐ,

प्रकाशितवाक्य 13:17

के तेथ्के सुवाऐं जिनू गाशी तेथू बुणेंरों के छाप-मुँहर के तेथ्के नाँव का नंम्बर हों, से ओका ओकी आरी किऐ भे लेण-देण ने करी सको थिऐ।

प्रकाशितवाक्य 13:4

लोगें तेसी पाँखों वाल़े अजंगर के पूजा करी, किन्देंखे के तेने तैथू बुँणेंर खे आप्णा हंक-अधिकार देऐ थुवा थिया, अरह् ऐजो बुलियों तैथू बुँणेंर के पूजा करी, के “ऐथू बुँणेंर जेष्णों कुँण असो? ऐथू आरी कुँण लड़ी सको?”

प्रकाशितवाक्य 16:13

तबे मुँऐ तेसी बड़े अजंगर के मुँह शो, अरह् तेथू बुँणेंर के मुँह शी, अरह् तेसी झूठे ऋषियों के मुँहों शी च़ींन अशुद्ध आत्त्मा मिढके जिऐ नीकल़्दे देखे।

प्रकाशितवाक्य 17:6

मुँऐ देखो, के सेजी तिरंऐं पबित्र लोगो अरह् मसीया प्रभू यीशू के लह्ऊँ के गुवाह्-शाज़्त्त को लह्ऊँ पीणों लई माँचीं अंदी देखी; तियों देखियों मेरे तोरबाँणच़ूटें।

प्रकाशितवाक्य 17:8

जुण्जों बुँणेंर तुँऐं देखो, से आगे तअ थियों, परह् ऐबे ने से आथी, अरह् अथाह् कुँड शो नीक्ल़ियों नाँष दो पड़्दो, अरह् धर्ती दे रंहणों वाल़े जिनके नाँव संईसारी की उत्पत्ति के बख्त्तो शे जीवन की कताबे दे लिखी ने थई, से ऐथू बुँणेंर की ऐजी दंषा देखियों, के आगे थियों अरह् ऐबे ने आथी, अरह् से हजो आँदों, तबे तिनके तोरबाँण च़ूट्दे।