प्रकाशितवाक्य 13:10 - Sirmouri

¹⁰ जिनखे कय्दी दो ज़ाँणों लिखी थो, से कय्दी दा ही ज़ाँदा; अरह् जुण्जा तरवारी लई माँरों, से तरवारी ही लई माँरा ज़ाँदा, ईन्देंखे ऐजो जरूरी असो, के पबित्र लोगो का सबेर अरह् बिश्वाष का बख्त्त असो।

सिरमौरी नौवाँ नियम

¹⁰ जिनु लोगौ खै कोयद कौरा जाणा तय औसौ, सैजै निशोंक हौयौ कोयद कौरे जांदै, औरौ जिनु कारिए तय औसौ कै सै औकै लोगौ कै दवारा तलवार शै मारै जांदै, तौ सैजै निशोंक हौयौ तलवार शै ही मारै जांदै। इथकारिए जौरुरी औसौ कै पौरमेशवर कै लोग तिनु मुशकिलो खै सैहन कौरौ जू सै महसूस कौरौ औरौ बिशवाश कौरणौ दै मोजबूत रौंव।

प्रकाशितवाक्य 13:10 ပူးပေါင်းရင်းမြစ်များ

मत्ती 26:52

तबे प्रभू यीशू ऐ तेस्खे बुलो, “आप्णी तरवार मियाँनों दी थंह्, किन्देखे के जुण्जे तरवार चलाँव, सेजे तरवारी ही लई नाँष करे ज़ाले।

मत्ती 7:2

किन्देखे के जेष्णें तुँऐं दोष-ईल़्जाँम लाँव, तेष्णे ही तुँओं गाशी भे दोष-ईल़्जाँम लाया ज़ाँदा; अरह् जेसी पाथें-सोल़े लई तुँऐं मिणों तेसी ही पाथें-सोल़े लई तुँओं खे भे मिणों ज़ालो।

लूका 21:19

आप्णी शाँण्त्ति-सबेर लई तुँऐं आप्णे पराँण बचाऐं पाँदे।

कुलुस्सियों 1:11

तिनके बड़ियाऐं के शक्त्ति के मुँताबिक शे हर तेरह् की तागत शे बलवाँन हंदे ज़ाव, ऐथै तोड़ी के खुशी आरी हर तरेह् शे सबैर, अरह् संह्ऐनशील्ता देखाऐं सको।

इब्रानियों 6:12

जू तुँऐं गीद्दी-आल़सी ने बंणी ज़ाँव, परह् तिनके जैष्णें बंणों, जू बिश्वाष अरह् धीरज-सबैर के कारण प्रभू के बाय्दे के हंकदार असो।

प्रकाशितवाक्य 1:9

हाँव यूहन्ना, जू तुवाँरा भाऐ अरह् प्रभू यीशू के कल़ेष अरह् राज्य अरह् धीरज दा तुवाँरा साजी असो, पंण्मिश्वर के बचन अरह् प्रभू यीशू की गुवाऐ-शाज़्त्त के कारण हाँव पतमुस नाँव के टापू दा थिया।

प्रकाशितवाक्य 11:18

सोभी जात्ती के लोगे ऐ रोष-कुरूध करा: अरह् तिनू गाशी पंण्मिश्वर की माँर पड़ी, अरह् सेजा बख्त आऐ पईचा के मँरे अँदे का नियाँव करा ज़ाँव, अरह् तेरे दास ऋषियों, अरह् पबित्र लोगो खे अरह् तिनू छुटे बड़े खे जू तेरे नाँव शे डरो ऐ, बद्ल़ा दिया ज़ाँव, अरह् धर्ती के बिगाढ़्णों वाल़े नाँष करे ज़ाँव।”

प्रकाशितवाक्य 14:12

ईन्देंखे ऐजो जरूरी असो, के पबित्र लोगो का धीरज ईन्दी ही असो, के जुण्जे पंण्मिश्वर की आत्त्मा की अज्ञाँ माँनों अरह् प्रभू यीशू गाशी बिश्वाष थंह्।

प्रकाशितवाक्य 16:6

किन्देंखे के तिन्ऐ पबित्र लोगो अरह् ऋषियों को लह्ऊँ बुवाओं थियो: अरह् तुँऐं तिन कैई शो लह्ऊँ पियाओं; किन्देंखे के से ईन्दी ज़ूगै असो।”

प्रकाशितवाक्य 17:11

जुण्जो बुँणेंर आगे थियों, अरह् ऐबे ने आथी, से आपु आठ्वाँ राजा असो, अरह् ईनू सात्तों राजा मुँझ शा ऐक हुआ, अरह् नाँष दा पड़्ला।

प्रकाशितवाक्य 17:8

जुण्जों बुँणेंर तुँऐं देखो, से आगे तअ थियों, परह् ऐबे ने से आथी, अरह् अथाह् कुँड शो नीक्ल़ियों नाँष दो पड़्दो, अरह् धर्ती दे रंहणों वाल़े जिनके नाँव संईसारी की उत्पत्ति के बख्त्तो शे जीवन की कताबे दे लिखी ने थई, से ऐथू बुँणेंर की ऐजी दंषा देखियों, के आगे थियों अरह् ऐबे ने आथी, अरह् से हजो आँदों, तबे तिनके तोरबाँण च़ूट्दे।

प्रकाशितवाक्य 2:19

हाँव तेरे काँम-काज़, तेरो प्यार अरह् बिश्वाष अरह् सेंवा अरह् धीरज, जाँणू ऐ, अरह् ऐजो भे के तेरी पाछले काँम-काज़ आगले शे बड़ियों असो।

प्रकाशितवाक्य 2:2

“हाँव तेरे काँम-काज़, अरह् तेरी मेंह्नत, अरह् तेरे धीरज जाँणू ऐ; अरह् ऐजो भे के तू बूरे लोग संह्ऐन ने करी सक्दा, अरह् जुण्जे आपु-आप्खे प्रभू यीशू के खास-चैला बुलो, सेजे प्रभू यीशू के खास-चैले ने आथी, तिनू तुँऐं जाँचि-पर्खियों देखे के से झुठे लोग असो।

प्रकाशितवाक्य 3:10

तुँऐं मेरे धीरज के बचन थाँबी थुऐ, ईन्देंखे हाँव भे ताँव र्पख्णों के बख्त्ते बंचाऐयों थंऊँबा, जू धर्ती गाशी रंहणों वाल़े र्पखोंदा अरह् बादी संईसारी गाशी आँणों वाल़ा असो।

प्रकाशितवाक्य 3:3

ईन्देंखे चींत्ते करह् के तुँओं केष्णी शिक्क्षा भेटी, अरह् केष्णों तुँऐं शुँणों, अरह् तियों शिक्क्षा दा पाक्का अट्ल़ बँणा अँदा रंह्, अरह् आप्णा मंन बदल़। अरह् जे तू ऐबे भे शुझ़ी दा ने आया, तअ हाँव चोर जेष्णाँ आँऊबा, जू ताँव कैई पता ही ने लागो, के हाँव कोसी बख्ते ताँव गाशी पड़ूबा।