प्रकाशितवाक्य 12:4 - Sirmouri

⁴ तेने बड़े अजंगर ऐ अस्माँनों शे ऐक च़ीज़ा हिस्सा तारे आप्णी लेंघह् लई, मेंठियों धर्ती गाशी फेरकाऐ दिते, अरह् तबे सेजा पाखों वाल़ा अजंगर तियों तिरंई के सहाँम्णें, जियाँरें नहाँन्ड़िया हंणों वाल़ो थियों, खड़ा हुवा, के जेई ईयों तिरंई के नहाँन्ड़िया पय्दा हंलो, तेई हाँव ईयाँरों सेजो नहाँन्ड़िया साबुत ऊँदो घुटी पाँऊबा।

सिरमौरी नौवाँ नियम

⁴ औरौ तैसकै पूँछै गौयण कै तारै कै ऐक तिहाई खै खिंचैयौ धोरती पांदी फेरकाए दियै, औरौ सैजा बौड़ा अजगर तियौं बैटमाणिशौ कै सामणै खौड़ा हौए गौआ ताकि तियांरै बौच्चै खै पौयदा हौंदै ही खाए जांव।

प्रकाशितवाक्य 12:4 ပူးပေါင်းရင်းမြစ်များ

यूहन्ना 8:44

तुऐं आप्णें बाबा शैतान के असो, अरह् तुऐं आप्णें बाबा के हिछ़या पुरी कर्णी चहाँव; से शुरू शा ही ऊँबा हत्त्यारा असो। अरह् से सच्चाई का हिस्सा कंद्दी ने बंणीं, किन्देंखे के तेस्दी सच्चाऐ ने आथी; किन्देंखे के जबे भे से झुठो बुलो, तअ से आप्णें ही सभाव के कारण बुलो; किन्देंखे के से झुठा, अरह् झुठे का बाबा असो।

1 पतरस 5:8

च़ौक्क्ष रूऐ, अरह् बीऊँजी रूऐ; किन्देंखे के तुवाँरा बिरोधी शैतान नाँदिणों वाल़े सिंह के जेष्णाँ ऐसी ताक दा रंह, के कोसी ऊपाड़ियों खाऊँ।

प्रकाशितवाक्य 12:7

तबे स्वर्गो दी लड़ाऐ-ज़ूद्ध हुऐ, मीकाईल अरह् तेस्के दूत्त तेसी बड़े पाँखों वाल़े अजंगर आरी लड़दे-ज़ूद्ध कर्दे निक्ल़े; अरह् सेजा पाँखों वाल़ा अजंगर अरह् तेसके दूत्त तिनू आरी लड़े,

प्रकाशितवाक्य 12:9

तबे सेजा बड़ा पाँखों वाल़ा अजंगर मतल्व सेजा ही पुराँणा शंगाव जैस्खे इबलीस, मतल्व जेस्खे शैतान बुली, अरह् बादी संईसारी का भरंमाँणों वाल़ा थिया, तेसी तेस्के दूत्तों आरी ऊदा धर्ती गाशी फेरकाऐयों पट्की दिता।

प्रकाशितवाक्य 13:2

जुण्जो बुँणेंर मुँऐ देखो, से चींत्ते जेष्णों थियों; अरह् तैथू के लात्त रीछ़ौ के जिऐ थिऐ, अरह् मुँह शेरो को जियो थियो। तेने पाँखों वाल़े अजंगर ऐ आप्णी शँक्त्ति अरह् आप्णों सिंगाँस्ण अरह् बड़ा हंक-अधिकार तेथ्खे देऐ दिता।

प्रकाशितवाक्य 13:4

लोगें तेसी पाँखों वाल़े अजंगर के पूजा करी, किन्देंखे के तेने तैथू बुँणेंर खे आप्णा हंक-अधिकार देऐ थुवा थिया, अरह् ऐजो बुलियों तैथू बुँणेंर के पूजा करी, के “ऐथू बुँणेंर जेष्णों कुँण असो? ऐथू आरी कुँण लड़ी सको?”

प्रकाशितवाक्य 16:13

तबे मुँऐ तेसी बड़े अजंगर के मुँह शो, अरह् तेथू बुँणेंर के मुँह शी, अरह् तेसी झूठे ऋषियों के मुँहों शी च़ींन अशुद्ध आत्त्मा मिढके जिऐ नीकल़्दे देखे।

प्रकाशितवाक्य 17:18

सेजी तिरंऐंं, जियों तुँऐं देखी थी, से बड़ा नंगर असो, जू धर्ती के राजाओं गाशी राज्य करह्।”

प्रकाशितवाक्य 20:2

तेने तेसी बड़ा पाँखो वाल़ा अजंगर, मतल्व पुराँणा शंगाव, इबलीस, जुण्जा शैतान असो, तेसी थाँम्बड़ियों हजार साल्ह खे बाँनी दिता,

प्रकाशितवाक्य 8:10

च़ीज़े स्वर्गदूत्ते रंणशिंगें-कनाँल़ी फूकरी, अरह् ऐक बड़ा तारा जू डाव जेष्णाँ बल़ों थिया, से स्वर्गो शा च़ूटा, अरह् नंदियों के ऐकी च़ीज़े हिस्से पाँणी के फट्वाँणी गाशी पड़ा,

प्रकाशितवाक्य 8:11

तेसी तारे को नाँव नाँगदौना असो; अरह् च़ीज़ा हिस्सा पाँणी नाँगदौना जेष्णों कड़ूवो बंणों, अरह् बैजाऐ आदमी तैथू कड़ूवें पाँणी लई मँरी गुऐ।

प्रकाशितवाक्य 8:12

चौऊथे स्वर्गदूत्ते रंणशिंगें-कनाँल़ी फूकरी, अरह् सुर्जो का ऐक च़ीज़ा हिस्सा, अरह् चाँद के च़ीज़े हिस्से दो, अरह् तारे का भे ऐक च़ीज़ा हिस्से दी तैष्णी ही कठ्णाँई आई, ऐथै तोड़ी के तिनके ऐक च़ीज़े हिस्से दो ईनाँरो पड़ो, अरह् देसो के ऐक च़ीज़े हिस्से दो, पियाँषों ने रंही, अरह् तैष्णों ही रात्ती खे भे हुवो।

प्रकाशितवाक्य 8:7

आगले स्वर्गदूत्ते रंणशिंगें-कनाँल़ी फूकरी, अरह् लह्ऊँ वाल़े शोरू अरह् आग पय्दा हऐ, अरह् धर्ती गाशी पाऐ दिती, अरह् धर्ती का च़ीज़ा हिस्सा जल़ी गुवा, अरह् डाल़ भे च़ीज़ा हिस्सा जल़ी गुऐ, अरह् बादो होरो घास भे जल़ी गुवो।

प्रकाशितवाक्य 8:8

दुज़े स्वर्गदूत्ते रंणशिंगें-कनाँल़ी फूकरी, तबे ऐशो जाँणों के आगी लई भभ्का अंदा टिम्बा संमुन्द्रो दा पाया; अरह् संमुन्द्रो का ऐक च़ीज़ा हिस्सा लह्ऊँ बंणों,

प्रकाशितवाक्य 8:9

अरह् सुमद्रो का ऐक च़ीज़ा हिस्सा जींव मँरी गुऐ, अरह् ऐक च़ीज़ा हिस्सा जहाँज नष्ट हऐ गुऐ।

प्रकाशितवाक्य 9:10

तिनकी लीघह् बीच्चू की जेई थी, अरह् तिनके डंक-झ़ाह्टी बीच्चू की जेई, अरह् तिनखे पाँच भीने तोड़ी आदमी खे दु:ख बैद्णीं देणों की शक्त्ति भेटी रंऐ थी, जुण्जी तिनकी लीघह् दे थी।

प्रकाशितवाक्य 9:19

किन्देंखे के तिनू घोड़े की शक्त्ति तिनके मुँह अरह् लीघह् दे थी; ईन्देंखे के तिनकी लीघह् शंगाव जिऐं थिऐ, अरह् तिनू लीघह् दे मुँढों भे थिऐ, अरह् तिन्दी ही लई से बैद्णी भे लुवाँव थिऐ।