प्रकाशितवाक्य 12:11 - Sirmouri

¹¹ से छ़ैल़्टे के लह्ऊँ, के कारण अरह् आप्णीं गुवाऐ-शाज़्त्त के बचन के कारण तिन्ऐं शैतान गाशी जींत्त पाऐ; किन्देंखे के तिन्ऐ आप्णें जीवन को प्यार छ़ुड़यों मंऊँत्ती का सू-स्वागत्त करा।

सिरमौरी नौवाँ नियम

¹¹ अमारै बिश‍वाशीयै शैतान कै हराए राए। तिनुऐ तैसी मेम्ने कै लोऊ कै शौकतै शै हराए राए, जू तिनु तिनकै पापौ शै छुड़ाणो कारिए मौरे गौआ। तिनुऐ तैसी हराए दिया जिथुकै तिनुऐ ऐजा बिशवाश बौणायौ राखा कै मेम्‍ना तिनका पौरमेशवर थिया। हालांकि तिनु सताए गौवै या इथै तौड़ी कै मारै दियै गौवै, पौरौ सै तैसी मानणौ शै पाछु ना फिरी।

प्रकाशितवाक्य 12:11 ပူးပေါင်းရင်းမြစ်များ

लूका 14:26

“जे कुँऐं मुँह पाछ़ी आऐयों मेरा चैला बंण्णों चहाँव तअ तेसी, आप्णें माँ-बाबा, घरवाल़ी, अलाद, भाऐ-बंईणों, अरह् ऐतै तोड़ी के आप्णी जीयाँन-प्राण भे निष्टे ने करी दियों तअ से मेरा चैला ने हऐ सक्दा।

यूहन्ना 16:33

मुँऐं तुओं कैई ऐजो सब-कुछ़ ईन्देंखे बुलो, के तुँओं शाँण्त्ति भेटो; किन्देंखे के संईसारी दे तुओं खे सिर्फ दु:ख्ह अरह् कल़ेष असो; परह् आँनन्दित्त खुशी हुऐ, के मुँह संईसारी गाशी जींत्त भेंटी रंऐ।”

प्रेरितो कै काम 20:24

मेरी नंजरी दे, मेरे जीवन-प्राँण के किऐ भे मोंल-किमम्त्त ने आथी; मेरे आप्णी जीयाँन-प्राँण प्यारे आथी ने: हाँव सिर्फ आप्णीं सेजी दोऊँड़ खह्त्तंम कर्णी चहाँऊ; अरह् सेजी सेंवा पुरी कर्णी चहाँऊ; जुण्जी प्रभू यीशू ऐं मुँह्खें देऐ थंऐ, मतल्व हाँव पंण्मिश्वर के कृपा की खुषख्बरी की गुवाऐ-शाज़्त्त देंदा रंह्ऊँ;

प्रेरितो कै काम 21:13

ईन्दे गाशी संत्त-पौलुस ऐ जबाब दिता, “तुँऐं लोगे तअ रूऐ-रूऐयों मेरा दिल च़ूड़ी लुवा, अरह् ऐजो बुलियों? हाँव प्रभू यीशू के नाँव के कारण यरूशलेम दा बाँनणों शा ने, परह् मंर्णो खे बे तैयार असो।”

रोमियों 16:20

शाँण्त्ति का पंणमिश्वर शैतान तुँवारी लातो थाँई शिघा घिंज्णों खे पाँदा। अमाँरे प्रभू यीशू मसीया की कृपा तुँओं गाशी हंदी रंह्।

1 कुरिन्थियों 15:57

परह् पंणमिश्वर का धन्यबाद हों, जू अमाँरे प्रभू यीशू मसीया के जाँणें आँमों जींताँव भेटा।

1 यूहन्ना 4:4

हे प्यारे नहाँन्ड़िया, तुँऐं पंण्मिश्वर के असो, झूठे ऋषी तुँऐं हराऐ पाऐ; किन्देंखे के जुण्जा तुओं दा बास करह्, से तैच़्छ़ा बड़ा असो; जुण्जा संईसारी दा असो।

1 यूहन्ना 5:5

कुँण असो सेजा जू संईसारी गाशी जीत्त पाँव? कियों सेजा ही आथी ने जू ऐजा बिश्वाष करह्, के प्रभू यीशू मसीया ही पंण्मिश्वर का बैटा असो?

प्रकाशितवाक्य 1:2

संत्त-यूहन्ना ऐ ऐजा प्रमाँण देंदे बुलो, के मुँऐ जुण्जो किऐ देखो, सेजा पंण्मिश्वर का बचन अरह् यीशू मसीया के गुवाऐ-शाज़्त्त असो।

प्रकाशितवाक्य 1:9

हाँव यूहन्ना, जू तुवाँरा भाऐ अरह् प्रभू यीशू के कल़ेष अरह् राज्य अरह् धीरज दा तुवाँरा साजी असो, पंण्मिश्वर के बचन अरह् प्रभू यीशू की गुवाऐ-शाज़्त्त के कारण हाँव पतमुस नाँव के टापू दा थिया।

प्रकाशितवाक्य 11:7

जबे से आप्णी गुवाऐ-शाज़्त्त देऐ पाले, तअ सेजो जाँगल़ो को बुँणेंर जू अथाह् कुँड मुँझ्शो निक्ल़ी रूवो थियों, तिनशो से लड़ियों जींत्ती ज़ाँदो, अरह् से तिनू माँरी देन्दों।

प्रकाशितवाक्य 12:17

तबे सेजा पाँखों वाल़ा बड़ा अजंगर तियों तिरंई खे घीपा, अरह् तियाँरी ओकी अलादी शो, ज़ूद्ध करदा नींक्ल़ा, मंतल्व तिनू लोगों आरी जुण्जे पंण्मिश्वर के अज्ञाँओं का पाल़्ण करह्, अरह् प्रभू यीशू के बारे दी देई गंई गुवाई-शाज़्त्त दे पाक्कै-अट्ल़ रंह्।

प्रकाशितवाक्य 19:10

ईन्देंखे हाँव स्वर्गदूत्त खे नंमष्कार कर्णो खे लाँम्बा पसरियों तिनके लातो गाशी पड़ा। तिन्ऐ मुँखे बुलो, “देख, ऐष्णों ने करे, हाँव तेरा अरह् तेरे भाईयों का संगी दास असो, जू प्रभू यीशू की गुवाऐ-शाज़्त्त देंदा संईसारी दा आऐ रूवा। पंण्मिश्वर ही के लातो गाशी पसरियों नमंष्कार करह्;” किन्देंखे के प्रभू यीशू के गुवाऐ-शाज़्त्त ही ऋषियों के आत्त्मा असो।

प्रकाशितवाक्य 2:13

हाँव ऐजो जाँणू ऐ, के तू तेथै रंऐ, जेथै शैतान को सिंगाँस्ण असो; तू मेरे नाँव गाशी पाका अट्ल़ रूऐ, अरह् मुँह गाशी बिश्वाष कर्णो शा तिनू देसो दा भे पाछू ने फिरे, जिनू मुँझी मेरा बिश्वाष ज़ूगा, भाऐ अन्तिपास जू तुवाँरे बीचो दा तेसी जागा दा मेरी खुषख्बरी शुँणाँणों के कारण माँरा गुवा जेथै शैतान आप्णों राज करह्।

प्रकाशितवाक्य 2:17

जिनके काँन हों, से शुँणी पाँव, के पबित्र-आत्त्मा कलीसियाओं खे का बुलो। के जू जींत्ती ज़ाँव, तिन्खे हाँव चुप्पी के मंन्ना मुँझ्शो देऊँबा, अरह् तैस्खे ऐक चीटा पात्त्थर भे देऊँबा; अरह् तेसी पात्त्थर गाशी ऐक नुंवों नाँव लिखो अंदो हलो, तेसी पात्त्थर भेंट्णों वाल़े के सुवाऐ ओका कुँऐं ने जाँण्ला।

प्रकाशितवाक्य 2:26

जुण्जा जींत्ती ज़ाँला, मतल्व आखरी तोड़ी मेरी हिछ़्या पुरी करला, तअ हाँव तैस्खे राज्य गाशी हंक-अधिकार देऊँबा।

प्रकाशितवाक्य 2:7

जिनके काँन हों से शुँणी पाव, के पबित्र-आत्त्मा कलीसियों खे का बुलो। के जुण्जा जींत्ती ज़ाँव, हाँव तैस्खे तेसी जीवन के बड़े डाल़-पेड़ मुँझ्शो जू पंण्मिश्वर के स्वर्गो दा असो, तिन्दें के फल़ खाणों देऊँबा।”

प्रकाशितवाक्य 20:4

तबे मुँऐ सिंगाँस्णों देखे, जिन्दें गाशी सेजे लोग बऐठी रूऐ थिऐ, जिन कैई नियाँव कर्णो का हंक-अधिकार दिया गुवा थिया। तबे मुँऐ तिनकी आत्त्मा भे देखी, जिनके मुँढों प्रभू यीशू की गुवाऐ-शाज़्त्त देणों के कारण, अरह् पंण्मिश्वर का बचन का प्रचार कर्णो के कारण काटी थुऐ थिऐ, जिन्ऐं तेथू माँरकुट बुँणेंर की मुर्ती की पूजा ने करी थई थी, जिनके माँथे अरह् हाथों दे तेथू माँरकुट बुणेंर के छाप-मुँहर ने लाऐ थंई थी, सेजे लोग पाछू ऊबे जींऊँदें हुऐ, अरह् हजार साल्ह तोड़ी मसीया की गईलो तिन्ऐं राज्य करो।

प्रकाशितवाक्य 3:12

जू जींत्ती ज़ाँव तेसी हाँव आप्णें पंण्मिश्वर की देऊँठी दा ऐक खँम्बा बंणाँऊबा, अरह् से कद्दी भे बाऐर ने नींकल़्ला; अरह् हाँव आप्णे पंण्मिश्वर को नाँव अरह् आप्णे पंण्मिश्वर के नंगर, मतल्व नुऐं यरूशलेम को नाँव, जू मेरे पंण्मिश्वर कैई शो स्वर्गो शो ऊँदो आऐ रूवों, अरह् आप्णों नुंवों नाँव तिन्दो लिखूबा।

प्रकाशितवाक्य 3:21

जू जींत्ती ज़ाव, हाँव तेसी आप्णी गईलो सिंगाँस्हणों गाशी बईठाल़ूबा, जेष्णाँ हाँव भे जींतियों आप्णे बाबा की गईलो सिंगाँस्हणों गाशी बऐठी गुवा।

प्रकाशितवाक्य 3:5

जू जींत्ती ज़ाँव तेस कैई शे ऐष्णें ही चीट्टें खोट्णों बम्बाईले, अरह् हाँव तिनको नाँव जीवन की कताबे शो बिल्कुल ने काट्दी; परह् तिनको नाँव आप्णे परमं-पिता अरह् स्वर्गदूत्तों के सहाँम्णें माँनुबा।

प्रकाशितवाक्य 6:9

जबे छ़ैल़्टे ऐ पाँच्वीं सिल च़ूड़ी, तअ मुँऐ बैदी पूजों थाँई, तिनू ऋषी की आत्त्मा मित्त्के देखे, जिनकी हंत्त्या पंण्मिश्वर के बचन के कारण अरह् आपु तिनकी गुवाऐ-शाज़्त्त के कारण जुण्जी तिन्ऐं देऐ थंऐ थी, तिनकी हंत्त्या करी गऐ।